Kaca:Bali-lontar-paparikan-arjuna-wiwaha-02-300ppi.pdf/2

[᭑ 1B]
᭑
᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬲ᭄ᬯᬳ᭛᭜᭛ᬤᬸᬃᬫ᭄ᬫᬗ᭄ᬕᬮᬵᬩ᭄ᬮᭀᬕᬾᬳᬗ᭄ᬕᭀᬦ᭄ᬩᬩᬗ᭄ᬕᬦ᭄᭞ᬦᬃᬓ᭄ᬓᬓᬳ᭄ᬬᬸᬦ᭄ᬲᬗ᭄ᬓᬯᬷ᭞ᬢ᭄ᬯᬭᬦᬯᬂᬳᬸᬮᬄ᭞ᬳᬸᬘᬧ᭄ᬰᬢᭀᬤᬶᬰ᭄ᬯᬃᬕ᭄ᬕᬦ᭄᭞ᬤᬸ
ᬓ᭄ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬦᬾᬗᬹᬦᬶ᭞ᬓᬢᬶᬩᬾᬂᬤᬸᬄᬓ᭞ᬳᬦ᭄ᬢᬸᬓ᭄ᬳᬶᬭᬓ᭄ᬱᬵᬲᬚᬸᬢᬶ᭟ᬳᬩᬜᬕᬸᬂᬧᬶᬲᬦ᭄ᬫᬳᬤᬦ᭄‌‌ᬯᬝᬵᬓᬯᬘ᭞ᬤᬶᬫᬡ᭄ᬝᬓᬦᬵᬕᬭᬶ᭞ᬲᬸᬕᬶᬄᬩᬮᬯᬷᬭ᭄ᬬ᭞ᬲᬵᬫ᭄ᬧᬸᬦ᭄ᬫᬜ᭄ᬚᬬ
ᬪ᭄ᬯᬦ᭞ᬢ᭄ᬯᬭᬳᬤᬫᬦᬡ᭄ᬥᬶᬗᬶᬦ᭄᭞ᬭᬶᬂᬓᬯᬶᬰᬾᬱᬦ᭄᭞ᬤᬾᬯᬣᬧᬥᬵᬳ᭄ᬭᬶ᭟ᬤ᭄ᬮᭀᬤ᭄ᬕᬸᬦᬸᬂᬫᬳᬵᬫᬾᬭᬸᬤᬾᬰᬦ᭄ᬜᬓᭀᬘᬧ᭄᭞ᬢᬹᬃᬧᬗ᭄ᬭᬱᬜᬕ᭄ᬮᬶᬲ᭄᭞ᬧᬘᬂᬗ᭄ᬭᬸᬲᬓ᭄ᬓᬾᬦ᭄ᬤ᭄ᬭ
ᬦ᭄᭞ᬤᬾᬦᬶᬂᬬᬲᬸᬩᬫ᭄ᬩᬳᬦ᭄᭞ᬧᬵᬦᬸᬕ᭄ᬭᬳᬵᬤᬳᬢ᭄‌‌ᬧᬶᬗᬶᬢ᭄᭞ᬢᭀᬂᬤᬤᬶᬭᬸᬲᬓ᭄᭞ᬩᬳᬦ᭄ᬤᬾᬯᬣᬋᬱᬶ᭟ᬢ᭄ᬯᬶᬭᬓ᭄ᬱᬵᬲᬤᬾᬢ᭄ᬬᬤᬵᬦᬯᬵᬲᬸᬭ᭞ᬓᬾᬯᬮ

[᭒ 2A]
᭒
ᬦᬾᬳᬩ᭄ᬲᬶᬓ᭄᭞ᬚᬦ᭄ᬫᬵᬫᬯᬶᬰᬾᬱ᭞ᬳᭂᬦ᭄ᬢᭀᬢᬗᬭᬶᬦ᭄ᬳᬶᬩ᭞ᬓᬾᬢᭀᬧᬗᬡ᭄ᬥᬶᬓᬦ᭄‌‌ᬯᬶᬥᬶ᭞ᬢᭀᬦᬾᬓ᭄ᬭᬯᭀᬲᬂ᭞ᬳᬦ᭄ᬢᬸᬓ᭄ᬤᬾᬯᬣᬦᬾᬲᬫᬶ᭟ᬢᭀᬤᬶᬰ᭄ᬯᬃᬕ᭄ᬕᬦ᭄ᬭᬯᭀᬲᬾᬫᬩ᭄ᬬ
ᬬᬸᬯᬦ᭄᭞ᬭᬶᬂᬳᬶᬤᬲᬂᬲᬘᬶᬧᬢᬶ᭞ᬜᬸᬜ᭄ᬚᬸᬂᬭᬶᬂᬳᬚ᭄ᬜᬳ᭞ᬗ᭄ᬭᬯᭀᬲ᭄ᬤᬶᬧᬓᬳ᭄ᬬᬸᬦᬦ᭄᭞ᬤᬶᬚᬵᬳᬤᬚᬦ᭄ᬫᬵᬰᬓ᭄ᬢᬶ᭞ᬦ᭄ᬢᭀᬧᬘᬂᬧᬶᬦᬂ᭞ᬳᬧᬗᬭᬯᬸᬄᬫᬳᬶ᭟ᬲᬂᬆᬃᬚ᭄ᬚᬸᬦᬢᭂᬫ᭄ᬩᬾᬓᬳᭀᬃ
ᬣᬫᬢᬧ᭞ᬓᬾᬦ᭄ᬓᬾᬦ᭄ᬲᬤ᭄ᬥ᭄ᬬᬦ᭄ᬜᬗᬾᬱ᭄ᬝᬶ᭞ᬫᭂᬦᬂᬤᬶᬧᬲᬶᬬᬢᬦ᭄᭞ᬬᬦ᭄ᬲᬸᬩᬓᬮᬸᬕ᭄ᬭᬳ᭞ᬧᬬᬸᬗᬮᬶᬄᬧᬘᬂᬓᬦ᭄ᬢᬶ᭞ᬬᬾᬦ᭄ᬜᬓᬢᬸᬦᬦ᭄᭞ᬚᬩᬦᬶᬂᬳᬶᬬᬳᬮᬶᬄ᭟ᬤᬾᬦᬶᬂᬲᭂᬗ᭄ᬓ
ᬢᬶᬗ᭄ᬓᬳᬾᬗᬮᬶᬄᬦᬸᬕ᭄ᬭᬳ᭞ᬦᬸᬫᬥᬲᬃᬲᬓᬶᬢ᭄᭞ᬢᬹᬃᬫᬗᭂᬦ᭄ᬢᬵᬳᬯᬓ᭄᭞ᬫᬵᬢᬓ᭄ᬬᬧ᭄ᬢᬳᭂᬦᬂ᭞ᬧᬗᬾᬱ᭄ᬝᬶᬦᬾᬢ᭄ᬯᬄᬫᬫ᭄ᬩᭂᬲᬶᬓ᭄᭞ᬤᬵᬫ᭄ᬩᬳᬂᬳᭀᬩᬄ᭞ᬕᬶᬦᭂᬗᬂᬳᬧᬂᬢᬶ