[᭑᭗ 17B]
᭑᭗
ᬰᬶᬯᬵ᭞ᬓᬶᬭᬶᬂᬩᬵᬦ᭄ᬤᬾᬯᬣᬋᬱᬶ᭞ᬢᬹᬃᬗᬲᭀᬭᬂᬢᬢᬶᬗ᭄ᬓᬳᬦ᭄᭞ᬤᬾᬦᬶᬂᬳᬶᬤᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬲᬓᬶᬂᬓᬳᬶᬮᬰᬢᬸᬯᬶ᭞ᬧᬗ᭄ᬭᬱᬦ᭄ᬚᬕᬢᬾᬲᬵᬫ᭄ᬧᬸᬦ᭄᭞ᬓ᭄ᬥᬲ᭄ᬲᬵᬫ᭄ᬧᬸᬦ᭄ᬳᬦ᭄ᬢᬸᬓ᭄ᬳᬶᬤ᭞ᬚᭂᬮᬾᬫ᭄ᬮᬄᬓ
ᬘᬶᬗᬓᬶᬦ᭄᭞ᬲᬸᬩᬧ᭄ᬭᬕᬢ᭄᭞ᬲᬂᬨᬮ᭄ᬕᬸᬡᬵᬗᬶᬤᭂᬂᬯᬾᬬᬶᬸᬤ᭄ᬥ᭟ᬤᬾᬦᬶᬂᬤᬾᬯᬦᬾᬫᬗ᭄ᬭᬱ᭞ᬫᬳᬯᬦᬦ᭄ᬩᬳᬦ᭄ᬓᬮᬶ᭞ᬳᬗ᭄ᬕᬾᬦ᭄ᬳᬶᬤᬫᬗᬃᬯ᭄ᬯᬦᬂ᭞ᬓᬥᬶᬭᬦ᭄ᬦᬾᬲᬂᬓᬶᬭᬶᬝᬶ᭞ᬤᬶᬢᬸᬳᬶᬤᬫ᭠
ᬜᬋᬗᬶᬦ᭄᭞ᬧᬚᬮᬦ᭄ᬳᬶᬤᬾᬢ᭄ᬬᬭᬸᬲᬸᬄ᭞ᬫᬢᬶᬗ᭄ᬓᬄᬚᬸᬭᬸᬩᭀᬭᭀᬲ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬜᬶᬮᬶᬩ᭄᭞ᬤᬶᬢᬸᬳᬶᬤ᭞ᬧᬘᬂᬫᬩᬳᬦ᭄ᬤᬮᬶᬳᬦ᭄᭟ᬓᬾᬢᭀᬩᬳᬦ᭄ᬜᬭᬶᬢᬬᬂ᭞ᬩᬯᬶ
ᬦᬾᬭᬭᬶᬲ᭄ᬓᬳᬶᬦ᭄ᬢᬶᬧ᭄᭞ᬲᬗ᭄ᬳ᭄ᬬᬂᬰᬶᬯᬵᬫᬲᬶᬄᬗᬩ᭞ᬧᬦᬄᬲᬋᬂᬳᬶᬤᬗᬶᬦ᭄ᬢᬶᬧ᭄᭞ᬢᬶᬗ᭄ᬓᬄᬳᬶᬤᬦᬾᬢᬸᬯᬶ᭞ᬓᬤᬶᬲᬂᬭᬢᬸᬫᬩᬸᬭᬸ᭞ᬲᬶᬂᬓᬃᬬ᭄ᬬᬢ᭄ᬯᬄᬓᬲᬶᬤ᭄ᬥᬦ᭄᭞ᬓᬦ᭄ᬢᭂᬦ᭄ᬳᬦ᭄ᬢᬸᬓ᭄ᬲᬂᬓᬶᬭᬶᬝᬶ᭞
[᭑᭘ 18A]
᭑᭘
ᬭᬯᭀᬲ᭄ᬤᬦᬾ᭞ᬫᬯᬸᬯᬸᬄᬰᬢ᭄ᬭᬸᬦᬾᬢᭂᬓᬵ᭟ᬘᬾᬮᬾᬗᬾᬮᬦ᭄ᬢᬲ᭄ᬦᭂᬲᭂᬓᬂ᭞ᬤᬶᬢᬸᬮᬯᬸᬢ᭄ᬮᬶᬦᭂᬧᬲᬶᬦ᭄᭞ᬩᬳᬦ᭄ᬧᬦᬳᬾᬓᬵᬲ᭄ᬣᬯ᭞ᬫᬹᬮᬵᬧᬗ᭄ᬫᬾᬢᬦ᭄ᬳᬸᬭᬶᬧ᭄᭞ᬲᬗ᭄ᬳ᭄ᬬᬂᬰᬶᬯᬵᬜ
ᬋᬗᬶᬦ᭄᭞ᬫᬩ᭄ᬭᬶᬬᬸᬓ᭄ᬗᭂᬦᬬᬂᬮᬫ᭄ᬩᬸᬂ᭞ᬤᬶᬢᬸᬧᬦᬳᬾᬤᬤ᭄ᬯ᭞ᬓᬢ᭄ᬫᬄᬤᬤᬶᬳᬩᭂᬲᬶᬓ᭄᭞ᬲᬗ᭄ᬓᬦ᭄ᬓᬾᬢᭀ᭞ᬳᬧᬂᬳᬤᬧᬋᬩᬸᬢᬂ᭟ᬲᬸᬩᬫᬵᬢᬶᬦ᭄ᬢᭀᬳᬶᬫᬸᬃᬓᬵ᭞ᬲᬂᬧᬶᬸᬨᬮ᭄ᬕᬸᬡᬤᬶᬢᬸᬕ᭄ᬮᬶ᭠
ᬲ᭄᭞ᬜ᭄ᬚᬕ᭄ᬚᬦᬶᬸᬕᬶᬦ᭄ᬫᬜ᭄ᬫᬓ᭄ᬧᬦᬄ᭞ᬢ᭄ᬯᬭᬲᬸᬫᬡ᭄ᬥᬾᬬᬂᬳᬢᬶ᭞ᬳᬶᬤᬪᬝᬵᬭᬭᬭᬶᬲ᭄᭞᭠ᬗᬡ᭄ᬥᬶᬓᬫᬲᬯᬂᬩᭂᬡ᭄ᬥᬸ᭞ᬜᬾᬦ᭄ᬳᬶᬩᬮᬜ᭄ᬘᬂᬧᬶᬲᬦ᭄᭞ᬳᬶᬚᬸᬢ᭄ᬯᬭᬧᬧᬓᬶᬭᬶᬂ᭞ᬓᬤᬮᬸᬫᬸᬓ᭄
᭞ᬢᬶᬗ᭄ᬓᬳᬾᬫᬜᭂᬫᬓ᭄ᬧᬦᬄ᭟ᬓᬮᬶᬗᬦ᭄ᬜᬢᬦ᭄ᬧᬓᬃᬬ᭄ᬬ᭞ᬓ᭄ᬢᬸᬦᬾᬫᬶᬯᬄᬕ᭄ᬦᬶᬢ᭄ᬭᬶ᭞ᬫᬦᭀᬗᭀᬲ᭄ᬤᬶᬕᬸᬦᬸᬂᬳᬮᬲ᭄᭞ᬮᬓ᭄ᬱᬡᬫᬫᬵᬢᬶᬫᬵᬢᬶ᭞ᬢ᭄ᬯᬭᬩᭂᬦᭂᬄᬦᬾᬚᬦᬶ᭞ᬢᬶᬗ᭄ᬓᬳᬾ
