[᭙ 9B]
᭙
᭟ᬫ᭄ᬮᭂᬤ᭄ᬓᭂᬦᭂᬄᬜᬦᬾᬮᬶᬯᬢ᭄᭞ᬓᬕ᭄ᬮᬸᬢᬂᬢᬗᬦ᭄ᬦᬾᬲᬂᬓᬶᬭᬶᬝᬶ᭞ᬢᬧᬶᬳᬾᬫᬗ᭄ᬭᬦᬂᬳᬮᬸᬲ᭄᭞ᬤᬾᬦᬶᬂᬫᬸᬮᬜᬤ᭄ᬬᬬᬂ᭞ᬬᬦ᭄ᬲᬯᬗᬂᬩᬸᬓᬳᬫ᭄ᬩᬸᬩᬸᬫᬗ᭄ᬮᬶᬧᬸᬢ᭄᭞ᬩᬸᬮᬦᬾᬲ᭄ᬥᭂᬓ᭄ᬧᬹᬃᬡ᭄ᬦᬫ᭞
ᬗᭂᬦᬄᬬᬫᬲᬯᬂᬓᬸᬦᬶᬂ᭟ᬳᬤᬫᬢ᭄ᬮᬾᬤᭀᬄᬤᬶᬧᭂᬳᬵ᭞ᬜᭂᬮ᭄ᬲᭂᬮ᭄ᬳᬯᬓ᭄ᬗ᭄ᬮᬶᬂᬦᬢᬓᬶ᭠ᬦ᭄ᬘᬤᬶᬓ᭄᭞ᬧᬮ᭄ᬬᬢᬾᬲᬤᬩᬮᬸᬦ᭄᭞ᬢᬦ᭄ᬧ᭄ᬕᬢ᭄ᬦᬍᬓ᭄ᬢᭂᬓᬂ᭞ᬤᬾᬦᬶᬂᬘᬸᬮᬸᬓ᭄ᬳᬶᬥᬧᬾᬧᬘᬂᬫᬢ᭄ᬫᬸ᭞
ᬢᭀᬧᬕᬸᬢᬂᬤᬶᬫᬵᬢ᭞ᬳᬶᬥᬧᬾᬲᬶᬦᭀᬫ᭄ᬫᬩᬸᬜ᭄ᬘᬶᬂ᭚᭜᭚ᬧᬸᬄᬲᬶᬦᭀᬫ᭄᭚᭜᭚ᬮᬶᬬᬸᬢᬶᬗ᭄ᬓᬄᬜᬫᬗ᭄ᬕᭀᬤ᭞ᬲᬂᬨᬮ᭄ᬕᬸᬡᬢ᭄ᬯᬭᬳᬶᬲᬶᬦ᭄᭞ᬤᬤᬶᬳᭂᬗ᭄ᬲᭂᬩ᭄ᬲᬗᬓᬳ᭄ᬬᬂᬲᬹᬃᬬ᭄ᬬ᭞ᬩᬸ
ᬮᬦᬾᬧᭂᬲᬸᬗᬮᬗᬶᬦ᭄᭞ᬲᬹᬃᬬ᭄ᬬᬦᬾᬲᬗ᭄ᬓᬦ᭄ᬕᭂᬮᬶᬲ᭄᭞ᬳᭂᬗ᭄ᬲᭂᬩ᭄ᬜᬭᬸᬤᬶᬳᬫ᭄ᬩᬸᬩᬸ᭞ᬕ᭄ᬥᭂ᭠ᬕ᭄ᬳᬶᬤᬫᬜᬶᬗᬓ᭄᭞ᬢᬶᬗ᭄ᬓᬄᬥᬥᬭᬶᬦᬾᬲᬫᬶ᭞ᬩᬵᬲ᭄ᬓᬤᬸᬭᬸᬲ᭄᭞ᬢ᭄ᬯᬭᬩᬶᬱᬗᬸᬩ᭄ᬥᬵᬲ᭄ᬫᬵᬭ᭟
[᭑᭐ 10A]
᭑᭐
ᬳᬤᬵᬓ᭄ᬥᭂᬄᬫᬫ᭄ᬥᬲᬂ᭞ᬭᬶᬂᬯᬃᬡ᭄ᬦᬦᬾᬲᬂᬓᬶᬭᬶᬝᬶ᭞ᬩᬸᬲᬦ᭄ᬩᬸᬲᬦ᭄ᬬᬫᬗ᭄ᬕᭀᬤ᭞ᬲᬂᬨᬮ᭄ᬕᬸᬡᬢ᭄ᬯᬭᬕᬸᬗ᭄ᬕᬶᬄ᭞ᬤᬤᬶᬳᬯᬓᬾᬧᬮᬶᬂ᭞ᬓᬕᭀᬤᬩᬳᬦ᭄ᬳᬸᬮᬗᬸᬦ᭄᭞ᬮᬯᬸᬢ᭄ᬬᬤᬶᬢᬸᬗᭂᬗ᭄ᬓᬮ᭄᭞ᬜᬭᬸ
ᬯᬂᬳᬶᬥᬧᬾᬧᬮᬶᬂ᭞ᬫᬲᬫ᭄ᬩᬶᬮᬦ᭄᭞ᬫᭂᬘᬶᬓ᭄ᬩᬢᬶᬲ᭄ᬫᬤᭂᬓᭂᬲᬦ᭄᭟ᬳᬤᬜᬶᬗᬮ᭄ᬩᬸᬗᬦ᭄ᬧᬸᬥᬓ᭄᭞ᬳᬶᬬᬕ᭄ᬮᬸᬢ᭄ᬧᬜᭀᬜᭀᬯᬶᬦ᭄᭞ᬩᬸᬓᬢᬶᬗ᭄ᬓᬄᬢ᭄ᬓᬾᬦ᭄ᬧ᭄ᬬᬦᬓ᭄᭞ᬧᬸᬥᬓᬾᬮᬦ᭄ᬢᬲ᭄ᬫᬸᬜᬶᬦᬶᬦ᭄᭞
ᬤᬾᬯᬚᬦᬶᬓᬧᬗ᭄ᬕᬶᬄ᭞ᬳᬚᬶᬦ᭄ᬳᬶᬤᬾᬯᬦᬾᬭᬢᬸ᭞ᬳᬶᬤᬾᬯᬢᬦᬶᬪᬕ᭄ᬬ᭞ᬚᬦᬶᬢᬸᬯᬸᬦ᭄ᬫᬦᬸᬫᬤᬶ᭞ᬲᬗ᭄ᬓᬦ᭄ᬓ᭄ᬫ᭞ᬦᭂᬗᬶᬦ᭄ᬩᬦ᭄ᬳᬚᬶᬦ᭄ᬳᬶᬤᬾᬯ᭟ᬳᬤᬦ᭄ᬢᭀᬦᬾᬓ᭄ᬥᭂᬄᬳᬳ᭄ᬬᬸᬦ᭞ᬩᬶᬱᬗᬯᬾᬫ
ᬦᬄᬧᬮᬶᬂ᭞ᬫᬗᬶᬍᬳᬶᬦ᭄ᬮᬦ᭄ᬢᬲ᭄ᬜᭂᬫᬓ᭄᭞ᬢᬗᬦ᭄ᬢᬧᬵᬦᬾᬲᬮᭂᬧᬶᬢ᭄᭞ᬩᬵᬲ᭄ᬳᬸᬮᬗᬸᬦ᭄ᬜᬸᬲᬸᬧᬶᬦ᭄᭞ᬜᭀᬜᭀᬦᬾᬤ᭄ᬓᭂᬢᬂᬮᬯᬸᬢ᭄᭞ᬤᬶᬭᬕᬦᬾᬲᬂᬧᬵᬃᬣ᭞ᬗᭂᬋᬲ᭄
