Kaca puniki sampun kauji-wacén
[᭑1B]
᭑
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬕᬸᬲ᭄ᬢᬶᬯᬬᬦ᭄᭟᭟᭜᭟ᬧᬸᬧᬸᬄᬕᬶᬦᬤᬵ᭟᭜᭟ᬳᬤᬕᬕᬸᬭᬶᬢᬦ᭄ᬳᬜᬃ᭞ᬳᬶᬳᬜᬃᬯᬯᬸᬓ
ᬕᬸᬭᬶᬢ᭄᭞ᬳᬤᬓᬯᬃᬡ᭄ᬦᬦᭂᬦ᭄ᬋᬓᭀ᭞ᬧᬺᬚᬸᬭᬶᬢ᭄ᬳᬦᭀᬫ᭄ᬳᬩᬕᬸ᭠ᬲ᭄᭞ᬚᬦᬶᬤᬦᬾᬫᬭᬶᬂᬤᬾᬰ᭞ᬗᬢᬗᬶᬲ᭄ᬢ᭄ᬭᬶ᭞ᬓᬧᬗ᭄ᬕᬶᬄᬯᬯᬸᬲᬳᬸᬮᬦ᭄᭟
ᬬᬦ᭄ᬳᬶᬫ᭄ᬩᬵᬢ᭄ᬯᬭᬵᬤᬘᬾᬤ᭞ᬦᬾᬓᬓᬸᬂᬫᬶᬯᬄᬦᬾᬳᬶᬲ᭄ᬢ᭄ᬭᬶ᭞ᬕᭀᬩᬦ᭄ᬜᬓᬮᬶᬦ᭄ᬢᬂᬢᬯᭀᬓ᭄᭞ᬫ᭄ᬮᬳᬾᬢ᭄ᬯᬭᬵᬤᬩᬦ᭄ᬤᬸᬂ᭞ᬩᬸᬓᬲ᭄ᬓᬭᬾᬳᬧᬲᬂ᭞ᬫ
ᬗᬾᬤᬦᬶᬦ᭄᭞ᬩᬸᬓᬢ᭄ᬯᬭᬧᬤᬧᬤ᭟ᬲ᭄ᬤᭂᬓ᭄ᬦᬾᬳᬶᬲ᭄ᬢ᭄ᬭᬶᬓᬧᬲᬃ᭞ᬲᬂᬧ᭄ᬭᬪᬸᬓᬧᭂᬦ᭄ᬤᬓ᭄ᬮᬶᬭᬶᬂ᭞ᬤᬤᬶᬫᬢ᭄ᬫᬳᬦ᭄ᬯᬶᬭᭀᬦ᭄᭞ᬢᬸᬫᬶᬗ᭄ᬳᬮᬾᬳᬦ᭄ᬢᬸᬦᬦ᭄᭞
[᭒2A]
ᬢᭀᬂᬤᬤᬶᬧᬲᬄᬭᬶᬂᬢᬶᬗ᭄ᬕᬮ᭄᭞ᬫᬗᬾᬤᬦᬶᬦ᭄᭞ᬩᬸᬤ᭄ᬥᬶᬦᬶᬂᬯ᭄ᬯᬂᬲᬦᬵᬕᬭ᭟ᬢᬦ᭄ᬓᭀᬘᬧᬦ᭄ᬕᬸᬲ᭄ᬢᬶᬯᬬᬦ᭄᭞ᬓᬭᬲᬭᬲᬭᬶᬂᬳᬢᬶ᭞ᬓᭀᬘᬱᬦ᭄ᬳᬶ
ᬕᬸᬲ᭄ᬢᬶᬯᬬᬦ᭄᭞ᬕᬸᬲ᭄ᬢᬶᬯᬬᬦᬾᬧᬸᬦᬶᬓᬸ᭞ᬫᬸᬗ᭄ᬕᬄᬭᬶᬂᬢᬼᬗᬶᬂᬫᬦᬄ᭞ᬲ᭄ᬤᬶᬄᬓᬶᬗ᭄ᬓᬶᬂ᭞ᬚᬦᬶᬳᬶᬗᭂᬢ᭄ᬓᬾᬦ᭄ᬭᬵᬕ᭟ᬚᬦᬶᬢ᭄ᬓᬧᬗᬭᬳᬦ᭄᭞ᬓᬢᬸᬤᬸᬄᬫ
ᬦᬶᬓᬸᬮ᭄ᬩᭂᬤᬶᬮ᭄᭞ᬭᬪᬷᬢᬫ᭄ᬩᬃᬮ᭄ᬯᬲ᭄ᬳᭂᬚᭀᬄ᭞ᬫᬲᬶᬄᬮᬫ᭄ᬧᬳᬂᬫᬦᬶᬓᬸᬮ᭄᭞ᬳᬧᬂᬧᬢᬸᬢᬾᬚᬮᬦᬂ᭞ᬚᬯᬢ᭄ᬫᬢᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬳᬸᬧᬓᬵᬭ᭟
ᬲᬸᬩᬓᬭᬱᬭᬶᬂᬫᬦᬄ᭞ᬲᬩᬶᬓᬲ᭄ᬩᬶᬓᬲ᭄ᬳᬾᬮᬶᬗᬶᬦ᭄᭞ᬓᭀᬘᬧᬦ᭄ᬳᬶᬕᬸᬲ᭄ᬢᬶᬯᬬᬦ᭄᭞ᬧ᭄ᬭᬚᬚᬓᬚᬸᬭᬸᬓᬸᬭᬸᬂ᭞ᬲᬶᬂᬢᬸᬫᬶᬗ᭄ᬳᬶᬮ᭄ᬧᬥᬯ᭄ᬮᬲ᭄᭞
