Kaca puniki sampun kauji-wacén
[᭑᭒12B]
᭑᭒
ᬜ᭄ᬘᬶᬗᬄ᭟ᬚᬸᬫᬸᬚᬸᬕ᭄ᬭᬶᬂᬧᬮᬮᬗ᭄ᬯᬦ᭄᭞ᬳᬸᬘᬧᭂᬦ᭄ᬓᬂᬧᬭᬭᬩᬶ᭞ᬳᬸᬫᬸᬂᬲᬦ᭄ᬯᬾᬳᬶᬂᬯᭀᬂᬚ᭄ᬭᭀ᭞ᬧᬥᬦᬶᬜ᭄ᬚ᭄ᬚᭀᬧ᭄ᬧ᭄ᬧᬘᬭᬸᬗᬸᬂ᭞ᬫᬩᬮᬶᬄᬦᬶᬕᬸᬲ᭄ᬢᬶᬜᭀ
ᬫᬦ᭄᭞ᬧᬥᬗᬸᬗ᭄ᬲᬶ᭞ᬳ᭄ᬦᬸᬫᬗᬮᬶᬄᬳᬮᬶᬗᬦ᭄᭟ᬦᬾᬲᬸᬩᬯᬲᬱ᭄ᬧᬤᬫᬸᬮᬢ᭄᭞ᬕᬯᭀᬓᬾᬢᬦ᭄ᬲᬶᬧᬶᬲᬶᬧᬶ᭞ᬲ᭄ᬤᭂᬂᬳᬸᬮᬗᬸᬦ᭄ᬲᬂᬓᬢᭀᬂ᭞
ᬯᬃᬡ᭄ᬦᬦ᭄ᬤᬦᬾᬮᬶᬯᬢ᭄ᬳᬬᬸ᭞ᬳᬓ᭄ᬯᬾᬄᬧᬯᬾᬲ᭄ᬢ᭄ᬭᬶᬲᬂᬦᬵᬣ᭞ᬫᬓᬧᬸᬭᬶ᭞ᬳᬓᬾᬄᬳᬶᬧᬸᬦ᭄ᬯᬾᬦ᭄ᬢᭂᬦ᭄ᬲᬢᬓ᭄᭟ᬲᬫᬶᬬᬧᬥᬓᬸᬘᬶᬯ᭞ᬢᭀᬂᬳᬤᬫ
ᬥᬦᬶᬦ᭄ᬢᬦ᭄ᬤᬶᬂ᭞ᬲᬶᬂᬢᬸᬫᬶᬗ᭄ᬳᬮ᭄ᬧᬥᬩ᭄ᬦᭀᬂ᭞ᬕᬸᬲ᭄ᬢᬶᬜᭀᬫᬦ᭄ᬬᬓᬧᬸᬧᬸ᭞ᬫᬸᬗ᭄ᬕᬸᬄᬭᬶᬂᬢᬼᬗᬶᬂᬫᬦᬄ᭞ᬰ᭄ᬭᬷᬪᬹᬧᬢᬶ᭞ᬢᬦ᭄ᬓᭂᬦᬬᬦ᭄ᬩᬶᬦᬜ᭄ᬘᬦ᭟ᬫᬗ
[᭑᭓13A]
ᬦ᭄ᬢᬶᬬᬂᬧᬫᬬ᭞ᬲᬸᬓᬦᬾᬢᬦ᭄ᬲᬶᬧᬶᬲᬶᬧᬶ᭞ᬭᬩᬶᬦᬾᬧᬤᬤᬋᬡᬦ᭄᭞ᬢᬦ᭄ᬲᭀᬭᬢ᭄ᬚᬦᬶᬫᬜᬶᬂᬓ᭄ᬭᬸᬂ᭞ᬲ᭄ᬤᬶᬄᬓᬶᬂᬓᬶᬂᬢ᭄ᬓᬾᬦ᭄ᬳᬯᬓ᭄᭞ᬳᬶᬗᭂ
ᬢ᭄ᬚᬦᬶᬢ᭄ᬓᬾᬦ᭄ᬢᬶᬗ᭄ᬓᬳᬾᬦᬾᬲᬸᬩᬵ᭟ᬲᬸᬩᬧ᭄ᬢᭂᬂᬤᬶᬧ᭄ᬤᭂᬫᬦ᭄᭞ᬓᬕᬶ᭠ᬦ᭄ᬢᭂᬂᬧᬦᬓ᭄ᬦᬾᬘ᭄ᬭᬶᬓ᭄᭞ᬳᬧᬗᬜᬓ᭄ᬬᬫᬘᬭ᭞ᬢᬗ᭄ᬓᭂᬚᬸᬢ᭄ᬕᬍᬗᬾᬓᬸᬓᬸ
ᬧ᭄᭞ᬳᬭᬲ᭄ᬧᬶᬦ᭄ᬤᬬᬂᬲᬂᬦᬵᬣ᭞ᬓᬕᬾᬢ᭄ᬫᬾᬮᬶᬂ᭞ᬓᬧ᭄ᬯᬕᬍᬗᬾᬲᬩᬢᬂ᭟ᬳᬤᬧᬜ᭄ᬚᬶᬫᬜᭂᬫ᭄ᬩᬤ᭄᭞ᬳᬤᬸᬄᬲᬫ᭄ᬧᬸᬦᬶᬓᬕᬸᬲ᭄ᬢᬶ᭞ᬲᬮᬄ
ᬳᬧᬓᬾᬦ᭄ᬢᭀᬲᬶᬕ᭞ᬮᬮᬓᭀᬦ᭄ᬫᬳᬦ᭄ᬚᬕᬸᬂ᭞ᬚᬕ᭄ᬚᬕ᭄ᬩᭂᬮᬶᬬᬂᬓᬧᬲᬃ᭞ᬳᬧᬂᬢᬸᬲᬶᬂ᭞ᬚᬳᭂᬦ᭄ᬳᬤᬳᬫᬄᬮᬾᬦᬦ᭄᭟ᬓᭀᬘᬧ᭄ᬳᬦᬾ
