[᭖ 6 B]
ᬦᬾᬓ᭄ᬢᬸᬯᬸᬦ᭄᭞ᬳᬧᬦ᭄ᬫᬫᬗ᭄ᬓᬸᬦᬾᬫᬦ᭄ᬤᬶ᭞ᬚᬸᬭᬸᬫᬗᬓ᭄ᬱ᭄ᬬᬂ᭞ᬳᬢᬸᬭᬦᬦᬓᬾᬮᬶᬬᬸ᭞ᬩ᭄ᬬᬦᬩᬶᬱᬮᭀᬪ᭞ᬗᬗ᭄ᬕᭀᬓᬤᬃᬫ᭄ᬫᬦ᭄ᬬᬸᬓ᭄ᬢᬶ᭞ᬢᬸᬃᬲᬫ᭄ᬧᬸᬦ᭄ᬫᬗ᭄ᬕᭂᬮᬄᬳ᭄ᬬᬦᬓ᭄᭞ᬍᬓᬤ᭄ᬩᬸᬜ᭄ᬘᬶᬂᬫ
ᬜᬫᬧᬢᬸᬄ᭟᭐᭟ᬚᬦᬶᬩᬳᬸᬫᭂᬦᬾᬓ᭄ᬓᭂᬮᬶᬄᬫᬓᬤᬤ᭄ᬯ᭞ᬮᬸᬄᬚᭂᬕᬾᬕ᭄᭞ᬫ᭄ᬯᬦᬶᬩᬕᬸᬲ᭄᭞ᬲᬬᬗᬾᬫᬦᬸᬢᬸᬕ᭄᭞ᬧᬗ᭄ᬭᬲᬦᬾᬰᬸᬘᬶᬳᭂᬦᬶᬂ᭞ᬩ᭄ᬬᬦᬩᬶᬱᬍᬕ᭞ᬩ᭄ᬬᬦᬋᬓᬾᬩᬶᬱᬳᬶᬩᬸ
ᬓ᭄᭞ᬯᬦ᭄ᬢᬄᬫᬗᬶᬲ᭄ᬢᬶᬬᬂ᭞ᬤᬾᬯᬭᬳᬶᬦᬯᭂᬗᬶ᭞ᬩᬸᬓᬫᬺᬢᬦᬾᬫᬢᬫ᭄ᬧ᭞ᬩ᭄ᬬᬦᬳᬤᬓᭂᬘᭀᬓᬦᬼᬢᬸᬄ᭟᭐᭟ᬳᬧᬦ᭄ᬓᭀᬘᬧ᭄ᬧᭂᬲᬸᬲ᭄ᬤᬮᬶᬤᬶᬅᬚ᭄ᬜᬵᬦ᭞ᬓᬘᬢ᭄ᬭᬶᬩᬓᬮ᭄ᬤᬶᬢᬸ᭞
ᬚᬸᬭᬸᬫᬶᬜ᭄ᬘᬂᬫᬶᬜ᭄ᬘᬂᬫᬶᬜ᭄ᬘᬸᬂ᭞ᬗ᭄ᬕᬳᬾᬩᬦ᭄ᬢᭂᬦ᭄ᬩᬸᬭᬢ᭄ᬯᬗᬶ᭞ᬤᬤᬶᬓᬕᬯᭀᬓᬦ᭄᭞ᬳᬶᬬᬬᬸᬫᬢᬓᭀᬦ᭄ᬚᬸᬚᬸᬢ᭄᭞ᬢᬸᬢᬸᬭᬶᬦ᭄ᬚᬢᬶᬢ᭄ᬬᬂ᭞ᬳᬗ᭄ᬕᭀᬦ᭄ᬧᬗᬼᬕᬦ᭄ᬳᬢᬶ᭞ᬲᬧᬸᬦᬧᬶᬚᬦᬾᬲᬸᬩ᭞ᬓ
[᭗ 7 A]
ᬦ᭄ᬤᬦ᭄ᬧᬜᬶᬯ᭄ᬬᬦᬾᬢᭀᬤᬶᬢᬸ᭟᭐᭟ᬳᬧᬦ᭄ᬫᬸᬮᬳᭂᬦ᭄ᬢᭀᬕᬸᬲ᭄ᬢᬶᬧᬦᭂᬫ᭄ᬩᬳᬦ᭄᭞ᬓᬳ᭄ᬬᬗᬦᬾᬤᬶᬤᬸᬳᬸᬃ᭞ᬫᬦᭂᬫᬸᬢᬶᬦᭂᬫᬸ᭞ᬲᬸᬂᬲᬸᬂᬳᬚᬓ᭄ᬫᬓᬕᬸᬫᬶ᭞ᬯᭀᬂᬤᬤᬶᬧᬾᬧᬾᬓ᭞ᬩ᭄ᬬᬦᬤ
ᬤᬶᬘᬸᬯᬄᬘᬯᬸᬄ᭞ᬳᬧᬦ᭄ᬲᬸᬓᬤᬸᬄᬓ᭞ᬤᬶᬢᬸᬧᬤᬫᬤᬕᬶᬂ᭞ᬓᭀᬘᬧ᭄ᬫᬦᬶᬱ᭄ᬞᬉᬢ᭄ᬢᬫ᭞ᬕᭂᬥᬾᬘᭂᬦᬶᬓ᭄ᬤᬶᬢᬸᬫᬘᬫ᭄ᬧᬸᬃ᭟᭐᭟ᬚᭂᬮᬾᬫᭂᬮᬳᬾᬕᬸᬲ᭄ᬢᬶᬲᭂᬮᬢᬓᬩᬂ᭞ᬮᬸᬄᬫ᭄ᬯᬦᬶᬧ
ᬥᬫᬸᬗ᭄ᬕᬸᬄ᭞ᬲ᭄ᬯᬃᬕ᭄ᬕᬦᬵᬭᬓᬤᬶᬢᬸ᭞ᬯᬦ᭄ᬢᬄᬧᬸᬦᬶᬓᬦᬾᬉᬗ᭄ᬲᬶ᭞ᬳᬚᬓ᭄ᬫᬓᬚᬕᬢ᭄᭞ᬳᬕᬸᬂᬳᬮᬶᬢ᭄ᬕᬸᬲ᭄ᬢᬶᬭᬯᬸᬄ᭞ᬦᬾᬚᬦᬶᬳᬶᬤᬾᬯ᭞ᬦ᭄ᬤᬸᬫᬤᬶᬳᬧᬂᬳᬸᬦᬶᬂ᭞ᬳᬚᬓ᭄ᬢᬶᬢ᭄ᬬᬂᬩᬋᬂᬓᭂᬫ᭞ᬧᬶᬮᬶᬄ
ᬲᬤ᭄ᬬᬦᬸᬦᬲ᭄ᬭᬳᬬᬸ᭟᭐᭟ᬲᬗ᭄ᬓᬦ᭄ᬚᬸᬚᬸᬃᬚᬮᬦ᭄ᬲᬢᭂᬓᬢᭂᬓᬬᬦ᭄᭞ᬓᬤᬸᬂᬳᬘᭂᬧ᭄ᬫᬗ᭄ᬮᬯᬸᬢ᭄᭞ᬢᭂᬓᭂᬤᬂᬚ᭄ᬯᬤᬶᬢᬸ᭞ᬓ᭄ᬭᬫᬦᬶᬂᬳᬯᬓ᭄ᬦ᭄ᬤᬸᬫᬤᬶ᭞ᬫᬦ᭄ᬤᬤᬶᬫᬵᬦᬸᬱ᭞ᬤᭀᬂᬓᭀᬢᬶᬢ᭄ᬬᬂᬢᭂ
Kaca:Bali-lontar-kidung-dampati-lalangon-01-300ppi.pdf/7
Kaca puniki sampun kauji-wacén
