᭘ [8B]ᬭᬦᬦᬶᬭᬳᬗᬸᬗ᭄ᬰᬶ᭞ᬳᬫᬫᬦᬾᬓ᭄ᬢᬲᬶᬭᬭᬶᬂᬯᬶᬢᬶᬂᬢᬮ᭄᭞ᬭᬶᬂᬧᬶᬗ᭄ᬕᬶᬭᬶᬂᬓᬮᬶ᭞ᬓᬭᬳᬶᬦᬦ᭄ᬓᬯ᭄ᬭᬸᬳᬦ᭄᭞ᬬᬾᬦ᭄ᬳᬫᬫᬦᬾᬓᬶᬂᬢᬮ᭄᭞ᬢᬶᬦᬸᬗ᭄ᬕᬸᬤᬾᬦᬶᬂᬯ᭄ᬯᭀᬂᬓᬧᬸᬡ᭄ᬟᬸᬗᬦ᭄ᬳᬶᬲᭀᬃᬢᬶᬦᬩᬸᬳᬦ᭄ᬓᬚᬃᬢᬮ᭄ᬧᬸᬦᬶᬓᬳᬶ
ᬦᬤᬸᬂᬤᬾᬦᬶᬂᬓᬂᬳᬫ᭄ᬩᬸᬭᬸᬭᬶᬂᬲᬶᬭ᭞ᬲᬫᬗ᭄ᬓᬦᬢᬲᬶᬭᬳᬦᬗᬶᬲ᭄ᬳᬦᬫ᭄ᬩᬸᬢᬶᬓᬗᬬᬰᬵᬟᬃᬫ᭄ᬫᬭᬶᬂᬲᬶᬭ᭞ᬤᬤᬶᬲᬶᬭᬳᬫᭂᬋᬲᭂᬧ᭄ᬰᬩ᭄ᬤᬭᬶᬂᬗᬯᬗᬯᬂ᭞ᬓᬶᬦᭀᬦ᭄ᬲᬶᬭᬳᬫ᭄ᬭᬗᬭᭀᬦᬶᬂᬢᬮ᭄ᬧᬶᬦᬓᬳᭂᬮᬭᬦᬶᬭ
ᬓᬶᬯᬢᭂᬗᭂᬦ᭄᭞ᬫᬃᬕ᭄ᬕᬦᬦᬶᬭᬳᬗ᭄ᬮᬸᬬᬂᬫᬭᬶᬂᬲᬩ᭄ᬭᬂᬯᬾᬢᬦ᭄᭞ᬫᬲᬲᬶᬭᬫᬢᬶᬮᬫᬸᬯᬄ᭞ᬬᬢᬳᬫ᭄ᬭᬂᬲᬶᬭᬵᬦ᭄ᬢᬸᬓᬓᬵᬮᬶᬄᬧᬶᬦᬓᬳᭂᬮᬭᬦᬶᬭᬓᬶᬯᬢᭂᬗᭂᬦ᭄ᬳᬗ᭄ᬮᬬᬂᬲᬶᬭᬫᬭᬶᬂᬲᬩ᭄ᬭᬂᬯᬾᬢᬦ᭄᭞ᬫᬮ
ᬬᬹᬳᬗᬸᬗ᭄ᬰᬶᬭᬶᬂᬭᬵᬕᬫᬲ᭞ᬢᬶᬦᬹᬢ᭄ᬲᬶᬭᬩᬶᬦᬸᬭᬸ᭞ᬳᬗᬸᬗ᭄ᬰᬶᬢᬲᬶᬭᬭᬶᬂᬫᬡ᭄ᬟᬮᬾᬗᭀᬭᬦ᭄᭞ᬢᬶᬦᬹᬢ᭄ᬩᬶᬦᬸᬭᬸ᭞ᬫᬮᬬᬸᬳᬗᬸᬗ᭄ᬰᬶᬭᬶᬂᬫᬡ᭄ᬟᬮᬾᬂᬓᬧᬸᬡ᭄ᬟᬸᬗᬦ᭄᭞ᬓᬢᭂᬫᬸᬳᬢᬦᭂᬫ᭄ᬲᬶᬭᬫᬡ᭄ᬟᬮ᭞ᬳᬶᬗ
᭙ [9A]ᬮᬶᬗᬦ᭄ᬲᬶᬭᬳᬶᬗᬓᬸᬯᭂᬓᬤᬾᬦᬶᬭᬫᬡ᭄ᬟᬮ᭞ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬳᬦᬓᬶᬭᬫᬡ᭄ᬟᬮᬯᬟᬳᬢᬦᭂᬫ᭄᭞ᬓᬾᬄᬳᬶᬧᬸᬦ᭄ᬦᭂᬦᭂᬫ᭄᭞ᬓᬢᬸᬚᬸᬮᬸᬗ᭄ᬳᬢᬢᬯᬸᬓᬂᬢᬸᬗ᭄ᬕᬮ᭄᭞ᬓᬭᬶᬮᬮᬶᬫ᭞ᬓᬶᬮᬸᬗ᭄ᬳᬕᬦ
ᬦ᭄ᬢᬾᬦᬕᬦᬫ᭄ᬤᬾᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬢᭂᬓᬵᬓᬂᬳᬩᬸᬭᬸᬭᬶᬂᬲᬶᬭ᭞ᬢᬸᬭᬗᬸᬘᬧᬶᬂᬲᬶᬭᬫᬡ᭄ᬟᬮ᭞ᬳᬦᬯ᭄ᬯᭀᬂᬳᬭᬸᬲᬸᬳᬶᬲᬸᬦ᭄ᬳᬩᬸᬭᬸ᭞ᬳᬗᬸᬗ᭄ᬰᬶᬳᬶᬗ᭄ᬓᬾᬦᬾᬫᬳᬸ᭟ᬲᬸᬫᬳᬸᬃᬲᬶᬭᬫ
ᬡ᭄ᬟᬮ᭞ᬓᬓᬶᬤᬬᬓᬦᬶᬭ᭞ᬢᬦ᭄ᬢᬸᬳ᭄ᬯᬮᬶᬜ᭞ᬓᬶᬘᬸᬦ᭄ᬓᬮᬶᬄ᭞ᬬᬾᬦ᭄ᬦᭀᬭᬾᬗ᭄ᬓᬦᬾ᭞ᬳᬦᬓᬶᬲᬸᬦ᭄ᬦᭂᬦᭂᬫ᭄ᬳᬶᬓᬶᬳᬢᬦᭂᬫ᭄᭞ᬯᬶᬮᬗᭂᬦ᭄ᬳᬸᬕᬤᬾᬦᬶᬭᬫᬦᬯ᭒ᬯᬶᬄᬲᬓᬶᬂᬦᭂᬦᭂᬫ᭄ᬳᬦᬯ᭄ᬯᭀᬂᬮᬾᬦ᭄ᬳᬶᬗ᭄ᬓᬾᬦᬾ᭟
ᬉᬚᬭᬶᬗᬩᬸᬭᬸ᭞ᬢᬸᬳᬸᬬᬾᬦ᭄ᬳᬦᬓ᭄ᬳᬶᬭᬫᬡ᭄ᬟᬮᬦᭂᬦᭂᬫ᭄᭞ᬮᬸᬗ᭄ᬳᬓᬗᬩᬸᬭᬸ᭞ᬮᬶᬗᬶᬭᬫᬡ᭄ᬟᬮᬭᬶᬂᬓᬾᬦ᭄ᬳᬗ᭄ᬭᭀᬓ᭄᭞ᬮᬸᬗ᭄ᬳᬢᬓᬓᬶ᭞ᬫᬦᬯᬳᬦᬵᬫᬶᬘᬭᬰᬩ᭄ᬤᬦ᭄ᬳᬶᬲᬸᬦ᭄᭞ᬢᬦ᭄ᬧᬦ᭄ᬢᬸᬓ᭄ᬤᬾᬦᬶᬭᬗᬸᬗ᭄ᬰᬶᬭᬶᬂ
