[᭔᭘48B]ᬲᬓᬶᬂᬲᬓ᭄ᬯᬾᬳᬶᬂᬫᬦ᭄ᬢ᭄ᬭᬶᬭᬶᬂᬫᬳᬿᬧᬳᬶᬢ᭄᭞ᬲᬫᬳᬸᬫ᭄ᬭᬶᬂᬯᭀᬢ᭄ᬕᬦ᭄ᬢᬸᬂ᭞ᬫᬦ᭄ᬢ᭄ᬭᬶᬳᬭᬭᬫᬦ᭄ᬲᬶᬭᬓᭂᬫ᭄ᬩᬭᬦ᭄ᬥᬶᬳᬶᬦᬶ᭞ᬫᬢᬶᬗ᭄ᬕᬮᬶᬂᬯᭀᬂᬳᬓᬾᬄ᭞ᬓᬂᬫᬗ᭄ᬓᬢ᭄ᬫᬭᬶᬂᬲᬥᬾᬂ᭞ᬲᬂᬫᬦ᭄ᬢ᭄ᬭᬶᬧᬭᬭᬫᬦ᭄ᬧᬶᬦᬤᬬ᭞ᬫᬓᬤᬶᬲᬗ
ᬢᬶᬄᬳᬫᬗ᭄ᬓᬸᬪᬸᬫᬶᬧᬶᬦᬤᬬ᭞ᬬᬾᬦ᭄ᬲᬶᬭᬓᭂᬫ᭄ᬩᬸᬭᬂᬭᬸᬳᬶᬦᬶᬳᬗᭂᬧᬂᬭᬶᬂᬲᬥᬾᬂ᭞ᬲᬺᬗᭂᬦ᭄ᬲᬂᬳᬫᬗ᭄ᬓᬸᬪᬸᬫᬶ᭞ᬳᬧᭀᬢᬸᬲᬦᬶᬂᬲᬂᬫᬦ᭄ᬢ᭄ᬭᬶᬚᬩ᭞ᬓᬂᬫᬗ᭄ᬓᬢ᭄ᬯᭀᬂᬮᬶᬫᬂᬩᭂᬓᭂᬮᬦ᭄᭞ᬳᬗ᭄ᬮᬶᬮᬶᬫᬲᭀᬯᬂ᭞ᬓᬧᬗ᭄ᬕᬶᬄᬲᬶᬭ
ᬓᭂᬫ᭄ᬩᬭᬦᬶᬗᬮᬲ᭄᭞ᬳᬗᬤᭂᬕᬶᬂᬓᬬᬸᬭᬸᬩᬸᬄ᭞ᬳᬗᬦ᭄ᬤᬸᬮᬦ᭄ᬤᬸᬮ᭄᭞ᬓᬬᬦᬸᬗ᭄ᬕᬂᬉᬦ᭄ᬤᬓᬦ᭄᭞ᬢᬸᬭᬗ᭄ᬮᬶᬫ᭄ᬩᬾᬓᭂᬦ᭄ᬘᬫᭂᬢᬶ᭞ᬥᬢᭂᬂᬓᬂᬓᬶᬦᬵᬦᬫᬮᬶᬗ᭄ᬕᬶᬳᬲᬶᬭᬓᭂᬫ᭄ᬩᬃ᭞ᬯᭀᬦ᭄ᬢᭂᬦ᭄ᬯᭂᬓᬲᬶᬭᬲᬂᬫᬦ᭄ᬢ᭄ᬭᬶᬲᬤᬬ᭞ᬫᬓ
ᬤᬶᬓᬓᬶᬧᬢᬶᬄᬳᬫᬗ᭄ᬓᬸᬪᬸᬫᬶ᭞ᬳᬓᬾᬦᬫᬮᬶᬗ᭄ᬕᬶᬳᬭᬶᬂᬲᬶᬭ᭞ᬧᬸᬦᬧᬋᬓᬾᬲᬗ᭄ᬓᬦᬶᬭᬭᬸᬫᬳᬸᬦᬗᭂᬧᬗᬶᬂᬯᭀᬂᬲᬥᬾᬂ᭞ᬤᬾᬦ᭄ᬘᬫᭂᬢᬶᬭᬳᬶᬦᬾᬓᬂᬓᬶᬦᭀᬦᬫᬮᬶᬗ᭄ᬕᬶᬳ᭞ᬮᬸᬧᬸᬢᬮᬶᬗᬦ᭄ᬓᬬᬸ᭞ᬢᬸᬃᬲᬶᬭ
[᭔᭙49A]ᬓᭂᬫ᭄ᬩᬭᬗᬸᬘᬧ᭄᭞ᬦᭀᬭᬦᬤᬾᬦ᭄ᬳᬶᬥᭂᬧ᭄ᬤᬾᬦᬾᬲᬶᬓᭂᬫ᭄ᬩᬭᬶᬓᬶ᭞ᬬᬾᬦᬶᬂᬧᬧ᭄ᬭᬗᬦ᭄ᬦᭀᬭᬳᬶᬥᭂᬧᬶᬂᬧᬗᬾᬭᬦ᭄ᬫᬸᬳᬶᬓᬸ᭞ᬮᬸᬗ᭄ᬳᬓᬂᬓᬶᬦᭀᬦᬮᬸᬗ᭄ᬕᬸᬳ᭟ᬳᬯᬺᬢ᭄ᬢᬲᭀᬚᬭᬶᬭᬓᭂᬫ᭄ᬩᬃ᭞ᬫᭂᬦᭂᬂᬲᬶᬭᬕᬚᬄᬫᬥᬾ᭞ᬢᭂ
ᬓᬵᬯᬶᬦᬳᭀᬦᬦ᭄ᬓᬶᬦᭂᬧᬂᬯᭀᬂᬲᭂᬥᭂᬂ᭟ᬢᬸᬳᬦ᭄ᬯᬭᬸᬚᬸᬤᬾᬯᬧᬸᬢ᭄ᬭ᭞ᬲᬓᬶᬂᬧᬫᭂᬍᬓᬳᬦ᭄᭞ᬮᬫᬸᬦᬜ᭄ᬚᭂᬧ᭄ᬮᬓᬓᭂᬦ᭄ᬧᭂᬧᭂᬘᬸᬢ᭄᭞ᬓᬭᬸᬗᬸᬭᬷᬂᬳᬦ᭄ᬢᬭᬶᬓ᭄ᬱ᭞ᬓᬕᬾᬢ᭄ᬯᭀᬂᬫᬚᬧᬳᬶᬢ᭄᭟ᬓᬜ᭄ᬘᬶᬢ᭄ᬢᭂᬓ
ᬲᬂᬲᬶᬦᬸᬳᬸᬦ᭄ᬳᬗᬮᬳᬓᭂᬦ᭄ᬲᬥᭂᬂ᭟ᬧᬢᬜ᭄ᬘᬮᬦ᭄ᬧᬲᬥᭂᬂ᭞ᬇᬰᬓᬓᬬᬪᬸᬢᬤᭀᬦ᭄ᬤᬕᬶᬂ᭞᭑᭒᭕᭓᭟ᬢᬸᬫᬸᬮᬶᬕᬸᬦ᭄ᬢᬸᬃᬧᬩᬜᬸᬧᬶᬡ᭄ᬥᬄᬇᬰᬓ᭞᭑᭒᭕᭖᭟ᬢᭂᬓᬲᬓᬶᬂᬲᬥᬾᬂᬲᬶᬭᬓᭂᬫ᭄ᬩᬭᬵ
ᬫ᭄ᬩᭂᬓᭂᬮᬶᬂᬫᬦ᭄ᬢ᭄ᬭ᭄ᬬᬵᬭᬭᬫᬦ᭄᭞ᬲᬶᬭᬕᬚᬄᬫᬤᬳᬗᬩᬾᬳᬶ᭞ᬲᬶᬭᬚᬭᬦ᭄ᬪᬬ᭞ᬲᬶᬭᬭᬚᬮᬸ᭞ᬲᬶᬭᬫᭂᬥᬂᬩᬸᬘᬂ᭞ᬲᬶᬭᬕᬕᬓ᭄ᬫᬶᬗᬾ᭞ᬲᬶᬭᬚᭂᬦᬃ᭞ᬲᬶᬭᬵᬃᬬ᭄ᬬᬭᬳᬸ᭞ᬲᬫᬦ᭄ᬢᬸᬓ᭄ᬮᬶᬗ᭄ᬕᬶᬄ᭞ᬲᬶᬭᬍᬫ᭄ᬩᬸᬧᭂᬢᭂᬂ᭞ᬢᬸ
Kaca:Bali-lontar-ken-angrok-300ppi.pdf/49
Kaca punika durung kauji-waca
