᭒᭐[20B] ᭒᭐ ᬢᭂᬳᭂᬃᬓᬾᬦ᭄ᬳᬗ᭄ᬭᭀᬓ᭄ᬭᬶᬂᬭᬢ᭄ᬭᬶᬳᬦᬸᬮᬶᬫᬭᬶᬂᬥᬍᬫ᭄ᬧᬓᬸᬯᭀᬦ᭄᭞ᬦᬸᬯᭂᬕ᭄ᬲᬶᬋᬧᬶᬂ᭞ᬓᬢᬸᬢᭀᬦ᭄ᬤᬾᬦᬶᬭᬦᬶᬦᬸᬮᬸᬭᬶᬂᬯᬶᬥᬶᬳᬦᬸᬮᬶᬫᬭᬶᬂᬧᬢᬸᬭᭀᬦᬶᬭᬢᬸᬗ᭄ᬕᬸᬮᬫᭂᬢᬸᬂ᭞ᬲᬶᬦᬸᬤᬸᬓ᭄ᬲᬶᬭᬢᬸᬗ᭄ᬕᬸᬮᬫᭂᬢᬸᬂᬤᬾ
ᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬢ᭄ᬭᬸᬲ᭄ᬧ᭄ᬭᬡᬦᬶᬭᬢᬸᬗ᭄ᬕᬸᬮᬫᭂᬢᬸᬂᬫᬵᬢᬶᬓᬧᬶᬲᬦ᭄ᬓ᭄ᬭᬶᬲᬶᬭᬵᬓ᭄ᬢᬸᬓᬶᬭᬕᬦ᭄ᬤ᭄ᬭᬶᬂᬳᬕᭉᬯᬾᬓᬶᬦᬢᬹᬢᬓᭂᬦ᭄ᬫᬶᬦᬳᬵ᭟ᬫᬗ᭄ᬓᬾᬳᬸᬯᬸᬲ᭄ᬭᬳᬶᬦ᭞ᬓᬯᬵᬲ᭄ᬯᬲ᭄ᬥᬸᬳᬸᬂᬢᬸᬫᬦᬶᬫᬶᬂᬚᬚᬦᬶᬭᬢᬸᬗ᭄ᬕᬸᬮᬫᭂᬢᬸᬂ᭞ᬢᬶ
ᬦᭂᬳᭂᬃᬤᬾᬦᬶᬓᬂᬯᭀᬂᬯ᭄ᬭᬸᬄ᭞ᬓ᭄ᬭᬶᬲᬶᬭᬓᭂᬩᭀᬯᬶᬚᭀᬓᬂᬳᬶᬗᬗ᭄ᬕᬾᬲᬩ᭄ᬭᬦ᭄ᬤᬶᬦ᭞ᬧᬗᬸᬘᬧᬶᬂᬯᭀᬂᬢᬸᬫᬧᭂᬮ᭄ᬓᬩᬾᬄ᭞ᬓᬶᬓᭂᬩᭀᬳᬶᬚᭀᬓᬮᬶᬗᬦᬾᬓᬗᬩᬶᬤ᭄ᬭᬭᬶᬂᬲᬶᬭᬢᬸᬗ᭄ᬕᬸᬮᬫᭂᬢᬸᬂ᭞ᬳᬧᬦ᭄ᬲᬶᬯ᭄ᬬᬓ᭄ᬢᬶ
ᬓ᭄ᬭᬶᬲᬾᬓᬢᬹᬢᬶᬂᬚᬚᬦᬶᬭᬲᬂᬳᬓᬸᬯᬸᬭᬶᬂᬢᬸᬫᬧᭂᬮ᭄᭞ᬲᬫᬗ᭄ᬓᬵᬲᬶᬭᬓᭂᬩᭀᬯᬶᬚᭀᬲᬶᬦᬶᬓᭂᬧ᭄ᬤᬾᬦᬶᬂᬓᬥᬂᬯᬃᬕ᭄ᬕᬦᬶᬭᬢᬸᬗ᭄ᬕᬸᬗ᭄ᬕᬸᬮᬫᭂᬢᬸᬂ᭞ᬢᬶᬤ᭄ᬯᭂᬓᬶᬂᬓ᭄ᬭᬶᬲᬦ᭄ᬢᬸᬓᬶᬭᬕᬦ᭄ᬤ᭄ᬭᬶᬂᬓᬗᬓᬵᬬ᭄ᬬᬧᬸᬦᬶᬓᬵ᭞ᬫᬵᬢᬶᬓᭂᬩᬾ
᭒᭑[21A] ᬳᬶᬚᭀ᭞ᬳᬦᬓᬢᬦᬓᬶᬂᬭᬓᭂᬩᭀᬳᬶᬚᭀ᭞ᬳᬭᬦ᭄ᬫᬳᬶᬰᬭᬡ᭄ᬥᬶ᭞ᬳᬃᬭ᭄ᬦᬶᬮᬭᬧᬢᬶᬦᬶᬂᬩᬯ᭞ᬬᬢᬯᬶᬦᬶᬮᬰᬦ᭄ᬓᬶᬦᬢᬶᬓ᭄ᬤᬾᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬅᬳ᭄ᬬᬦ᭄ᬢᬯᭂᬮᬲᬶᬭᬭᬶᬂᬲᬶᬭᬫᬳᬶᬰᬭᬡ᭄ᬥᬶ᭞ᬫᭀᬥᬵᬳ᭄ᬬᬂ
ᬤᬾᬯᬲᬶᬭᬵᬦ᭄ᬤᬦ᭄ᬤᬦᬶ᭞ᬢᬸᬢᬸᬬᬦ᭄ᬓ᭄ᬭᬫᬦᬶᬭᬓᬾᬦ᭄ᬳᬗ᭄ᬭᭀᬓ᭄ᬲᬶᬭᬓᬾᬦ᭄ᬤᬾᬤᬾᬲ᭄᭞ᬳᬮᬫᬵᬓᬓᬋᬧᬦ᭄᭞ᬢᬦ᭄ᬳᬦ᭄ᬦᬶᬂᬯᭀᬂᬢᬸᬫᬧᭂᬮ᭄ᬯᬦᬶᬳᬗᬸᬘᬧ᭄᭞ᬲᬢᬶᬗ᭄ᬓᬄᬧᬾᬮᬳᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬫᬗ᭄ᬓᬦᬲᬓᬥᬂ
ᬯᬃᬕ᭄ᬕᬦᬶᬭᬢᬸᬗ᭄ᬕᬸᬮᬫᭂᬢᬸᬂ᭞ᬫᭂᬦᭂᬂᬢᬦᬦᬯᭂᬦᬂᬳᬗᬸᬘᬧ᭄᭟ᬬᬢᬳᬧᬗ᭄ᬕᬶᬄᬓᬾᬦ᭄ᬳᬗ᭄ᬭᭀᬓ᭄ᬮᬵᬯᬦ᭄ᬲᬶᬭᬓᬾᬦ᭄ᬤᬾᬤᬾᬲ᭄᭞ᬲᬵᬫ᭄ᬧᬸᬦ᭄ᬢᬲᬶᬭᬵᬩᭀᬩᭀᬢ᭄ᬢᬶᬕᬂᬮᬾᬓ᭄᭞ᬓᬢᬶᬗ᭄ᬳᬮᬦ᭄ᬤᬾᬦᬶᬭᬢᬸᬗ᭄ᬕᬸᬮᬫᭂᬢᬸᬂ᭞ᬫᬾᬯᭀᬭᬦ᭄ᬤᬾᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬅᬳ᭄ᬬᬦ᭄ᬢᬤᬾᬦᬶᬭᬲᬶᬮᬶᬳᬲᬶᬄ᭞ᬲᬶᬭᬓᬾᬦ᭄ᬳᬗ᭄ᬭᭀᬓ᭄ᬮᬵᬯᬦ᭄ᬲᬶᬭᬓᬾᬦ᭄ᬤᬾᬤᬾᬲ᭄᭞ᬳᬮᬯᬲ᭄ᬧᬧᬗ᭄ᬕᬶᬳᬶᬭ᭞ᬕᭂᬦᭂᬓ᭄ᬮᬾᬓᬶᬂᬭᬭᬾ᭞ᬫᬶᬚᬶᬮᬦᬓᬶᬭᬓᬾᬦ᭄ᬤᬾᬤᬾᬲ᭄ᬮᬓᬂ
