᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬦᬶᬳᬦ᭄ᬓᬢᬸᬢᬸᬭᬦ᭄ᬦᬶᬭᬓᬾᬦ᭄ᬳᬗ᭄ᬭᭀᬓ᭄᭞ᬫᬸᬮᬦᬶᬭᬦ᭄ᬤᬸᬓ᭄ᬤᬶᬦᬤᬾᬓᭂᬦ᭄᭞ᬳᬦᬳᬦᬓᬶᬭᬦ᭄ᬤ᭄ᬬᬦᬶᬂᬚᬶᬧᬸᬢ᭄᭞ᬮᬸᬫᬓᬸᬢᬦ᭄ᬭᬳᬬᬸ᭞ᬳᬫᭂᬕᬢᬶᬂᬳᬧᬸᬲ᭄᭞ᬧᬶᬦᬓᬧᬫᬜ᭄ᬘᬡᬦᬶᬂ
ᬳ᭄ᬬᬂᬲᬹᬓ᭄ᬱ᭄ᬫ᭞ᬲᬄᬲᬶᬭᬲᬓᬶᬂᬚᬶᬧᬸᬢ᭄᭞ᬳᬗᬸᬗ᭄ᬲᬶᬭᬶᬂᬫᬡ᭄ᬥᬮᬾᬂᬩᬸᬮᬮᬓ᭄᭞ᬧᬭᬩᬶᬭᬲᬂᬳᬩᬢᬸᬭᬶᬂᬩᬸᬮᬮᬓ᭄᭞ᬲᬶᬭᬵᬫᭂᬢᬸᬢᬧᬢᬗ᭄ᬓᭂᬂ᭞ᬳᬕᬯᬾᬖᭀᬧᬸᬭᬦᬶᬂᬳᬰ᭄ᬭᬫ᭞ᬧᬶᬦᬮᬫ᭄ᬧᬳᬦ᭄ᬯ᭄ᬭᬸ
[᭒ 2A]
ᬯᬶᬦᬵᬯᬚᬦ᭄ᬫᬫᬭᬾᬂᬫᬥ᭄ᬬᬧᬤᬫ᭄ᬯᬄ᭞ᬫᬗ᭄ᬓᬦᬧᬫᬮᬮᬸᬦᬶᬭ᭞ᬳᬶᬭᬶᬓᬢᬦ᭄ᬤ᭄ᬯᬓᬶᬦᬲ᭄ᬢ᭄ᬯᬦ᭄ᬢᬸᬫᬶᬢᬶᬲ᭞ᬤᬾᬦᬶᬭᬫ᭄ᬧᬸᬢᬧᬳᬯᬗ᭄ᬓᬶ᭞ᬢᬶᬦᬹᬢᬶᬭᬱᬦᬶᬂᬓᬧ᭄ᬭᬮᬶᬡᬦᬶᬭ᭞ᬳᬫᬸᬓ᭄ᬘᬶᬧᬶᬢᬸᬂᬫᬡ᭄ᬥᬮᬭᬶᬳᬸᬯᬸᬲᬶᬭᬧ᭄ᬭᬮᬶᬡ᭞ᬳᬶ
ᬭᬶᬓᬳᬲᬶᬭᬧᬶᬦᬓᬘᬭᬸᬤᬾᬦᬶᬭᬫ᭄ᬧᬸᬢᬧᬯᬗ᭄ᬓᭂᬂ᭞ᬢᭂᬮᬲᬶᬭᬫᬗ᭄ᬓᬦ᭞ᬫᬹᬃᬢᬲᬶᬭᬫᬭᬶᬂᬯᬶᬱ᭄ᬡᬸᬡᬶᬸᬤᬯᬦ᭞ᬢᬦ᭄ᬮᬶᬜᭀᬓᬶᬂᬭᬱᬦᬶᬂᬲᬗ᭄ᬓᬾᬢᬦᬶᬭᬲᬧᬶᬦᬓᬘᬭᬸ᭞ᬳᬫᬮᬓᬸᬢᬶᬢᬶᬲᬓᬦᬶᬭᬶᬂ᭞ᬯᬢᬦᬶᬂᬓᬯᬶ
᭞ᬲᬶᬭᬪᬝᬭᬩ᭄ᬭᬳ᭄ᬫᬲᬶᬭᬗᬶᬮᬶᬗᬶᬮᬶᬗᬶ᭞ᬭᭀᬯᬗᬦᬶᬭᬬᬸᬕᬦ᭞ᬳᬸᬯᬸᬲᬶᬂᬫᬗ᭄ᬓᬦᬳᬦᬢᬯ᭄ᬯᭀᬂᬳᬧᬧᬗᬓ᭄ᬢᬦ᭄ᬳᬜᬃᬲᭂᬥᭂᬂᬳᬓᬸᬭᬶᬸᬋᬦ᭄ᬳᬲᬶᬄ᭞ᬮᬦᬗᬭᬦ᭄ᬲᬂᬕᬚᬄᬧᬭ᭞ᬯᬤᭀᬦ᭄ᬳᬭᬦ᭄ᬲᬶᬓᬾᬦ᭄ᬳᭂᬡ᭄ᬥᭀ
ᬓ᭄᭞ᬳᬗᬸᬮᬳᬓᭂᬦ᭄ᬓᬱᬵᬤᬾᬦ᭄᭞ᬫᬭᬶᬂᬲᬯᬄᬲᬶᬭᬓᬾᬦ᭄ᬳᭂᬦ᭄ᬥᭀᬓ᭄᭞ᬳᬗᬶᬭᬶᬫᬶᬂᬮᬓᬶᬳᬭᬦᬤ᭄ᬕᬚᬄᬧᬭ᭞ᬳᬭᬦᬶᬂᬲᬯᬄᬗ᭄ᬕᬾᬦᬶᬂᬳᬗᬶᬭᬶᬫᬶᬭᬶᬂᬳᬬᬸᬳ᭞ᬧ᭄ᬭᬦᬤᬾᬰᬦᬶᬭᬓᬾᬦ᭄ᬳᭂᬡ᭄ᬥᭀᬓ᭄ᬳᬭᬦ᭄
