[᭖ 6B]
᭖
ᬢᭀᬗᭀᬲ᭄ᬕᬸᬫᬶᬦ᭄ᬜᬦᬾᬲᬫᬶ᭞ᬧᬲᬸᬭᬸᬧᬦ᭄ᬲᬂᬳ᭄ᬬᬂᬉᬮᬦ᭄᭞ᬚᬢᬶ᭠ᬦ᭄ᬜᬢ᭄ᬯᬄᬲᬸᬚᬢᬶ᭞ᬫᬤᬸᬮᬸᬭᬦ᭄ᬲᬸᬭᬸᬧ᭄ᬦᬾᬓᬶ᭞ᬬᬦ᭄ᬢᬦ᭄ᬲᬶᬭᬢᬡ᭄ᬦᬯ᭄ᬭᬸᬄ
᭞ᬳᬭᬦ᭄ᬤᬾᬰᬵᬫᬥᬹᬭᬵ᭞ᬫᬕ᭄ᬦᬄᬢᬸᬫ᭄ᬧᬸᬓᬦᬶᬗᬵᬢᬶ᭞ᬳᬧᬦ᭄ᬤᬶᬢᬸ᭞ᬧᬲᬸᬭᬸᬧᬦ᭄ᬲᬂᬳ᭄ᬬᬂᬉᬮᬦ᭄᭟ᬓ᭄ᬭᬡ᭄ᬦᬬᬢ᭄ᬯᬭᬗᭂᬦᬄ᭞ᬧᬲᬸᬭᬸᬧᬦᬾᬳ᭠
ᬓ᭄ᬱᬶ᭞ᬳᬧᬦ᭄ᬲᬸᬩᬵᬓᭂᬲᬧᬸᬢᬦ᭄᭞ᬩᬳᬦ᭄ᬩᬶᬭᬸᬦᬾᬦᭂᬓᭂᬧᬶᬦ᭄᭞ᬓᭀᬘᬧ᭄ᬲᬹᬃᬬ᭄ᬬᬦᬾᬚᬦᬶ᭞ᬚᬮᬦ᭄ᬜᬦᬾᬧᬘᬂᬲᬸᬭᬸᬧ᭄᭞ᬳᭂᬦ᭄ᬢᭀᬲᬫᬶᬳᬧᬂ
ᬢᬯᬂ᭞ᬳᬥᬧᬤᬦᬓᭀᬦᬂᬩ᭄ᬯᬶᬦ᭄᭞ᬳᬧᬂᬯ᭄ᬭᬸᬄ᭞ᬚᬦᬶᬤᬶᬦᬶᬧᬤᬶ᭠ᬗᭂᬳᬂ᭟ᬧᬲᬸᬭᬸᬧᬦ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬢᭀᬤᬶᬕᬸᬫᬶᬫᬚᬧᬳᬶᬢ᭄᭞ᬫᬚ᭠
[᭗ 7A]
ᬧᬳᬶᬢᬾᬗ᭄ᬕᭀᬦ᭄ᬜ᭞ᬧ᭄ᬭᬕᬢ᭄ᬥᬶᬢ᭄ᬗᬳᬶᬂᬜᬮᬶ᭞ᬤᬤᬶᬲᬹᬃᬬ᭄ᬬᬦᬾᬳᬶᬮᬶᬤ᭄᭞ᬲᬸᬩᬓᭂᬲᬧᬸᬢᬦ᭄ᬤᬶᬢᬸ᭞ᬫᬢᭂᬓᭂᬧ᭄ᬩᬳᬦ᭄ᬢᬢᬶᬕ᭄ᬕᬵ᭞ᬤᬤᬶᬢ᭄ᬯᬭᬓᬦ᭄ᬢᭂᬦ᭄ᬳ
ᬓ᭄ᬱᬶ᭞ᬢᬹᬃᬓᬮᬶᬧᬸᬢ᭄᭞ᬩᬳᬦ᭄ᬫᬸᬩᬸᬦᬾᬫᬓᭂᬚᬂ᭞ᬕᬸᬫᬶᬦᬾᬤᬶᬓ᭄ᬮᬶᬂᬓᭀᬘᬧ᭄᭞ᬭᬶᬂᬧᬧᬸᬲᬸᬄᬕ᭄ᬦᬄᬳᬶᬓᬶ᭞ᬤᬶᬢᬸᬧᬲᬸᬭᬸᬧᬦ᭄ᬩᬶᬦ᭄ᬢᬂ᭞ᬳᬧᬦ᭄ᬬᬤ
ᬳᬢᬶᬂᬮᬸᬯᬶᬄ᭞ᬤᬶᬢᬸᬩᬶᬦ᭄ᬢᬗᬾᬳᬶᬮᬶᬤ᭄᭞ᬓᭂᬲᬧᬸᬢᬦ᭄ᬕᬤᬂᬫᬸᬭᬸᬩ᭄᭞ᬓ᭄ᬭᬦᬦ᭄ᬬᬢᬦ᭄ᬧᬢᬾᬚ᭞ᬢ᭄ᬯᬭᬵᬧ᭄ᬤᬲ᭄ᬩᬳᬦ᭄ᬗᬓ᭄ᬱᬶ᭞ᬳᬧᬦ᭄ᬲᬫ᭄ᬧᬸᬦ᭄᭞
ᬋᬫ᭄ᬋᬫ᭄ᬢᬾᬚᬦ᭄ᬜᬦᬾᬳᬶᬮᬂ᭟ᬢᭂᬧᬶᬓᭂᬮᬶᬂᬤᬾᬰᬵᬲ᭄ᬭᬬ᭄ᬬᬵ᭞ᬳᭂᬢᭀᬓᭂᬦᭂᬳᬂᬚᬦᬶᬩ᭄ᬯᬶᬦ᭄᭞ᬢᬢᬲᬂᬳᬧᬗᬢᬯᬂ᭞ᬳᬧᬦ᭄ᬤᬶᬢᬸᬫᬲᬶᬄᬩ᭄ᬯᬶ
