Kaca:Bali-lontar-kawiswara-gaguritan-400ppi.pdf/4

Saking Wikisource
Kaca puniki sampun kauji-wacén

[᭓ 3B]
᭓
ᬦ᭄ᬧᬸᬢᬸᬲᬶᬂᬓᬾᬃᬢᬶ᭞ᬜᬶᬫ᭄ᬧᭂᬦ᭄ᬳᬶᬓᬸ᭞ᬪᬝᬵᬭᬦᬾᬭᬶᬂᬰᬭᬶᬭ᭟ᬳᬧᬦ᭄ᬬᬥᬢᬶᬂᬲᭂᬗ᭄ᬓᬵ᭞ᬩᬩᬾᬤᬦ᭄ᬜᬦᬾᬢᬦ᭄ᬓᭀᬢᬶ᭞ᬬᬦ᭄ᬢᬦ᭄ᬮᬗ᭄ᬕᭂᬂᬢᭂ
ᬕ᭄ᬢᭂᬕ᭄ᬫᬦᬄ᭞ᬦ᭄ᬭᬸᬲᬓᬶᬦ᭄ᬩᬩᬾᬤᬦᬾᬲᬫᬶ᭞ᬧᬤᬤᬸᬗ᭄ᬭᬸᬩᬾᬤᬦᬶ᭠ᬦ᭄᭞ᬦᬾᬓᬧᬶᬢᬸᬳᬸᬚ᭄ᬯᬢᬸᬭᬸ᭞ᬤᬧᭂᬢᬂᬗᬩᬾᬭᬩᬾᬭᬵ᭞ᬗᬸᬮᬸᬭᬶ᭠
ᬦ᭄ᬧ᭄ᬭᬧᬜ᭄ᬚᬦᬩᬸᬤ᭄ᬥᬶ᭞ᬳᬧᬦ᭄ᬲᭂᬫᬧᬸᬦ᭄᭞ᬧᬸᬧᬸᬢ᭄ᬭᬶᬂᬲᬂᬳ᭄ᬬᬂᬲᬹᬓ᭄ᬱ᭄ᬫᬵ᭟ᬧ᭄ᬭᬫ᭄ᬫᬵᬰᬶᬯ᭄ᬯᬫᬵᬦᬸᬗ᭄ᬕᬮᬂ᭞ᬫᬕ᭄ᬦᬄᬧᬸᬢᬶᬳᬶᬂᬳᬢᬶ᭞ᬫᬯᭀᬭᬦ᭄ᬭᬶᬂᬲᬂᬳ᭄ᬬᬂ᭠
ᬢᬬᬵ᭞ᬓᬬᬗᬦᬶᬭᬭᬶᬂᬦᬪᬶ᭞ᬲᬂᬫᬾᬢ᭄ᬭᬶᬓᭀᬘᬧ᭄ᬫᬮᬶᬄ᭞ᬇ᭠ᬰ᭄ᬯᬭᬵᬲᬋᬂᬳᬮᬸᬗ᭄ᬕᬸᬄ᭞ᬢᬸᬂᬢᬸᬂᬳᬢᬶᬧᬸᬢᬶᬄᬓᭀᬘᬧ᭄᭞ᬳᬶᬭᬶᬓᬵ᭠

[᭔ 4A]
ᬳᬶᬤᬫᬮᬶᬗ᭄ᬕᬶᬄ᭞ᬬᬦ᭄ᬫᬮᬸᬗ᭄ᬕᬸᬄ᭞ᬓᬬᬗᬦ᭄ᬭᬶᬂᬧᬥ᭄ᬫᬲᬸᬦ᭄ᬬ᭟ᬪᬝᬵᬭᬯᬶᬱ᭄ᬡᬸᬓᭀᬘᬧᬵᬦ᭄᭞ᬲᬋᬂᬲᬂᬳ᭄ᬬᬂᬘᬦ᭄ᬥᬸᬲᬓ᭄ᬢᬶ᭞ᬢᭀᬤᬶᬳᬢᬶᬧᬸᬢᬶᬄ
ᬗ᭄ᬕᭀᬦ᭄ᬜ᭞ᬓᬬᬗᬦ᭄ᬭᬶᬂᬩ᭄ᬯᬦᬵᬳᬮᬶᬢ᭄᭞ᬤᬶᬢᬸᬓᬸᬫ᭄ᬧᬸᬮᬦᬾ᭠ᬲᬫᬶ᭞ᬧᬤᬵᬫᬦ᭄ᬢᬸᬓ᭄ᬚ᭄ᬭᭀᬦᬶᬂᬯᬶᬦ᭄ᬥᬸ᭞ᬤᬾᬦᬶᬂᬯᬶᬦ᭄ᬥᬸᬦᬾᬢᬢᬶᬕ᭄ᬕᬵ᭞ᬰ᭄ᬯ᭠
ᬭᬦ᭄ᬜᬦᬾᬩᬶᬦᬵᬲᬫᬶ᭞ᬭᬸᬧᬦ᭄ᬳᬶᬧᬸᬦ᭄᭞ᬲᬫᬶᬫᬲᬶᬬᭀᬲᬶᬬᭀᬲᬦ᭄᭟ᬓᭀᬘᬧ᭄ᬳᬶᬤᬲᬂᬳ᭄ᬬᬂᬢᬬᬵ᭞ᬫ᭄ᬯᬂᬧ᭄ᬭᬫᬵᬰᬶᬯ᭄ᬯᬫᬮᬶᬄ᭞ᬫᬦᬸᬲᬸᬧ᭄ᬭᬶᬂ᭠
ᬅᬃᬤ᭄ᬥᬘᬦ᭄ᬤ᭄ᬭᬵ᭞ᬳᬩᬂᬯᬃᬡ᭄ᬦᬦᬾᬢᬸᬃᬳ᭄ᬦᬶᬂ᭞ᬳᬀ᭞ᬲᬲ᭄ᬢ᭄ᬭᬦ᭄ᬜᬤᬤᬶ᭞ᬓᭀᬘᬧᬦ᭄‌ᬪᬝᬵᬭᬯᬶᬱ᭄ᬡᬸ᭞ᬫᬶᬯᬄᬘᬦ᭄ᬥᬸᬲᬓ᭄ᬢᬶᬳᬶᬓᬵ᭞ᬭᬶᬂᬦᬪᬶᬲᬶᬭᬳᬮᬶ

Kapolihang saking "https://ban.wikisource.org/w/index.php?title=Kaca:Bali-lontar-kawiswara-gaguritan-400ppi.pdf/4&oldid=74670"