[᭒᭙ 29B]
᭒᭙
ᬦᬓ᭄ᬥᬂᬫ᭄ᬫᬵ᭞ᬳᬲᬶᬂᬯᬶᬓᬦ᭄ᬢᬸᬦᬲᬶᬦ᭄᭞ᬕᬸᬭᬸᬭ᭄ᬯᬂ᭞ᬤᬸᬮᬸᬭᬶᬦ᭄ᬧᬶᬢᬺᬱ᭄ᬡᬵᬩᬓ᭄ᬢᬶ᭟ᬯᬶᬭᬾᬄᬢᬶᬕ᭄ᬕᬵᬳᬶᬦᬸᬘᬧ᭄ᬲᬗ᭄ᬓᬦᬶᬂᬯᬶᬓᬦ᭄᭞ᬲᬓᬶᬂᬲᬸᬲ᭄ᬭᬸ
ᬱᬵᬩᬓ᭄ᬢᬶ᭞ᬦᬩᬾᬳᬶᬘᬵᬧᬯᬭᬄ᭞ᬫᬗᬸᬘᬦᬸᬦ᭄ᬧᬦᬸᬕ᭄ᬭᬳᬦ᭄᭞ᬩ᭄ᬚᬸᬫ᭄ᬗᭂᬂᬓᬧᬢᬶᬢᬶᬲ᭄᭞ᬯ᭄ᬓᬲᬶᬂᬧᬢᬶ᭞ᬭᬶᬂᬲᬲ᭄ᬢ᭄ᬭᬧᬗᬼᬧᬲᬫᬶ᭟ᬲᬓᬶᬂᬕ᭄ᬯᬢᬄᬓᬧ
ᬗ᭄ᬕᬶᬄᬲᬶᬫ᭄ᬧᭂᬦᬶᬂᬫᬦᬄ᭞ᬯ᭄ᬓᬲ᭄ᬦ᭄ᬬᬯᬦ᭄ᬢᬄᬳᬓᬶᬤᬶᬓ᭄᭞ᬓ᭄ᬘᬧ᭄ᬢᬦ᭄ᬧᬭᬲ᭄ᬢ᭄ᬭ᭞ᬯᬭᬄᬳᬦᬶᬩᬾᬂᬲᬸᬦ᭄ᬬ᭞ᬦ᭄ᬤᬢᬦ᭄ᬧᬯᬳ᭄ᬬᬬᬵᬤᬤᬶ᭞ᬫᬯᬓ᭄ᬦᬶᬱ᭄ᬓ
ᬮᬵ᭞ᬮᬸᬮᬸᬢᬵᬳᬶᬦᬾᬲ᭄ᬢᬶᬳᬾᬲ᭄ᬢᬶ᭟ᬓᬤᬶᬯᬶᬦ᭄ᬥᬸᬳᬶᬦᬸᬘᬧ᭄ᬧᬮᬶᬂᬉᬢ᭄ᬢᬫᬵ᭞ᬭᬾᬓᬦ᭄ᬜᬯᬦ᭄ᬢᬄᬳᬓᬶᬤᬶᬓ᭄᭞ᬲᭀᬓ᭄ᬫᬢᬦ᭄ᬢᬶᬢᬶᬭᬦ᭄᭞᭠
[᭓᭐ 30A]
ᬬᬦᬶᬂᬳᬗ᭄ᬕᬾᬦ᭄ᬫᬭᬶᬂᬳᬦ᭄ᬓᬵ᭞ᬤᬤᬶᬯᬗ᭄ᬲᬶᬢ᭄ᬧᬸᬬᬸᬂᬲᬫᬶ᭞ᬬᬦ᭄ᬚ᭠ᬚᬃᬓᬸᬢᬵ᭞ᬳᬶᬯᬶᬦ᭄ᬥᬸᬫᬗᭂᬓᬵᬲᬫᬶ᭟ᬲᬧᬸᬦᬶᬓᬵᬦᬾᬚᬦᬶᬩ᭄ᬮᬶᬳᬶ᭠
ᬮᬶᬗᬂ᭞ᬓ᭄ᬭᬦᬦᬶᬂᬳᬤᬵᬯᬗ᭄ᬲᬶᬢ᭄᭞ᬯᬶᬰ᭄ᬯᬫᬜ᭄ᬚᬶᬂᬳᬃᬤ᭄ᬥᬘᬦ᭄ᬤ᭄ᬭ᭠ᬦᬾᬳᬶᬮᬂ᭞ᬫᬲᬸᬓ᭄ᬭᬶᬂᬯᬶᬦ᭄ᬥᬸᬦᬾᬚᬢᬶ᭞ᬯᬶᬦ᭄ᬥᬸᬦᬾᬳᬶᬮᬂ᭞ᬭᬶᬂᬦᬤ᭄ᬥᬵᬲᬶᬭᬵ
ᬗ᭄ᬭᬜ᭄ᬚᬶᬂ᭟ᬦᬤ᭄ᬥᬵᬳᬶᬮᬂᬳᬸᬫᬲᬸᬓ᭄ᬫᬭᬶᬂᬦᬶᬲ᭄ᬓᬮ᭞ᬯᬶᬓᬵᬮᬦᬶᬂᬲᬧᬸᬦᬧᬶ᭞ᬫᬯᬓ᭄ᬲᬧᬸᬦᬶᬓᬵ᭞ᬬᬦᬶᬂᬩ᭄ᬮᬶᬲᬸᬩᬦᬯᬂ᭞ᬳᬶᬦ᭄ᬤᬬᬂᬯᬗ᭄ᬲᬶᬢᬶᬦ᭄ᬓᬶᬤᬶ
ᬓ᭄᭞ᬳᬜ᭄ᬘᭂᬂᬓᬾᬯᬮᬵ᭞ᬲᬦᬾᬫᬓᬦ᭄ᬢᭂᬦ᭄ᬳᬶᬭᬶᬓᬶ᭟ᬫᬮᬶᬄᬳᭂᬗ᭄ᬓᬾᬦ᭄ᬚᬢᬶᬦᬾᬳᬶᬤᬵᬳ᭄ᬬᬂᬳᬢ᭄ᬫᬲ᭄ᬓᬾᬲᬫ᭄ᬧᬸᬦ᭄ᬳᬸᬦᬶᬂ᭞ᬭᬶᬂᬧᬺᬤᬦᬵ᭠
