[᭒᭗ 37B]
᭒᭗
᭞ᬢᬸᬦᬲᬂᬳᬧᬂᬲᬸᬚᬢᬶ᭟ᬲᬦᬾᬫᬤᬦ᭄ᬩᬸᬤᬶᬫᬦᬄᬢᭀᬢᬸᬦᬲᬂ᭞᭠ᬳᬧᬂᬩ᭄ᬮᬶᬢᬢᬲᬸᬦᬶᬂ᭞ᬳ᭄ᬥᭂᬢ᭄ᬓᭂᬫᬗᭂᬦ᭄ᬤᭂᬮᬂ᭞ᬮᬫᬸᬦ᭄ᬳ᭄ᬦᬸᬫᬯᬓ᭄ᬲᬲ᭄ᬢ᭄ᬭ᭞᭠
ᬬᬦ᭄ᬬᬦ᭄ᬫᬯᬶᬭᬱᬵᬧᬶᬗᬶᬢ᭄᭞ᬢᭀᬦ᭄ᬤᬾᬦ᭄ᬜᬦ᭄ᬤᬂ᭞ᬲᬸᬗ᭄ᬓᭂᬫᬶᬦ᭄ᬳᬩᬫᬢᬶ᭟ᬫᬮᬶᬄᬳ᭄ᬢᭀᬦᬾᬫᬤᬦ᭄ᬤᬤᬶᬢᬸᬦᬲᬂ᭞ᬬᬦᬶᬂᬯᬸᬗ᭄ᬲᭂᬤ᭄ᬋᬓᭀᬦᬪᬶ
᭞ᬦᭀᬭᬬᬵᬧᬸᬦᬶᬓᬵ᭞ᬳᬭᬂᬳᬦᬓᬾᬫᭂᬦᬯᬂ᭞ᬳᬧᭂᬦᬾᬫᬤ᭠ᬦ᭄ᬦᬪᬶ᭞ᬤᬾᬦᬶᬂᬧᬸᬦᬶᬓᬵ᭞ᬫᬯᬓ᭄ᬩᬸᬗ᭄ᬓᬄᬢᬸᬂᬢᬸᬂᬳᬶᬲᬶ᭟ᬫᬮᬶᬄᬳᭂᬦ᭄ᬢᭀ
ᬦᬾᬲᬭᬢ᭄ᬜᬦ᭄ᬤᬂᬢᬸᬦᬲᬂ᭞ᬫᬗ᭄ᬤᭂᬩ᭄ᬮᬶᬢᬢᬲ᭄ᬳᬸᬦᬶᬂ᭞ᬢ᭄ᬓᬾᬦ᭄ᬰᬶᬯ᭄ᬯᬤ᭄ᬯᬭᬵ᭞ᬓᬤᬾᬦ᭄ᬩ᭄ᬮᬶᬤᬶᬩᬩᬳᬦ᭄᭞ᬳᬄᬦᭀᬭᬲᬦᬾᬲᬸᬚᬢᬶ᭞ᬳᬶᬰᬶ᭠
[᭒᭘ 38A]
ᬯ᭄ᬯᬤ᭄ᬯᬭᬵ᭞ᬧᬭᬓ᭄ᬢᬶᬂᬳᬚ᭄ᬜᬡ᭄ᬦᬓᬮᬶᬄ᭟ᬮᬫᬸᬦ᭄ᬢᬯᬂᬢᬫ᭄ᬧᬓᬶᬂᬓᬸᬦ᭄ᬢᬸᬮᬵᬗ᭄ᬮᬬᬂ᭞ᬳᭂᬦ᭄ᬢᭀᬜᬦ᭄ᬤᬂᬲᬸᬗ᭄ᬓᭂᬫᬶᬦ᭄᭞ᬫᬸᬮᬓᬫᬶᬫᬶᬢᬦ᭄᭞ᬦ᭄ᬢᭀᬦᬾᬚᬢᬶᬉᬢ᭄ᬢ
ᬫᬵ᭞ᬤᬶᬭᬕᬦ᭄ᬩᭂᬮᬶᬦᬾᬳᬮᬶᬄ᭞ᬧᬂᬲᬶᬤ᭄ᬥᬵᬢᬯᬂ᭞ᬭᬕᬦᬾᬫᬦ᭄ᬥᬶᬫᬫᬸ᭠ᬜᬶ᭟ᬬᬦ᭄ᬫᬫᬸᬜᬶᬳᬶᬤᬵᬫᭂᬦ᭄ᬤᭂᬧ᭄ᬫᬫᬶᬋᬗᬂ᭞ᬳᬮᬶᬄᬚᬸᬫᬳᬦ᭄ᬢᬸᬲᬸᬂ᭞ᬳᬤ᭠
ᬤᬶᬯᬗᬦ᭄᭞ᬬᬦ᭄ᬲᬸᬩᬵᬢᬯᬂᬢᭀᬢᭀᬦᬦ᭄᭞ᬳᭂᬦ᭄ᬢᭀᬲᬦᬾ᭠ᬜᬦ᭄ᬤᬂᬯᬸᬚᬶ᭞ᬫ᭄ᬭᬕ᭄ᬕᬵᬧᬡ᭄ᬥᬶᬢ᭞ᬲᬸᬩᬵᬫᬬᭀᬕ᭄ᬕᬵᬲᬲᬳᬶ᭟ᬲᬗ᭄ᬓᬦ᭄ᬳᬤᬵ
ᬅᬲ᭄ᬢ᭄ᬭᬫᬦ᭄ᬢ᭄ᬭᬢᭀᬗᬤᬓᬂ᭞ᬑᬁᬑᬁᬭᬳᬄᬧᬢᬲ᭄ᬢ᭄ᬭᬚᬢᬶ᭞ᬫᬶᬯᬄᬦ᭄ᬤᬺᬘᬵᬫᬸᬤᬺ᭞ᬳᬦᬵᬦᬾᬓᬂᬓᬲᭀᬮ᭄ᬓᬬᬵ᭞ᬳᬶᬗᭂᬃᬳᬶᬗᭂᬭᬂᬤᬶᬳᬢᬶ᭞ᬧ᭄ᬥ
