Kaca puniki sampun kauji-wacén
[᭑᭖ 16A]
᭑᭖
ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭟ᬳᬤᬲᬗᬸᬦᬶᬂᬯᭀᬂᬳᬸᬭᬶᬧ᭄᭞ᬫᬳᬤ᭠ᬦ᭄ᬘᬢᬸᬃᬮᭀᬓᬵᬧᬮᬵ᭞ᬧᬜ᭄ᬘᬯᬶᬲᬤ᭄ᬥᬵᬧᬸᬦᬶᬓᬸ᭞ᬫᬶᬯᬚ᭄ᬫᬦᬶᬓ᭄ᬳᬲ᭄ᬢᬵᬕᬶᬡ
᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬦᬾᬫᬤᬦ᭄ᬫᬦᬶᬓ᭄ᬱᬓ᭄ᬘᬧ᭄᭟ᬓᭀᬘᬧ᭄ᬢᭀᬂᬤᬤᬶᬳᭂᬗ᭄ᬲᬧᬂ᭞ᬫᬮᬵᬧᬶᬘᬦ᭄ᬲᬂᬳ᭄ᬬᬂᬯᬶᬥᬶ᭞ᬢ᭄ᬓᭂᬧᬶᬂᬕᬵᬯᬶᬲᬬᬵ᭞ᬳᬗᬶᬂ᭠
ᬢᬾᬧᬗᬦᬧᬢᬸᬢ᭄᭞ᬚᬦᬶᬩ᭄ᬮᬶᬫᬦᬶᬗ᭄ᬓᬳᬂ᭞ᬳ᭄ᬤᭂᬕᬸᬜ᭄ᬘᬶᬄ᭞ᬧ᭄ᬤᬲᬂᬳᬧ᭠ᬗᬢᬯᬂ᭟ᬢ᭄ᬯᬶᬢᭀᬜᬫᬦᬾᬧᬢ᭄ᬧᬢ᭄᭞ᬓᭀᬘᬧ᭄ᬩᬋᬂᬳᬚᬓ᭄ᬯᬶᬚᬶ᭠
ᬮ᭄᭞ᬫᬸᬗ᭄ᬕ᭄ᬯᬶᬂᬢᬸᬢᬸᬃᬓᬦ᭄ᬤᬵᬧᬢ᭄᭞ᬗᭂᬫ᭄ᬧᬸᬭᬕᬦᬾᬲᬢᬸᬳᬸᬓ᭄᭞᭠ᬢ᭄ᬯᬭᬵᬢᬳᬾᬦ᭄ᬩᬶᬱᬵᬩ᭄ᬮᬲ᭄᭞ᬓᬬᬂᬫᬢᬶ᭞ᬫᬲᬶᬄᬳ᭄ᬢᭀᬫᬦᬦ᭄ᬤᬦᬂ᭟ᬓᬾ
[᭑᭗ 17A]
ᬦ᭄ᬓᬾᬦ᭄ᬢᬾᬬᭂᬳᬗ᭄ᬲᬶᬢ᭄ᬢᭀᬢᭀᬦᬦ᭄᭞ᬲᬸᬩᬢᬳᬾᬦ᭄ᬩ᭄ᬮᬶᬫᬗ᭄ᬕᬶᬄ᭞ᬫᬮᬄᬗᬓᬸᬫᭂᬜᬫᬵ᭞ᬗᬸᬤᬵᬢ᭄ᬯᬭᬵᬢᬳᬾᬦ᭄ᬢᭂᬧᬸᬓ᭄᭞ᬤᭀᬂᬓᬾᬲ᭠
ᬮᬄᬫᬗᬺᬢ᭄ᬬᬦ᭄᭞ᬗᬸᬮᬄᬜᬤᬶᬦ᭄᭞ᬩ᭄ᬮᬶᬗᬤᬾᬦᬂᬩᬶᬱᬵᬧᬢ᭄ᬧᬢ᭄᭟ᬳᬄᬦᭀᬭᬬᬵᬲᬦᬾᬲᬚᬵ᭞ᬩᭀᬬᬵᬳ᭄ᬢᭀᬗᭂᬫ᭄ᬧᬸᬯᬸᬭᬶᬧ᭄᭞
ᬓᬯᬮᬵᬓ᭄ᬘᬧ᭄ᬭᬶᬂᬮᭀᬦ᭄ᬢᬃ᭞ᬭᬕᬦᬾᬢᬼᬓ᭄ᬫᬗᬸᬕᬸ᭞ᬤᬾᬦᬶᬂᬲ᭠ᬓ᭄ᬢᬶᬦᬾᬓᭀᬘᬧ᭄᭞ᬳᬯᬓ᭄ᬧᬮᬶᬂ᭞ᬫᬗᬸᬕᬸᬳᬶᬤᭂᬧ᭄ᬳᬶᬤᭂᬧᬦ᭄᭟ᬳ᭄ᬥᬾᬓᬾ
ᬢᭀᬫᬗᭂᬦ᭄ᬤᭂᬮᬂ᭞ᬳᬮᬶᬄᬲᬫᬺᬢᬶᬦᬾᬚᬢᬶ᭞ᬩᬸᬓ᭄ᬢᬶᬬᬂᬳᬧᬂᬲ᭄ᬓᬮᬵ᭞ᬳᬦᬓ᭄ᬫᬸᬮᬵᬲᬳᬶᬢ᭄ᬧᬸᬓ᭄᭞ᬜᬫᬦᬾᬫᬲᬸᬓ᭄ᬭᬶᬂᬭᬕᬵ᭞ᬢ᭄ᬯᬭᬧ᭠
