[᭑᭑ 11B]
᭑᭑᭞
ᬲᬓ᭄ᬯᬾᬄᬲᬂᬧᬭᬫᬦ᭄ᬢ᭄ᬭ᭄ᬬᬫᬜ᭄ᬘᬦᬵᬕᬭᭀᬫᬸᬗ᭄ᬕ᭄ᬯᬶᬂᬧᬓᬸᬯ᭄ᬯᬦ᭄ᬓᬩᬄ᭞ᬫ᭄ᬯᬂᬲᬂᬥ᭄ᬬᬓ᭄ᬱᬧᬲᬗ᭄ᬕᬸᬄᬳᬵᬦ᭄ᬭᬲᬶᬓᬲᬂᬯᬗ᭄ᬰᬵᬥᬶᬭᬵᬚᭀᬫᬋᬓ᭞᭠ᬢᬦ᭄ᬧᬄᬲᬕ᭄ᬳᬸᬧᬧᬢ᭄ᬢ᭄ᬬᬦᬶᬦ᭄ᬤᬶᬢᬥᬗᬵᬰ᭄ᬘᬵᬃᬬ᭄ᬬᭀᬢ᭄ᬢᬭᬵᬦᭀᬧᬫ᭞ᬰᬿᬯᬵᬧᬜ᭄ᬚᬶᬫᬧᬵᬜ᭄ᬚᬶᬲᬵᬦ᭄ᬢᬭᬯᬶᬤᬕ᭄ᬥᬗᬵᬕᬫᬯ᭄ᬭᬸᬄᬓᬯᬷ᭛ ᭜ ᭛ᬦ᭄ᬤᬵ
ᬦ᭄ᬫᬸᬓ᭄ᬬᬥᬶᬧᬢᬶᬂᬧᬓᬸᬯ᭄ᬯᬦᬧᬕᭃᬄᬲᬗᬵᬃᬬ᭄ᬬᬰᬹᬭᬵᬥᬶᬓᬵᬭ᭞ᬲᬓ᭄ᬯᬾᬄᬦᬶᬂᬚᬚᬳᬦ᭄ᬲᬓᬾᬧᬢᬸᬓᬗᬦ᭄ᬲᬵᬫ᭄ᬧᬸᬦ᭄ᬥᬢᬂᬢᬦ᭄ᬫᬲᭀᬯᬾ᭞ᬓᬧ᭄ᬯᬵᬲ᭄ᬭᬂᬫᬳᬢᬸᬃᬳᬢᬸᬃᬧᬥᬵᬲᬶᬦᬸᬗᬦ᭄ᬯᬲ᭄ᬢ᭄ᬭᬩᬸᬤ᭄ᬥᬶᬜᬢᬸᬱ᭄ᬝᬵ᭞ᬢᬸᬱ᭄ᬝᬦ᭄ᬬᬵᬗ᭄ᬤᬦᬶᬢᬸᬱ᭄ᬝᬭᬶᬦᬺᬧᬢᬶᬲᬦ᭄ᬢᬸᬱ᭄ᬝᬦ᭄ᬚ᭄ᬦᭂᬓ᭄ᬭᬶᬂᬧᬢᬸᬯ᭄ᬯᬦ᭄᭛ᬯ᭄ᬯᬦ᭄ᬢᭂᬦ᭄ᬭᬹᬧᬓᬮᬃᬬ᭄ᬬᬮ᭞
ᬬ᭄ᬬᬦᬦ᭄ᬗᬄᬲᬗ᭄ᬓᬾᬬᬸᬚᬸᬂᬦᬶᬂᬲᬫᬸᬤ᭄ᬭ᭞ᬰ᭄ᬫᭁᬦᬶᬓᬦᬾᬓᬓᬶᬓᬶᬲ᭄ᬢᬶᬦᬧ᭄ᬦᬢᬭᬶᬓᬵᬮ᭄ᬯᬵᬧᬶᬡ᭄ᬟᬦᬹᬱᬦ᭄ᬲᬓᬾᬂᬤᭀᬄ᭞ᬫᬵᬃᬕ᭄ᬕᬜᬾᬓᬶᬮᬶᬦᬦ᭄ᬓᬭᬦ᭄ᬍᬬᭂᬧᬯᬃᬡ᭄ᬦᬂᬗ᭄ᬕᬸᬓᬢᬵᬦ᭄ᬤᬾᬦᬶᬭᬂᬬ᭄ᬬᬓ᭞ᬓᬶᬃᬢ᭄ᬢᬶᬲᬗᬵᬃᬬ᭄ᬬᬢᭀᬯᬶᬧᬲ᭄ᬦᬵᬳᬾᬧ᭄ᬭᬵᬧ᭄ᬢ᭄ᬬᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬵ᭛ ᭜ ᭛ᬗ᭄ᬓᬵᬰ᭄ᬭᬷᬦᬵᬣᬫᬭᬵᬗ᭄ᬮᬶᬧᬸᬃᬳᬸ᭠
ᬬᬗᬶᬢᬶᬓ᭄ᬱ᭄ᬡᬸᬦᬶᬤᬶᬦᬓᬭ᭞ᬲᬓ᭄ᬱᬢ᭄ᬤᬾᬯᬢᬤᬾᬯᬢᬶᬦ᭄ᬲᬕᬓᬲᬶᬄᬦᬶᬭᬵᬝᬶᬓᬝᬶᬓᬵᬦ᭄᭞ᬯ᭄ᬯᬂᬭᬶᬚ᭄ᬭᭀᬲᬯᬗᬧ᭄ᬲᬭᬶᬦ᭄ᬯᬳᬸᬲᬓᬾᬂᬯᬶᬳᬵ᭠ᬬᬫᬤᬸᬮᬸᬭ᭄᭞ᬫᭀᬓ᭄ᬢᬂᬓ᭄ᬮᬾᬲᬳᬶᬤᭂᬧ᭄ᬦᬶᬓᬫᬸᬮᬢᬯᬃᬡ᭄ᬦᬢᬶᬩ᭄ᬭᬓᬯᬗᬦ᭄᭛ᬢᬦ᭄ᬢᬸᬗ᭄ᬕᬮ᭄ᬢᬶᬓᬦᬂᬯᬶᬮᬵᬰᬕᬶᬦᬯᬾᬦᬭᬾᬦ᭄ᬤ᭄ᬭᬵᬓᬲᬸᬓ᭞ᬲᬶᬂᬯᬲ᭄ᬢ᭄ᬯᬵᬲᬸᬗᬢᬸ
ᬱ᭄ᬝᬘᬶᬢ᭄ᬢᬭᬶᬓᬦᬂᬧ᭄ᬭᬲᬤᬾᬲᬵᬯᬶᬗᬸᬦ᭄᭞ᬩᬃᬬ᭄ᬬᬦ᭄ᬓᬭᬓ᭄ᬢᬦ᭄ᬰ᭄ᬭᬫᬰ᭄ᬭᬫᬫᬯᬾᬄᬚ᭄ᬗᭂᬃᬦᬶᬂ
