[᭗ 7B]
᭗᭞
ᬫᬲᬮᬫ᭄ᬩ᭟ᬢ᭄ᬯᬭᬤᬤᬶᬗᬫ᭄ᬧᬳᬫ᭄ᬧᬄ᭞ᬫᬗ᭄ᬕᬾᬫᬤᬲᬃᬢᬭᬕ᭄ᬬ᭞ᬫᬶᬯᬄᬢ᭄ᬯᬭᬤᬤᬶᬲᭂᬗᬧ᭄᭞ᬢᭂᬢᬶᬫ᭄ᬩᬗᬾᬫᬗ᭄ᬤᬾᬦ᭄ᬧᬜ᭄ᬚᬂ᭞ᬲᬓᬶᬂᬳᬮᬸᬲ᭄ᬩᬸᬤ᭄ᬥᬶᬥᬃᬫ᭄ᬫ᭞ᬬᬾᬦ᭄ᬗ
ᬗ᭄ᬕᭀᬲᭂᬗᬧᭂᬗᬧᬦ᭄᭞ᬤᬲᬃᬧᬢᬸᬢ᭄ᬤᬤᬶᬲᬮᬄ᭞ᬭᬾᬄᬓᬾᬮᬗᬦ᭄ᬤᬸᬦᬓᬵᬭ᭟ᬬᬾᬦ᭄ᬮᬦ᭄ᬤᬾᬧᬤᬫᬮᬗ᭄ᬓᬢ᭄᭞ᬳᬮᬢᬬᬸᬲᬸᬓᬤᬸᬄᬓᬵ᭞ᬲᬚ᭄ᬭᭀᬦᬶᬂᬧ
ᬤᬫᬮᬗ᭄ᬓᬢ᭄᭞ᬫᬲᬶᬄᬗᬗ᭄ᬕᭀᬘᬢᬸᬃᬬᬸᬕ᭞ᬓ᭄ᬭᬡᬩ᭄ᬘᬶᬓ᭄ᬧᬮᬧᬦᬂ᭞ᬓᬸᬮᬶᬕᬸᬮᬶᬳᬯᬲᬵᬯᬲ᭄᭞ᬧᬲᬗᬶᬦ᭄ᬧᬧᬶᬦᭂᬄᬧᬜ᭄ᬚᬂ᭞ᬤᬲᬭᬾᬫᬲ᭄ᬭᬄᬭᬶᬂᬢᬶᬢᬄ᭟ᬫᬗ᭄ᬤ
ᬭᬶᬂᬳᬶᬦᬩᬶᬦᬩᬦ᭄᭞ᬬᬤᬶᬬᬦ᭄ᬲᬂᬲᬵᬫ᭄ᬧᬸᬦ᭄ᬲᬶᬦᬄ᭞ᬫᬲᬶᬄᬢ᭄ᬯᬭᬳᬃᬱᬜᬸᬕᬃ᭞ᬗᬗ᭄ᬕᬾᬭᬶᬳᬶᬦ᭄ᬧᬫᬮᬯᬦ᭄᭞ᬧᬶᬦᭂᬳᬾᬧᬵᬢᬸᬢ᭄ᬤᬸᬭᬸᬲᬂ᭞ᬲᬦᬾᬗᬤᭂᬕ᭄ᬦᭀ
[᭘ 8A]
ᬭᬜᬸᬗ᭄ᬲᬢ᭄᭞ᬗᭂᬲᬾᬂᬓᬶᬤᬶᬓ᭄ᬧᬮᬧᬦᬂ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬓᬩᭂᬚᬸᬕᬦ᭄᭟ᬯᬶᬭᬾᬄᬳᬩᭀᬢᬾᬓᬮᬶᬦ᭄ᬢᬂ᭞ᬫᭂᬦ᭄ᬤᬓᭂᬧ᭄ᬦᬾᬢ᭄ᬯᬭᬘᬶᬗᬓ᭄᭞ᬓ᭄ᬭᬡᬧᭂᬮᬦᬗᬸᬲᬸᬤᬂ
ᬫᬗ᭄ᬤᬾᬲᬵᬫ᭄ᬧᬸᬦ᭄ᬓᬩ᭄ᬯᬄᬓᬩ᭄ᬯᬄ᭞ᬯᬶᬭᬾᬄᬤᬤᬫ᭄ᬧᬶᬗᬾᬓᬢᬄ᭞ᬲᬃᬯ᭄ᬯᬕᬢᭂᬮ᭄ᬲᬵᬃᬯ᭄ᬯᬫᬗᬦ᭄᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬓᬦᬶᬦ᭄ᬗᬯᬕ᭄᭞ᬚᬢ᭄ᬤᬤᬶᬕᬸᬕᬸᬬᭀᬦ᭄ᬓᬢᬄ᭟ᬓᬵᬮᬶᬄ
ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬮᬶᬗᬦ᭄᭞ᬭᬶᬂᬲᬮ᭄ᬯᬶᬭᬶᬂᬤᬤᬶᬘᬫ᭄ᬧᬄ᭞ᬦᭂᬫ᭄ᬧᬸᬳᬾᬭᬶᬂᬧᬭᬕᬬᬦ᭄᭞ᬭᬶᬂᬓᬤᬸᬂᬳᬚᬶᬦᬾᬓᬶᬭᬂᬬᬾᬦᬶᬂᬫᬵᬲ᭄ᬫᬵᬮᬶᬄᬳᬧᬾᬦᬂ᭞ᬬᬾᬦ᭄ᬭ
ᬕᬲᭂᬗ᭄ᬓᬗᬧᬾᬦᬂ᭞ᬩᬶᬮᬶᬄᬩᬶᬮᬶᬄᬤᬸᬭᬸᬲ᭄ᬭᬸᬲᬓ᭄᭞ᬓᬯᬵᬱ᭄ᬝᬦᬦ᭄ᬩᬭᬂᬮᭀᬬᬂ᭟ᬧᬬᬸᬢᬸᬮᬸᬲ᭄ᬫᬗ᭄ᬕᬮᬢᬓ᭄᭞ᬳᬚᬶᬦ᭄ᬮᬶᬤᬶᬄᬢ᭄ᬯᬭᬜᬦ᭄ᬤ᭞ᬓ᭄ᬭᬡᬕ᭄ᬫᭂᬢᬂ
Kaca:Bali-lontar-hredaya-sastra-300ppi.pdf/8
Kaca puniki sampun kauji-wacén
