[᭓ 3B]
ᬫᭀᬕᬲᬶᬤ᭄ᬥᬧᬗ᭄ᬕᬸᬄ᭟ᬳᬓᬾᬄᬳᬓᬾᬄᬧᬦ᭄ᬕᬸᬕᬭᬶᬂᬕᬸᬲ᭄ᬢᬶ᭞ᬫᬵᬦᬹᬢ᭄ᬭᬸᬧᬵᬦᬶᬂᬯᭀᬂ᭞ᬫᬵᬦᬹᬢ᭄ᬮᬶᬤᭂᬭᬦ᭄ᬤᬰᬤᬾᬰᬦᬾ᭞ᬫᭀᬕᬫᭀᬕᬓᬂᬩ᭄ᬦᭂᬃᬲᬚᬵᬢᬶ᭞ᬫᬫᬗ᭄ᬕᬸᬳᬂᬳᬾᬮᬶᬂ᭞
ᬲᬗ᭄ᬓᬦ᭄ᬧᬭᬦ᭄ᬢᬸᬤᬸᬄ᭟ᬓᬮᬗ᭄ᬓᬳᬦ᭄ᬭᬳᬶᬦᬮᬦ᭄ᬭᬢ᭄ᬭᬶ᭞ᬓᬲᬸᬦ᭄ᬤᬭᬦ᭄ᬲᭀᬭᭀᬢ᭄᭞ᬓᬓ᭄ᬜᬭᬦ᭄ᬢ᭄ᬭᬶᬥᬶᬧᬵᬦᬮᬦᬾ᭞ᬢᬸᬢᬸᬕᬶᬧᬸᬦ᭄ᬲᬚ᭄ᬭᭀᬦᬶᬂᬓᬳᬶᬱ᭄ᬝᬶᬓᬂᬓᬵᬮᬶᬄ
ᬓᬧᬶᬮᬶᬄ᭞ᬓᬢᬭᬶᬫᬧᬢᬸᬢ᭄᭟ᬚᬵᬢᬶᬚᬵᬢᬶᬦᬶᬂᬰᬶᬮᬵᬲᬶᬲᬶᬮᬶᬄ᭞ᬳᬤᭂᬕ᭄ᬮᬤᭂᬕ᭄ᬕᬸᬭᭀᬧ᭄᭞ᬧᬗ᭄ᬮᬗ᭄ᬓᬢᬦ᭄ᬭᬶᬂᬕᬤᭀᬄᬢᬫ᭄ᬧᭂᬓᬾ᭞ᬤᬤᬲᬭᬾᬭᬶᬭᬶᬗ᭄ᬓᭂᬲᬗᬸᬫᬶ
ᬩᬶᬲᬗᬸᬡ᭄ᬟᬕᬾᬦᬶ᭞ᬗᬭᬸᬧᬵᬥᬂᬓᬬᬸ᭟ᬳᬗ᭄ᬕᬾᬦ᭄ᬧᬳᬸᬩᬦ᭄ᬓᬵᬮᬦᬶᬂᬳᬸᬭᬶᬧ᭄᭞ᬤᬤᬶᬩᬮᬾᬧᬯᭀᬦ᭄᭞ᬓᬢᬄᬓᬢᬄᬳᬶᬓᬶᬤᬶᬓ᭄ᬯᬶᬯᬶᬢᬾ᭞ᬧᬸᬧᬸᬢ᭄ᬓᬶᬤᬶᬓ᭄ᬲᬓᬶᬂ
[᭔ 4A]
ᬳᬓᬾᬄᬭᬶᬳᬶᬦ᭄᭞ᬫᬲᭂᬮᬸᬧ᭄ᬫᬢᬶᬦ᭄ᬤᬶᬄ᭞ᬭᬶᬂᬯᬸᬲᬾᬫᬳᬶᬫ᭄ᬧᬸᬲ᭄᭟ᬲᬲᬯᬗᬦ᭄ᬓᬬᬸᬳᬸᬕᬭᬕᬶᬃ᭞ᬗᬭᬶᬤᬶᬕ᭄ᬫᬕᭀᬯᭀᬓ᭄᭞ᬫᬲᬶᬄᬤᬤᬶᬧᬳᬸᬩᬦ᭄ᬚᬤ᭄ᬫᬦᬾ᭞ᬩᭀᬬᬤ
ᬤᭀᬲ᭄ᬇᬤᬬᬂᬲᬫ᭄ᬧᬳᬶᬦ᭄᭞ᬲᬮᬸᬳᬸᬭᬶᬂᬮᬗᬶᬢ᭄᭞ᬲᬢᬸᬤᬕᬶᬗᬶᬧᬸᬦ᭄᭟ ᭜ ᭟ᬫᬵᬮᬶᬄᬢᭂᬫ᭄ᬩᬂᬲᬶᬲᬶᬦᭀᬫᬦ᭄᭞ᬫᬲᬶᬄᬩᬱᬢᬸᬭᬄᬩᬮᬶ᭞ᬢᭂᬫ᭄ᬩᬂᬜᬦᬾᬓᬵᬃᬢ᭄ᬢᬲᬸ
ᬭ᭞ᬲᬫ᭄ᬩᬸᬗᬦ᭄ᬧᬾᬢᬸᬗᬦ᭄ᬲᬫᬶ᭞ᬓᬢᭀᬦ᭄ᬲᬫᬶᬭᬶᬂᬩ᭄ᬘᬶᬓ᭄᭞ᬭᬾᬄᬫ᭄ᬤᬮ᭄ᬲᬓᬶᬂᬧᬓᬳ᭄ᬬᬸᬦ᭄᭞ᬲᬓᬶᬂᬲᬂᬫᬫ᭄ᬗᬯᭀᬲᬂ᭞ᬗᬯᬵᬱ᭄ᬝᬦᬶᬦ᭄ᬓᬯᭀᬦ᭄ᬩᭂᬘᬶᬓ᭄᭞ᬯᬶᬭᬾᬄᬫᬸᬮᬳᬾᬯᭂᬄ
ᬫᬜᬶᬓᬶᬬᬂᬫᬦᬄ᭟ᬓᭀᬘᬧ᭄ᬲᬫᬶᬭᬶᬂᬧᬶᬧᬶᬓᬢ᭄᭞ᬓᬢᬸᬢᬸᬭᬦ᭄ᬓᬯᭀᬦ᭄ᬩᭂᬘᬶᬓ᭄᭞ᬩ᭄ᬘᬶᬓᬾᬢᬢᬦ᭄ᬧᬭᬹᬧᬵ᭞ᬫᬶᬯᬄᬦᬾᬓᬵᬗ᭄ᬓᭂᬦ᭄ᬢᬦ᭄ᬩᭂᬘᬶᬓ᭄᭞ᬓᬭᬶᬲᬶᬮᬶᬄᬕ᭄ᬮᬶᬮᬶᬗᬶ
Kaca:Bali-lontar-hredaya-sastra-300ppi.pdf/4
Kaca puniki sampun kauji-wacén
