Kaca:Bali-lontar-geguritan-anggreni-300ppi.pdf/79

[᭗᭘ 78 B] (physical label incorrect, should have been 77 B)
᭗᭗
ᬭᬢ᭄᭞ᬩᭀᬬᬮᬾᬦᬦ᭄᭞ᬯᬦ᭄ᬢᬄᬳᬤᬶᬫᬦᬸᬮᬸᬗᬶᬦ᭄᭞ᬤᬯᭂᬕ᭄ᬢᬶᬢᬶᬬᬂᬓᬲᭂᬫ᭄ᬲᭂᬫᬂ᭟ᬩᭀᬬᬲᬶᬬᭀᬲ᭄ᬯᬦ᭄ᬢᬄᬲᬓᬶᬂᬳᬤᬶ᭞ᬫᬗᬸᬭᬸᬓᬂ᭞ᬫᬳᬯᬦᬦ᭄ᬢᬶᬢᬶᬬᬂ᭞ᬦᬡ᭄ᬥᬂᬚᭂᬗᬄᬲᬉᬭᬶᬧᬾ
᭞ᬳᬤᬶᬦᬸᬳᬸᬓ᭄ᬲᬓᬶᬂᬧᬸᬗ᭄ᬓᬸᬃ᭞ᬲᬲᬵᬫ᭄ᬧᬸᬦ᭄ᬢᬶᬢᬶᬬᬂᬗᬮᬶᬮᬶᬂ᭞ᬮᬩᬸᬄᬓᬢᭂᬗᬄᬲᬕᬭ᭞ᬳᬤᬶᬜᬭᬸᬜᬭᬸ᭞ᬗᬸᬢᬂᬢᬶᬢᬶᬬᬂᬧᬤᬶᬤᬶᬬᬦ᭄᭞ᬓᬦ᭄ᬢᭀᬲ᭄ᬗᭂᬃᬕ᭄ᬭᬂ᭞ᬦᬧᬶᬫᬳᬯᬦᬦ᭄ᬳᬤᬶ᭞ᬓᬬᬸ᭠
ᬦ᭄ᬓᭂᬚᬫ᭄ᬫᬮᬶᬄᬕᬦᬲ᭄᭟ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬭᬯᬸᬄᬓᬩᬃᬳᬗᬶᬦ᭄᭞ᬢᭂᬓᬾᬦ᭄ᬢᬶᬢᬶᬬᬂ᭞ᬳᬤᬶᬓᬚᭀᬤᭀᬳᬦ᭄᭞ᬢᬶᬢᬶᬳᬂᬮᬗ᭄ᬓᬸᬂᬧᬗᭂᬕᬦᬾ᭞ᬯᬦ᭄ᬢᬄᬦᬲᬶᬩ᭄ᬢᬶᬢᬶᬬᬂᬮᬘᬸᬃ᭞ᬲᬵᬫ᭄ᬧᬸᬜ᭄ᬚᭂᬮ᭠
ᬲ᭄ᬢᬶᬢᬶᬬᬂᬫᬶᬭᬕᬶ᭞ᬩᬓᬮ᭄ᬭᬩᬶᬥᬃᬫ᭄ᬫᬬᬰ᭞ᬢᬶᬢᬶᬬᬂᬲᬵᬫ᭄ᬧᬸᬦ᭄ᬢᬳᬸ᭞ᬳᬯᬶᬦᬦ᭄ᬗᬶᬭᬶᬫᬂᬲᬸᬭᬢ᭄᭞ᬲᬶᬦᬄᬧᬶᬲᬦ᭄᭞ᬭᬶᬂᬲᬵᬫ᭄ᬧᬸᬦ᭄ᬳᬤᬶᬫᬭᬩᬶ᭞ᬢᭀᬂᬫᬗ᭄ᬕᬶᬳᬶᬦ᭄ᬓᬬᬸᬦ᭄ᬮᬾᬤᬂ᭟ᬢᬶᬢᬶᬬᬂᬉᬦᬶᬂᬳᬮ᭄ᬯᬦ᭄ᬳᬶ
[᭗᭙ 79 A] (physical label incorrect, should have been 78 A)
ᬤᬸᬧ᭄ᬳᬤᬶ᭞ᬬᬦ᭄ᬩᬡ᭄ᬥᬶᬗᬂ᭞ᬳᬶᬤᬸᬧ᭄ᬥᬃᬫ᭄ᬫᬬᬰ᭞ᬓᬯᬶᬦ᭄ᬩᬵᬦ᭄ᬮᬶᬬᬸᬧᬶᬧᬶᬲᬾ᭞ᬩᬡ᭄ᬥᬶᬂᬓᬯᬶᬦ᭄ᬯᬃᬡ᭄ᬦᬳᬬᬸ᭞ᬬᬦᬶᬂᬳᬶᬘᬮ᭄ᬲᬮᬄᬲᬶᬓᬶ᭞ᬲᬶᬦᬄᬧᬘᬂᬪᬳᬬ᭞ᬬᬦ᭄ᬯᬶᬘᬶᬦᬾᬩᬶᬜ᭄ᬘᬸᬮ᭄᭞ᬬᬦᬶᬂᬲ᭠
ᬚᬲᬧᬸᬦᬶᬓ᭞ᬭᬯᬸᬳᬶᬂᬢᬶᬢᬶᬬᬂ᭞ᬧᬘᬂᬲᬋᬂᬫᬫᬗ᭄ᬕᬶᬳᬶᬦ᭄᭞ᬯᬦ᭄ᬢᬄᬳᬤᬶᬫᬗᬯᬾᬦᬂ᭟ᬳᬘᬹᬳᬤᬶᬫᬗ᭄ᬤᬢᬢᬲ᭄ᬳᬸᬦᬶᬂ᭞ᬦᬾᬗᬯᬾᬦᬂ᭞ᬢᬶᬢᬶᬬᬂᬓᬤᬶᬮᬜ᭄ᬘᬂ᭞ᬫᬵᬢᬹᬃᬭᬶᬂᬳᬚᭂᬂᬳᬤᬶᬦᬾ᭞ᬮ
ᬦ᭄ᬢᬭᬦ᭄ᬫᬦᬄᬉᬮᬗᬸᬦ᭄᭞ᬕᬸᬫᬦ᭄ᬢᬶᬢᬶᬢᬶᬬᬂᬫᬗᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬳᬤᬶᬫᬲ᭄ᬮᬫᭂᬢᬦ᭄᭞ᬳᬯᬶᬦᬦ᭄ᬫᬯᬸᬗᬸ᭞ᬲᬧᬸᬦᬶᬓᬳᬢᬹᬃᬢᬶᬢᬶᬬᬂ᭞ᬫᬸᬗ᭄ᬕ᭄ᬯᬶᬂᬲᬸᬭᬢ᭄᭞ᬧᬸᬗ᭄ᬓᬸᬭᬦ᭄ᬫᬮᬶᬄᬲᬫ᭄ᬩᬸᬗᬶᬦ᭄᭞ᬢᬶᬢᬶᬬᬂᬓᬤᬸᬂ
ᬓᬲᭂᬫᬭᬦ᭄᭟᭚᭜᭚ᬧᬸᬧᬸᬄᬲ᭄ᬫᬭᬦ᭄ᬤᬦ᭚᭜᭚ᬧᭂᬢᭂᬂᬕᬸᬫᬶᬦᬾᬘᬶᬗᬓᬶᬦ᭄᭞ᬳᬮᬫᬾᬲᬸᬯᬸᬂᬗᬮᬸᬦ᭄ᬢᬂ᭞ᬳᬶᬘᬮ᭄ᬫᬗ᭄ᬓᬶᬦ᭄ᬧᬫᬶᬦᭂᬳᬾ᭞ᬕᬸᬫᬶᬦᬾᬜᬲᬦ᭄ᬫᭂᬢᭂᬗᬂ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬓᬦ᭄ᬢᭂᬦ᭄ᬕ