[᭕ 5 B]
᭕
ᬲᬶᬦᬄᬲᬫᬶᬤᭂᬮᭀᬓᬶᬦ᭄᭞ᬓᬶᬭᬂᬭᬗ᭄ᬓᬸᬂᬩ᭄ᬭᬲ᭄ᬳᬘᬢᬸ᭞ᬬᬦᬶᬂᬧᬃᬡ᭄ᬦᬢᬍᬩᭂᬭᬢ᭄᭞ᬓ᭠ᬮᬶᬳᬶᬧᬸᬦ᭄᭞ᬳᭂᬫ᭄ᬧᭀᬦᬦᬾᬲᬓᬶᬂᬤᬸᬫᬸᬦ᭄᭞ᬫᬗᭂᬫ᭄ᬧᭀᬦᬶᬦ᭄ᬭᬶᬂᬧᬫ᭄ᬭᬚᬦ᭄᭞ᬧᬸᬦᬶᬓᬢᬍᬃᬧᬶᬦᭂ
ᬳᬶᬦ᭄᭟ᬧᬸᬗ᭄ᬓᬸᬃᬭᬶᬂᬲᬫ᭄ᬧᬸᬦᬾᬕᬬᬮ᭄᭞ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬶᬭᬳᬦᬓᬾᬳᬶᬤᬶᬳᬶᬦ᭄᭞ᬧᬢᬸᬢ᭄ᬫᬢᬸᬗ᭄ᬓᭂᬤ᭄ᬜᬮᬸᬓ᭄ᬱᬸᬓ᭄᭞ᬗᬶᬤᬶᬳᬶᬤᬶᬄᬓᬧᬶᬲᬕ᭞ᬲᬶᬦᬄᬚᭂᬗᬄ᭞ᬧᬸᬦᬶᬓᬧᬶᬦᭂᬳᬶᬦ᭄ᬤᬸᬫᬸᬦ᭄᭞
ᬧᬬᬸᬗᬾᬧᬵᬢᬹᬢ᭄ᬲᬾᬥ᭄ᬬᬬᬂ᭞ᬳᬸᬚᬦᬦ᭄ᬧᬂᬦᬾᬦ᭄ᬢᭂᬦᬼᬘᬶᬂ᭟ᬕᬸᬲ᭄ᬢᬶᬕᭂᬥᬾᬲᬳᬸᬃᬕᭂᬢᬃ᭞ᬤᬢᬤᬢᬧᬧᬓ᭄ᬓᭂᬦᭂᬳᬶᬦ᭄ᬤᬗᬶᬦ᭄᭞ᬧᬫᭂᬓᬲ᭄ᬳᬶᬤᬳ᭄ᬬᬂᬢᬸᬤᬸᬄ᭞ᬬᬤᬶᬦ᭄ᬮᬶᬬᬸᬢᭀᬓᭂᬦᭂᬳᬂ᭞ᬢᭀ
ᬦ᭄ᬤᬾᬦ᭄ᬲᬚ᭞ᬳᬶᬭᬕᬓᬮ᭄ᬓᬸᬯᬗᬦ᭄ᬲᬗᬸ᭞ᬳᭂᬦ᭄ᬢᭀᬲᬸᬩᬧᬥᬳᬤ᭞ᬬᬾᬦ᭄ᬲᬸᬩᬩᬶᬱᬦ᭠ᬩ᭄ᬤᬩᬶᬦ᭄᭟ᬳᬧᬩᬸᬯᬶᬦ᭄ᬤᬤᬶᬚᬦ᭄ᬫ᭞ᬲᬸᬩᬘᬸᬓᬸᬧ᭄ᬓᬳᬶᬘ᭄ᬙᬾᬦ᭄ᬮᬶᬫᬩᬢᬶᬲ᭄᭞ᬧᬜ᭄ᬘᬇᬦ᭄ᬤ᭄ᬭᬬᬫᬶᬯᬄᬓ
[᭖ 6 A]
ᬬᬦ᭄᭞ᬩᬸᬤ᭄ᬥᬶᬫᬶᬯᬄᬧᬭᬱᬳᬦ᭄᭞ᬢ᭄ᬯᬭᬲᬚ᭞ᬫᬓᭂᬚᬂᬢ᭄ᬯᬭᬓᬢᭂᬧᬸᬓ᭄᭞ᬬᬤᬶᬦ᭄ᬲᬸ᭠ᬩᬮᬓ᭄ᬱᬩᬬᬂ᭞ᬗᬮᬶᬄᬉᬦ᭄ᬢᬸᬂᬩᬶᬲᬭᬸᬕᬶ᭟ᬮᬮᬶᬫᬮ᭄ᬯᬶᬃᬧᬯᬶᬮᬗᬦ᭄ᬜ᭞ᬳᭂᬦ᭄ᬢᭀᬧᭀᬓᭀᬓ᭄ᬲᬳᭂ
ᬦᬸᬦᬾᬩᬮᬶᬳᬸᬭᬶᬧ᭄᭞ᬳᬗ᭄ᬕᭀᬩᭂᬓᭂᬮ᭄ᬳᬶᬤᬸᬧ᭄᭞ᬲᬶᬦᬄᬩᬶᬲᬦᭂᬫᬸᬲᬥ᭄ᬬ᭞ᬓᬧᭂᬃᬢ᭄ᬢᬫ᭞ᬭᬚᬶᬦ᭄ᬫᬕᬳᬾᬲᬢᬸᬯᬸᬓ᭄᭞ᬲᬮ᭄ᬯᬶᬭᬶᬂᬦᬾᬓᬯᬚᬶᬩᬦ᭄᭞ᬳᬧᬂᬧ᭄ᬭᬕᬢ᭄ᬩᬵᬦ᭄ᬗᬯᬾᬦᬶᬦ᭄᭟ᬓ
ᬧᬶᬗ᭄ᬓᬮᬶᬄᬓᬭᬓ᭄ᬬᬢᬦ᭄᭞ᬫᬯᬤᬾᬰᬤᬲᬃᬫᬦᬄᬓᬯᭂᬮᬲ᭄ᬳᬲᬶᬄ᭞ᬓᬧᬶᬂᬢᬶᬕᬓᭂᬦᭂᬄᬚᬸᬚᬸᬃ᭞ᬳᭂᬤᬫᬓᭂᬦᭂᬄᬘᭀᬭᬄ᭞ᬓᬧᬶᬂᬳᭂᬫ᭄ᬧᬢ᭄᭞ᬮᭀᬓᬶᬓᬦᬾᬳᭂᬤᬲᬯᬸᬤ᭄᭞ᬳᬧᬂᬩᬶᬲᬗᬸ
ᬦᬥᬶᬂᬓ᭞ᬧᬵᬢᬹᬢ᭄ᬤᬶᬬᬋᬧ᭄ᬤᬸᬮᬸᬭᬶᬦ᭄᭟ᬓᬧᬶᬂᬮᬶᬫᬳᬶᬓᬩᬶᬱᬦ᭄᭞ᬫᬓᬢᬸᬗ᭄ᬕᬸᬮ᭄ᬧ᭄ᬭᬕᬢ᭄ᬮᬮᬶᬫᬲᬫᬶ᭞ᬚ᭄ᬭᭀᬤᬗᬶᬦ᭄ᬫᭂᬦ᭄ᬤᭂᬧ᭄ᬫᬗᬸᬦ᭄ᬢᬸᬮ᭄᭞ᬓᭂᬦᭂᬳᬾᬲᬗᭂᬢ᭄ᬢᬸᬗ᭄ᬓᬲ᭄᭞ᬫᬍᬄᬫᬍᬄ᭞ᬓᬭᬶᬫᬫᬶ᭠
Kaca:Bali-lontar-geguritan-anggreni-300ppi.pdf/6
Kaca puniki sampun kauji-wacén
