Kaca:Bali-lontar-geguritan-anggreni-300ppi.pdf/24

Kaca puniki sampun kauji-wacén

[᭒᭓ 23 B]
᭒᭓
ᬓᬶᬤᬶᬓ᭄᭞ᬗᭂᬦᬄᬬᬳᬶᬩᬦ᭄ᬢᬂ᭞ᬩᬶᬦ᭄ᬢᬂᬳᬭᬧᬦ᭄ᬓᬧᬸᬗ᭄ᬓᬸᬃ᭞ᬫᬢᬸᬚᬸᬯᬶᬦ᭄ᬢᬮᬦ᭄᭞ᬢᬦ᭄ᬲᬯᭀᬲ᭄ᬩᬶᬦ᭄ᬢᬂᬳᬗ᭄ᬕ᭄ᬭᬾᬡᬶ᭞ᬧᬸᬦᬧᬶᬦᬾᬫᬗᬧᬶᬦᬂ᭞ᬩᬶᬲᬶᬓᬦ᭄ᬫᬦᬳᬾᬯᭂᬢᬸ᭟ᬳᬯᬶᬦᬦ᭄ᬢᬶᬢᬶᬬᬂᬢᬦ᭄ᬳᬸᬦᬶᬂᬗ᭄ᬢᬾ᭠
ᬦ᭄ᬗᬯᬶᬦᬂ᭞ᬧᭂᬃᬘ᭄ᬘᬬᬭᬶᬂᬲᬸᬯᬸᬂ᭞ᬫᬓᬤᬶᬲᬂᬳ᭄ᬬᬂᬢᬸᬚᬸᬄ᭞ᬲᬵᬫ᭄ᬧᬸᬦ᭄ᬢᬶᬢᬶᬬᬂᬫᬗ᭄ᬓᬶᬦ᭄ᬳᬸᬦᬶᬂ᭞ᬫᬃᬕ᭄ᬕᬶᬦ᭄ᬳᬤᬢᬾᬭᬶᬂᬤᬸᬤ᭞ᬭᬶᬂᬕᭂᬦᬄᬢᬶᬢᬶᬬᬗᬾᬯᭂᬢᬸ᭞ᬗ᭄ᬳᬶᬂᬧᬶᬦᬸᬦᬲ᭄ᬢᬶᬢᬶᬬᬂ᭞ᬫᬗ᭄ᬤᬅᬤᬶᬓᬦ᭄ᬢᬸᬦ᭄ᬳᬾᬮᬶᬂ᭞ᬢ᭄ᬭᬶ᭠
ᬫᬢᬶᬢᬶᬬᬂᬳᬗ᭄ᬕᭀᬦ᭄ᬜᬫ᭞ᬫᬗ᭄ᬤᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬩᬸᬤᬸᬄ᭟᭚᭜᭚ᬧᬸᬧᬸᬄᬓᬸᬫᬫ᭄ᬩᬂ᭚᭜᭚ᬫᬶᬭᬶᬩ᭄ᬲᬚᬢᬸᬮᬶᬲ᭄ᬫᬕᬳᬾᬩᬦ᭄ᬳᬸᬭᬶᬧ᭄᭞ᬩᭀᬬᬳᬦ᭄ᬢᬸᬓ᭄ᬢᬗᬦ᭄᭞ᬦᬧᬶᬫᬸᬗ᭄ᬕᬸᬄᬚ᭄ᬭᭀᬦᬶᬗ᭄ᬳᬢᬶ᭞ᬧᬸᬦᬶ
ᬓᬦᬾᬓᬳᬸᬗ᭄ᬕᬸᬳᬂ᭄ᬤᬤᬶᬗᭂᬢᭀᬃᬢᬗᬦᬾᬫᬫᬘᬢᬸᬮᬶᬲ᭄᭞ᬬᬾᬄᬢᬶᬗ᭄ᬳᬮᬾᬜᬧ᭄ᬘᬧ᭄᭞ᬦᬋᬩᭂᬲ᭄ᬢᭂᬓᭂᬤ᭄ᬓᬧᬶᬧᬶ᭞ᬲᬭᬸᬂᬕᬍᬂᬢᭂᬮᬲ᭄ᬩᬲᬄ᭟ᬤᬤᬶᬗᭂᬦᬄᬫᬭᬯᬢ᭄ᬭᬯᬢ᭄ᬤᬶᬳᬢᬶ᭞ᬕᬸᬲ᭄ᬢᬶᬮᬦᬂᬳᬃᬣ᭞
[᭒᭔ 24 A]
ᬉᬭᬶᬧᬾᬤᬤᬶᬳᬩᭂᬲᬶᬓ᭄᭞ᬫᬶᬦᬩ᭄ᬢᭀᬂᬤᬤᬶᬩᭂᬮᬲᬂ᭟ᬓᬳᬸᬲᬧᬶᬦ᭄ᬢᭀᬬᬦ᭄ᬳᬓ᭄ᬱᬶᬦᬾᬤᬶᬧᬶᬧᬶ᭞ᬦᭂᬕᬓ᭄ᬗᬚᬧ᭄ᬢᬯᬂ᭞ᬫᬸᬯᬦᬾᬫᬵᬋᬧ᭄ᬓᬮᬗᬶᬢ᭄᭞ᬳᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬢᬶᬢᬄ᭟ᬲᬶᬘ᭄ᬙᬦᬸᬮᬸᬂᬭᬶᬂᬢᬶ
ᬢᬶᬬᬂᬭᬶᬩᬸᬢ᭄ᬤᬶᬳᬢᬶ᭞ᬳᬶᬘ᭄ᬙᬾᬦ᭄ᬫᬦᬄᬕᬮᬂ᭞ᬢᬶᬢᬶᬬᬂᬳᭂᬮᬸᬄᬲᬧᬸᬦᬶᬓᬶ᭞ᬳᬫᬸᬂᬩᬶᬱᬗᬗᭂᬦ᭄ᬫᬦᬄ᭟ᬲᬓᬶᬂᬚᬢᬶᬫᬦᬄᬫᬤᬍᬫ᭄ᬤᬶᬳᬢᬶ᭞ᬳᬦᬓ᭄ᬫᬗ᭄ᬕᬶᬄᬮᬭ᭞ᬢᬶᬢᬶᬬᬂᬯ᭄ᬬᬓ᭄ᬢᬶᬢᬺᬱ᭄ᬡᬳᬲᬶᬄ᭞ᬤᬤᬶ
ᬯᭂᬢᬸᬫᬦᬄᬘᬶᬦ᭄ᬢ᭟ᬯᬦ᭄ᬢᬄᬳᬶᬯᬂᬮᬾᬤᬂᬭᬢᬸᬫᬗᬫ᭄ᬧᬸᬦᬶᬦ᭄᭞ᬢᬶᬢᬶᬬᬂᬦᬾᬦ᭄ᬢᭂᬦ᭄ᬢᬸᬮᬓ᭄᭞ᬦ᭄ᬤᬶᬓᬳᬶᬦ᭄ᬢᬶᬢᬶᬬᬂᬧᬫᬃᬕ᭄ᬕᬶ᭞ᬲᬦᬾᬧᬵᬢᬹᬢ᭄ᬢᬸᬯᬸᬢ᭄ᬢᬶᬢᬶᬬᬂ᭟ᬲᬧᬸᬦᬶᬓᬧᬗᬚᬧᬾᬩᬶᬮᬂᬯᭂᬗᬶ᭞ᬗ᭄ᬭᬱᬢᭂᬓᬾ
ᬦ᭄ᬓᬮᬄ᭞ᬍᬕᬦᬾᬫᬘᬫ᭄ᬧᬸᬄᬲᭂᬥᬶᬄ᭞ᬫᬘᬫ᭄ᬧᬸᬄᬭᬶᬂᬢᭀᬬᬦ᭄ᬢᬶᬗ᭄ᬳᬮᬦ᭄᭟ᬧᬸᬓᬸᬮᬸᬦ᭄ᬓᬮᬶᬄᬫᬸᬜᬶᬦ᭄ᬳᬬᬫ᭄ᬮᬶᬦ᭄ᬢᬂᬗᬶᬮᬶᬲ᭄᭞ᬫᬸᬜᬶᬦ᭄ᬚᬗ᭄ᬓ᭄ᬭᬶᬓ᭄ᬲᬯᬢ᭄᭞ᬳᬗ᭄ᬕ᭄ᬭᬾᬡᬶᬧᬸᬍᬲ᭄ᬦᬾᬫᬗ᭄ᬓᬶᬦ᭄᭞ᬮᬦᬂᬳᬃᬣᬫᬮᬶᬄᬉᬘᬧᬂ᭟