[᭑ 1 B]
᭑
᭚᭜᭚ᬧᬸᬧᬸᬄᬧᬗ᭄ᬓᬸᬃ᭚᭜᭚ᬳᬶᬧᬗ᭄ᬓᬸᬃᬫᬗ᭄ᬓᬶᬦ᭄ᬗᬶᬓᭂᬢ᭄ᬲᬢ᭄ᬯ᭞ᬤᬶᬤᬸᬦᬸᬗᬦ᭄ᬲᭂᬤᭂᬓᬦ᭄ᬩᭂᬗᭀᬂᬧᬤᬶᬤᬶ᭞ᬤᬶᬤᬶᬢᬸᬫ᭄ᬩᬸᬄᬓᭂᬦᭂᬳᬾᬮ᭄ᬚᬸ᭞ᬳᬗ᭄ᬕᭀᬦ᭄ᬧᬜᬮᬶᬫᬸᬃᬫᬦᬄ᭞ᬲᭂᬤᭂᬓ᭄ᬤᬶᬦ᭞ᬧᬹᬃᬡ᭄ᬦᬫᬰ᭄ᬭᬯᬡᬦᬸᬚᬸ᭞
ᬇᬰᬓᬲ᭄ᬬᬸᬤᭀᬫᬲ᭄ᬮᬶᬦ᭄ᬢᬂ᭞ᬉᬮᬸᬂᬤᬰᬲ᭄ᬬᬦᬫ᭄ᬧᬶ᭟ᬲᭂᬤᭂᬓ᭄ᬦᬸᬚᬸᬗ᭄ᬮᬶᬗ᭄ᬲᬶᬭᬂ᭞ᬳᬗᬶᬦ᭄ᬭᬶᬲ᭄᭠ᬘᬬᬦ᭄ᬲᬹᬃᬬ᭄ᬬᬦᬾᬫᬕᬦ᭄ᬢᬶ᭞ᬗᭂᬫ᭄ᬧᬸᬍᬓ᭄ᬩᬭᬓ᭄ᬲᬶᬓᬯᬸᬄ᭞ᬓᬮᬶᬄᬗᬯᭂᬯᭂᬳᬶᬦ᭄ᬩᬸᬗᬄ᭞ᬢᭀᬬᬦ᭄ᬲᬕᬭ᭞᭠
ᬤᭂᬕ᭄ᬤᭂᬕ᭄ᬳᭀᬫ᭄ᬩᬓ᭄ᬜᬦᬾᬮᬗᬹ᭞ᬓᬦ᭄ᬢᬸᬦ᭄ᬳᬶᬧ᭄ᬭᬯᬸᬮᬬᬃ᭞ᬩᬶᬤᬓ᭄ᬳᬶᬧᬸᬦ᭄ᬧᬸᬢᬶᬄᬗᬶᬮᬶᬲ᭄᭟ᬕᭂᬡ᭄ᬥᬶᬂᬩᬦ᭄ᬥᬾᬕᬦᬾᬩᬦ᭄ᬩᬦ᭄᭞ᬗᬫᬦ᭄ᬢᬸᬓᬂᬫᬕᭂᬡ᭄ᬥᬶᬂᬫᬯᬃᬕ᭄ᬕᬲᬭᬶ᭞ᬤᬶᬢᭂᬗᬄᬫᬓᬦ᭄ᬢᭂᬦ᭄ᬢᬸᬗ᭄ᬕᬸᬮ᭄᭞ᬫᬸᬜ᭄ᬘᬸᬓ᭄ᬓᬨᬮ᭄ᬲ
ᬦᬾᬭᬸᬲᬓ᭄᭞ᬲᬵᬫ᭄ᬧᬸᬦ᭄ᬮᬫᬶ᭞ᬫᬶᬭᬶᬩ᭄ᬬᬫᬚᬕᬤᬶᬢᬸ᭞ᬜᬕᬳᬦ᭄ᬢᬸᬓ᭄ᬳᬮᬶᬄᬲᬾᬢᬦ᭄᭞ᬫᬗ᭄ᬤᬫᬗ᭄ᬤᬢᬦ᭄ᬧᬸᬭᬸᬦ᭄ᬗᬸᬭᬜ᭄ᬚᬶᬂ᭟ᬭᬶᬲᭂᬤᭂᬓᬾᬲᬧᬸᬦᬶᬓ᭞ᬭᬶᬂᬅᬫ᭄ᬧᭂᬦᬦ᭄ᬓᬦ᭄ᬢᬸᬦ᭄ᬳᬶᬦ᭄ᬤᬄᬗᬸᬮᬗᬹᬦᬶᬦ᭄᭞ᬳᬶᬤᬤ
[᭒ 2 A]
ᬦᬾᬲᬦᬾᬢᬸᬬᬸᬄ᭞ᬫᬓᬵᬃᬬ᭄ᬬᬲᬓᬶᬂᬲᭂᬫᭂᬗᬦ᭄᭞ᬲᭂᬤᭂᬓ᭄ᬲᭀᬭᬾ᭞ᬫᬶᬦᬩ᭄ᬧᭀᬮᬶᬄᬢᬫ᭄ᬩᬍᬲᬸ᭞ᬓᬮᬶᬄᬲᬹᬃᬬ᭄ᬬᬲᬵᬫ᭄ᬧᬸᬦ᭄ᬗᬲᬩ᭄᭞ᬧᬘᬂᬲᬸᬭᬸᬧ᭄ᬫᬭᬶᬂᬪᬸᬫᬶ᭟ᬧᬸᬦᬶᬓᬲᬦᬾᬢᬭᬸᬡ᭞ᬓᬮᬶᬄᬩᬚᬂ
ᬫᬮᬜ᭄ᬘᬭᬦ᭄ᬲᬶᬲᬶᬃᬳᬗᬶᬦ᭄᭞ᬭᬶᬂᬚᬫ᭄ᬩᬢᬦᬾᬫᬗᬗ᭄ᬕᬸᬃ᭞ᬤᭂᬮᭀᬤ᭄ᬳᬶᬧᬸᬦᬾᬢᬶᬗ᭄ᬕᬃ᭞ᬢᬸᬓᬤ᭄ᬚᬗ᭄ᬓᭀᬓ᭄᭞ᬫᬃᬕ᭄ᬕᬶᬦ᭄ᬩᭂᬮᬡ᭄ᬥᬦᬾᬤᬸᬫᬸᬦ᭄᭞ᬗᭂᬩᬸᬕ᭄ᬲᬗᬯᭀᬦᬂᬲᬲᬓ᭄᭞ᬲᬓᬶᬂᬳᬶᬭᬶᬓᬗᬯᬶᬢᬶᬦ᭄᭟ᬤ
ᬗᬶᬦ᭄ᬳᬶᬧᬸᬦ᭄ᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬭᬶᬂᬭᬫ᭄ᬩᬶᬕᬕᭂᬦᬄᬧᬮᬩᬸᬳᬦ᭄ᬧᭂᬮᬶᬦ᭄᭞ᬩᬮᬾᬃᬳᬶᬧᬸᬦ᭄ᬱᬡ᭄ᬥᬂᬩᬜ᭄ᬚᬸᬃ᭠᭞ᬤᬾᬰᬦᬾᬭᬶᬂᬫᬤᬲᬦ᭄᭞ᬯᬾᬦ᭄ᬢᭂᬦ᭄ᬳᬸᬫᬄ᭞ᬕᭂᬦᬳᬾᬢᬫ᭄ᬧᭂᬓ᭄ᬭᬶᬂᬕᬸᬦᬸᬂ᭞ᬧᬯᭀᬦ᭄ᬫᬶᬯᬄᬕᬸᬦᬸᬂᬭᬣ᭞ᬩᭂ
ᬦ᭄ᬢᬸᬓ᭄ᬳᬸᬫᬄᬓᬤᬶᬩᬮᬶ᭟ᬤᬸᬯᬸᬃᬳᬶᬧᬸᬦ᭄ᬫᬩᬸᬓᬶᬢᬦ᭄᭞ᬯᬾᬦ᭄ᬢᭂᬦ᭄ᬩᬢᬸᬓᭀᬗ᭄ᬓᬸᬮᬦ᭄ᬦᬵᬕᬲᬭᬶ᭞ᬳᬶᬭᬶᬓᬦᭂᬕᬓ᭄ᬫᬗᬸᬦ᭄ᬗᬸᬦ᭄᭞ᬫ᭄ᬯᬦᬶᬦ᭄ᬳᬶᬧᬸᬦ᭄ᬓᬭᬶᬢ᭄ᬭᬸᬡ᭞ᬧᬤᬶᬤᬶᬬᬦ᭄᭞ᬫᬸᬯᬦᬾᬫᬵᬋᬧ᭄ᬓᬮᬯᬸᬢ᭄᭞ᬓ
Kaca:Bali-lontar-geguritan-anggreni-300ppi.pdf/2
Kaca puniki sampun kauji-wacén
