[᭑᭒ 12 B]
᭑᭒
ᬗ᭄ᬕᬸᬄ᭞ᬭᬶᬢᬢ᭄ᬓᬵᬮᬫᬩᭂᬮᬲᬦ᭄᭞ᬬᬦ᭄ᬲᬸᬚᬢᬶ᭞ᬓᬩᬦ᭄ᬥᬩᬳᬦ᭄ᬧᬶᬢᬺᬱ᭄ᬡ᭟ᬧᬸᬦᬧᬶᬓᬾᬧᬘᬂᬲᬶᬤ᭄ᬥᬬᬂ᭞ᬩᬯᬗ᭄ᬤᬾᬬᬂᬳᬦ᭄ᬢᬸᬓ᭄ᬲᭂᬤᬶᬄ᭞ᬫᬾᬫᬾᬢᭂᬕᭂᬄᬫᬫᬢᬹᬢᬂ᭞ᬳᬯᬦᬦᬾᬫᬗ᭄ᬓᬶᬦ᭄ᬧᬸ᭠
ᬧᬸᬢ᭄᭞ᬩᬩᬯᭀᬲᬾᬧᬓᬮᬶᬳᬦ᭄᭞ᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬓᬦ᭄ᬢᬸᬦ᭄ᬫᬗᬦ᭄ᬢᭀᬲᬂᬓᬨᬮ᭄᭟᭚᭜᭚ᬧᬸᬧᬸᬄᬤᬸᬃᬫ᭄ᬫ᭚᭜᭚ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬮᬦᬂᬳᬃᬣᬫᬤᬩ᭄ᬤᬩᬦ᭄᭞ᬓᬲᬸᬃᬕᬍᬂᬫᬶᬯᬄᬧᭂᬢᬶ᭞᭠
ᬲᬯᬢᬭᬚᬫ᭄ᬲᬶᬬ᭞ᬲᬗ᭄ᬓᬮᬶᬄᬭᬭᬶᬲ᭄ᬫᬫᬃᬕ᭄ᬕ᭞ᬓᬲᬾᬢ᭄ᬭᬗᬢᬹᬭᬂᬪᬓ᭄ᬢᬶ᭞ᬭᬶᬗᬚᬶᬩᬶᬬᬂ᭞᭠ᬤ᭄ᬯᬦᬶᬂᬧᬘᬂᬫᬧᬫᬶᬢ᭄᭟ᬫᬮᬶᬧᭂᬢᬦ᭄ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬢᭂᬓᭂᬤ᭄ᬚᬸᬫᬄ᭞ᬫᬾᬫᬾᬢᭂᬕᭂᬄᬗᬫ᭄ᬩᬶᬮ᭄ᬧᭂᬢᬶ᭞ᬲᬳ
ᬗᬚᬩᬬᬂ᭞ᬓᬮᬶᬄᬚᬶᬦᬄᬫᬓᬲᬫ᭄ᬬᬦ᭄᭞ᬮᬦᬂᬦᬶᬓᬶᬫᬗ᭄ᬓᬶᬦ᭄ᬢᬫ᭄ᬧᬶ᭞ᬧᬶᬧᬶᬲᬾᬲᬫ᭄ᬬᬦ᭄᭞ᬮᬦᬂᬫᬸᬮᬫᬦ᭄ᬢᬺᬯᬾᬦᬶᬦ᭄᭟ᬮᬦᬂᬳᬃᬣᬲᬳᬸᬃᬤᬦᬾᬫᬦᬶᬲ᭄ᬩᬦ᭄ᬩᬦ᭄᭞ᬗᬸᬤ᭄ᬬᬂᬫᬾᬫᬾᬲᬧᬸᬦᬶᬓᬶ᭞ᬚᬶᬦᬳᬾᬧᬸᬦᬶ
[᭑᭓ 13 A]
ᬓ᭞ᬫᬾᬫᬾᬗᬗ᭄ᬕᬾᬦ᭄ᬓᬫᬸᬮᬦ᭄᭞ᬢᬶᬢᬶᬬᬂᬦᬸᬦᬲ᭄ᬯᬦ᭄ᬢᬄᬓᬶᬤᬶᬓ᭄᭞ᬳᭀᬗ᭄ᬓᭀᬲ᭄ᬤᬶᬓᬨᬮ᭄᭠᭞ᬓᬮᬶᬄᬲᬗᬸᬭᬶᬂᬩᬮᬶ᭟ᬫᭀᬮᬲ᭄ᬭᬸᬧᬶᬬᬄᬓᬶᬭᬶᬫᬶᬦ᭄ᬢᬶᬢᬶᬬᬂᬗᬩᬸᬮᬦ᭄᭞ᬳᬸᬫᬄᬫᬾᬫᬾᬫ
ᬦᭀᬗᭀᬲᬶᬦ᭄᭞ᬭᬜ᭄ᬚᬶᬗᬂᬕᭂᬮᬂᬢᭂᬗᬄ᭞ᬤᬸᬯᬾᬦ᭄ᬫᬾᬫᬾᬲᬋᬂᬢᬶᬢᬶᬬᬂ᭞ᬲᬶᬭᬧᬸᬗ᭄ᬓᬸᬭᬦ᭄ᬫᬳᬸᬭᬶᬧ᭄᭞ᬦᬶᬓᬦ᭄ᬭᬸᬯᬾᬦᬂ᭞ᬫᬾᬫᬾᬫᬗ᭄ᬤᬓᬭᬶᬤ᭄ᬭᬶᬓᬶ᭟ᬳᬗᭀᬩ᭄ᬧᬶᬲᬦ᭄ᬫᬾᬫᬾᬢᭂᬕᭂᬄ᭠
ᬫᬫᬶᬋᬗᬂ᭞ᬯᬮᬸᬬᬫᬗᭂᬢᬸᬲ᭄ᬳᬢᬶ᭞ᬳᬦ᭄ᬢᬸᬓ᭄ᬳᬶᬯᬂᬢᬧ᭄ᬲᬶᬭᬦ᭄᭞ᬫᬶᬦᬩ᭄ᬢᬦ᭄ᬲᬧᬸᬦᬶᬓ᭞ᬓᬧᬸᬢᬸᬲᬦᬾᬓᬳᬫ᭄ᬩᬶᬮ᭄᭞ᬲᬵᬫ᭄ᬧᬸᬦ᭄ᬗᬺᬜ᭄ᬘᬦᬬᬂ᭞ᬧᬘᬂᬫᬯᬮᬶᬫᬸᬮᬶᬄ᭟ᬬᬾᬦᬵᬳᬶᬂᬩᬚᬂᬮᬶ᭠
ᬬᬸᬳᬦᬓᬾᬫᬗᬚᬓ᭄᭞ᬤᬶᬲᬸᬩᬦᬾᬢᬸᬯᬕᬶᬮ᭄ᬕᬶᬮ᭄᭞ᬫᬭᬮᬯᬸᬢ᭄ᬩᬸᬤᬮ᭄᭞ᬗᬮᬶᬄᬜᬫᬦᬾᬢᬶᬯᬲ᭄᭞ᬲᬧᬸᬦᬶᬓᬓᬧᬶᬦᭂᬳᬶᬦ᭄᭞ᬲᬶᬭᬗᬺᬱᭂᬧᬂ᭞ᬯᬮᬸᬬᬳᬶᬲᭂᬓᬃᬮᬤᬶᬂ᭟ᬳᭂᬚᬫ᭄ᬮᬶᬫ
Kaca:Bali-lontar-geguritan-anggreni-300ppi.pdf/13
Kaca puniki sampun kauji-wacén
