[᭔᭓ 43B]
᭔᭓
ᬧᬸᬓ᭄᭞ᬚᬦᬶᬜᬦ᭄ᬤᬂᬧᬢᬗᬭᬶᬦ᭄᭞ᬢᬗᬭᬶᬦ᭄ᬫᬗᬯᬾᬳᬸᬩᬤ᭄᭞ᬳ᭄ᬤᬫᬗᬦ᭄ᬲᬃᬯ᭄ᬯᬤᬬᬸᬄ᭞ᬬᬦ᭄ᬲᬶᬤ᭄ᬥᬳᬗᭂᬣᬗᭂᬢᬦ᭄᭞ᬩᭀᬭᬾᬄᬫᬸᬭᬸᬤ᭄ᬢᬦ᭄ᬫᬭᬶ᭞ᬍᬗᬶᬲ᭄ᬳᬧᬸᬦ᭄ᬫᬗ᭄ᬤᬵᬲᭂᬤ᭄ᬬ᭞ᬫᬲᬶᬲᬶᬕ᭄ᬓᬢ᭄ᬓᬾᬂᬫᬫ᭄ᬩᬸᬄ᭚ᬢᬫ᭄ᬪᬦᬾᬢ᭄ᬯᬄᬫ
ᬗ᭄ᬕᭀᬦ᭄ᬓᬦ᭄ᬢᬶ᭞ᬬᬦ᭄ᬭᬶᬂᬯᬵᬳ᭄ᬬ᭞ᬫᬓ᭄ᬭᬡᬳᬶᬤᬲᬂᬯᬶᬓᬸ᭞ᬲᭂᬗ᭄ᬓᬵᬚᬸᬮᬄᬗᬮᬶᬄᬧᬢᬹᬢ᭄᭞ᬇᬦ᭄ᬤ᭄ᬭᬶᬬᬫᬧᬸᬗ᭄ᬕᭂᬮ᭄ᬲᬫᬶ᭞ᬯᬶᬭᬾᬄᬲᬳᬦᬦ᭄ᬳᬶᬦ᭄ᬤ᭄ᬭᬶᬬ᭞ᬫᬗᬯᬾᬦᬶᬦ᭄ᬲᬓᬶᬢ᭄ᬮᬗᬹ᭞ᬫᬶᬯᬄᬲᬓᬶᬢ᭄ᬓᬫ᭄ᬭᬡᬦ᭄᭞ᬬᬦᬶᬂᬲᬸᬩᬦᬫ᭄ᬧᬶᬲᬓᬶᬢ᭄᭞ᬢᭀ
ᬓᬾᬦ᭄ᬓᬾᬦᬂᬦᬗᬸᬦ᭄ᬬᬶᬕ᭄ᬕ᭞ᬢᬸᬗ᭄ᬓᬸᬮ᭄ᬚᬸᬫᬄᬤᬳᬄᬤᬸᬳᬸᬄ᭚ᬜᬦ᭄ᬤᬂᬢ᭄ᬯᬄᬓᬧᬶᬢᭂᬢᬶᬦ᭄᭞ᬲᬂᬫᬫᬸᬜᬄ᭞ᬧᬸᬜᬳᬾᬫᬗ᭄ᬕᬯᬾᬳᬶᬩᬸᬓ᭄᭞ᬳᬶᬩᬸᬓ᭄ᬤᬤᬶᬲᬮᬄᬲᬸᬭᬸᬧ᭄᭞ᬚᬧᬬᭀᬕ᭄ᬕᬤᬤᬶᬧᬮᬶᬂ᭞ᬧᬮᬶᬂᬯ᭄ᬢᬸᬫᬓᬸᬬᭂᬗᬦ᭄᭞ᬫᬓᬸᬬᭂ
ᬗᬦ᭄ᬧᬢᬶᬓᬘᬸᬄ᭞ᬧᬢᬶᬓᬘᬸᬄᬳᬾᬫᬗᬸᬘᬧ᭄᭞ᬧᬗᬸᬘᬧᬾᬤᬤ᭄ᬧᬮᬶᬂ᭞ᬧᬮᬶᬂᬳᬸᬢᬢ᭄ᬯᬵᬚ᭄ᬜᬡ᭞᭠ᬅᬚ᭄ᬜᬵᬡᬦᬾᬤᬤᬶᬩᬸᬤᬸᬄ᭚ᬜᬦ᭄ᬤᬂᬫᬢᬗᬭᬶᬦ᭄ᬚᬦᬶ᭞ᬲᬂᬧᬡ᭄ᬥᬶᬢ᭞ᬳᬧᬂᬳ᭄ᬤᬫᬗᬸᬭᬸᬫᬸᬦ᭄᭞ᬤᬤᬶᬯᬶᬓᬸᬫᬗᬸᬭᬸᬲᬸᬓ᭄᭞᭠
[᭔᭔ 44A]
ᬲᭀᬓ᭄ᬫᬧᬸᬢᬶᬄᬤᬶᬲᬶᬲᬶ᭞ᬤᬤᬶᬯᬶᬓᬸᬲᬲᬸᬗ᭄ᬮᬧᬦ᭄᭞ᬳᬢᬹᬢ᭄ᬧᬸᬢᬶᬄᬧᬸᬢᬶᬄᬢᬮᬸᬄ᭞ᬮ᭄ᬯᬶᬃᬓ᭠ᬯᬶᬓᬸᬦ᭄ᬳᬶᬘᬗᬓ᭄᭞ᬳ᭄ᬜᬾᬦ᭄ᬳᬸᬮᬸᬓ᭄ᬳᬸᬮᬸᬓ᭄ᬤᬶᬦᬶ᭞ᬳᬯᬓ᭄ᬗᬸᬮᬸᬓᬸᬮᬸᬓ᭄ᬳᬯᬓ᭄᭞ᬤᬶᬯᬰᬡᬧᬘᬂᬧᬸᬧᬸ᭚ᬲᬸᬩᬢᬸ
ᬢᬸᬕ᭄ᬩᬦ᭄ᬫᬗᬸᬭᬶᬢ᭄᭞ᬤᬸᬄᬲᬵᬫ᭄ᬧᬹᬭ᭞ᬳᬢᬹᬃᬢᬶᬢ᭄ᬬᬗᬾᬳᬶᬤᬸᬲᬸᬦ᭄᭞ᬲᬓᬶᬂᬧᭀᬗᬄᬤ᭄ᬫᭂᬦᬚᬸᬫ᭄᭞ᬲᬓᬶᬂᬤ᭄ᬫᭂᬦ᭄ᬓᬤᬾᬦ᭄ᬭᬶᬭᬶᬄ᭞ᬢᬶᬢ᭄ᬬᬂᬦᬶᬱ᭄ᬝᬫᬳᬵᬪᬭ᭞ᬤᬸᬭᬸᬂᬳᬸᬦᬶᬂᬳᬶᬯᬂᬱᬢᬹᬢ᭄᭞ᬧᬢᬹᬢᬾᬳᬸᬘᬧᬶᬂᬰᬵᬲ᭄ᬢ᭄ᬭ᭞᭠
ᬫᬶᬗ᭄ᬓᬶᬦ᭄ᬓᬾᬧᬗᬸᬘᬧ᭄ᬳᬚᬶ᭞ᬧᬲᬂᬰᬵᬲ᭄ᬢ᭄ᬭᬳᬓ᭄ᬯᬾᬄᬋᬩᬄ᭞ᬳᬸᬘᬧ᭄ᬩᬱᬧᬢᬶᬮᬸᬧ᭄ᬮᬸᬮ᭄᭚ᬦᬸᬦᬲ᭄ᬮᬾᬤᬂᬲᬋᬂᬲᬫᬶ᭞ᬓ᭄ᬦᬶᬗᭀᬩᬄ᭞ᬳᬲᬶᬂᬓᬧᬶᬦᭂᬳᬂᬲᬶᬕᬸᬕ᭄᭞ᬮᬾᬤᬂᬳᬸᬕᬶᬫᬗ᭄ᬤᬳᬤᬸᬂ᭞ᬫᬗ᭄ᬤᬾᬦᬾᬫᬦᬤᭀᬲ᭄ᬩ᭄ᬘᬶ
ᬓ᭄᭞ᬳᬸᬘᬧᬶᬂᬰᬵᬲ᭄ᬢ᭄ᬭᬫ᭄ᬯᬄᬍᬗ᭄ᬓᬭ᭞ᬧ᭄ᬬᬸᬢᬗᬶᬦ᭄ᬳᬸᬕᬶᬳᬶᬢᬸᬬᬸᬄ᭞ᬲᬤ᭄ᬬᬦ᭄ᬢᬶᬢ᭄ᬬᬂᬫᬦᬯ᭄ᬕᬂ᭞ᬦᬸᬦᬲ᭄ᬳᬶᬘ᭄ᬙᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬧᬧ᭄ᬮᬸᬗ᭄ᬕᬸᬳᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬓᬩᬯᭀᬲᬶᬕᬸᬕ᭄᭚ᬫᬫᬭᬶᬓ᭄ᬭᬶᬂᬤᬾᬰᬩᬩᬶ᭞᭠
Kaca:Bali-lontar-gaguritan-wrespati-tatwa-300ppi.pdf/44
Kaca puniki sampun kauji-wacén
