[᭑᭕ 15B]
᭑᭕
ᬦᬾᬧᬶᬦᬶᬄᬧᬗᬸᬦ᭄ᬢᬢ᭄᭞ᬢᬦ᭄ᬲᬄᬫᬦᬗᬸᬦ᭄ᬲ᭄ᬫᬥᬶ᭞ᬦᬸᬗ᭄ᬕᬮᬂᬤᬕᬶᬂᬧᬢ᭄ᬫᭀᬦ᭄᭞ᬦᬄᬓᬾᬢᭀᬳᬶᬬᬱ᭄ᬝᬲᬶᬤ᭄ᬥᬶ᭞ᬫᬓᬥᬲᬃᬥᬃᬫ᭄ᬫᬚᬵᬢᬶ᭞ᬲᬸᬓᬯᬰᬡᬓᬢ᭄ᬧᬸᬓ᭄᭞ᬨᬮᬦᬶᬂᬳᬗ᭄ᬯᬗᬸᬦ᭄ᬥᬃᬫ᭄ᬫ᭞᭠
ᬧᬺᬫᬡᬢ᭄ᬮᬸᬫᬓᬵᬤᬶ᭞ᬗᭂᬢᬸᬢ᭄ᬳᬬᬸ᭞ᬫᬗᬕᭂᬫ᭄ᬲᬗ᭄ᬳ᭄ᬬᬂᬅᬕᬫ᭚ᬯᬳ᭄ᬬᬵᬲᬶᬤ᭄ᬥᬶᬦᬾᬳᬸᬘᬧᬂ᭞ᬤᬦᬩᬭᬾᬲ᭄ᬢᬦ᭄ᬲᬶᬦᬶᬧᬶ᭞ᬓᬳᬸᬘᬧ᭄ᬚᬦᬦᬹᬭᬵᬕ᭞ᬗ᭄ᬕᬯᬾᬲᬸᬓᬯ᭄ᬮᬲᬵᬲᬶᬄ᭞ᬩᬶᬱᬫᬗᬼᬕᬦᬶ
ᬦ᭄ᬕᬸᬫᬶ᭞ᬳᬲᬶᬂᬳᬸᬘᬧ᭄ᬫᬦᬶᬲ᭄ᬳᬮᬸᬲ᭄᭞ᬬᬦᬶᬂᬳᬶᬲᬶᬤ᭄ᬥᬶᬤ᭄ᬬᬢ᭄ᬫᬶᬓᬵ᭞ᬜᬶᬤ᭄ᬥᬬᬂᬗᬶᬘᬮᬂᬲᬓᬶᬢ᭄᭞ᬲᬓᬶᬢ᭄ᬢ᭄ᬮᬸ᭞ᬧ᭄ᬭᬬᬓᬢ᭄ᬧᬸᬓ᭄ᬧᬸᬗ᭄ᬓᬸᬭᬦ᭄᭚᭜᭚ᬧᬗ᭄ᬓᬸᬃ᭚᭜᭚ᬤᬸᬄᬓᬢ᭄ᬮᬸᬦᬾᬢᬸᬢᬸᬭᬂ᭞ᬳᬤ᭄ᬬᬢ᭄ᬫᬶᬓ᭞
ᬤᬸᬄᬓᬢ᭄ᬯᬄᬓᬯᬱ᭄ᬝᬦᬶᬦ᭄᭞ᬤᬾᬯᬶᬤᬸᬄᬓᬶᬢᬫᬗ᭄ᬮᬯᬸᬢ᭄᭞ᬫ᭄ᬯᬄᬳᬯᬶᬪᭀᬢᬶᬓᬤᬸᬄᬓᬵ᭞ᬫᬓᬢᬶᬕ᭞ᬤᬲᬃᬧᬜᬓᬶᬢᬾᬧᬸᬧᬸᬢ᭄᭞ᬳᭂᬦ᭄ᬢᭀᬳᬸᬕᬶᬧᬶᬢᭂᬢᭂᬲᬂ᭞ᬳᬧᬂᬳ᭄ᬥᬓᬦ᭄ᬢᬶᬧᬮᬶᬂ᭚ᬳᬤᬸᬯᬢ᭄ᬫᬶᬓᬵ
[᭑᭖ 16A]
ᬤᬸᬄᬓᬓᭀᬘᬧ᭄᭞ᬳᬲᬶᬂᬲᬓᬶᬢ᭄᭞ᬦᬾᬦᬾᬯ᭄ᬢᬸᬳᬸᬮᬶᬳᬢᬶ᭞ᬓᬲ᭄ᬫᬵᬭᬦ᭄ᬫᬦᬄᬳᬶᬗᬸᬄ᭞ᬤ᭄ᬯᬾᬱᬫᭀᬅᬗ᭄ᬓᬭ᭞ᬳᭀᬋᬫ᭄ᬩᬭᬄ᭞ᬕᬢᭂᬮ᭄ᬲᬸᬮᬵᬕᬶᬕᬶᬮ᭄ᬢᬸᬚᬸ᭞ᬗᬾᬗᬾᬲᬦ᭄ᬫᬶᬯᬄᬧ᭄ᬮᬶᬲᬦ᭄᭞ᬧ
ᬭᬂᬓᬸᬭᬶᬲ᭄ᬮᬭᬳᬢᬶ᭚ᬅᬤᬶᬤᬾᬯᬶᬓᬤᬸᬄᬓ᭞ᬓᬢᬶᬯᬓᬦ᭄ᬘᬶᬭᬶᬘᬭᬶ᭞ᬳᬾᬤᬦ᭄ᬳᬬᬦ᭄ᬧᬢᬶᬓᬘᬸᬄ᭞ᬫᬶᬯᬄᬲᬶᬦᬫ᭄ᬩᭂᬢᬶᬂᬕ᭄ᬮᬧ᭄᭞ᬯᬾᬰᬕ᭄ᬭᬳ᭞ᬤᬸᬄᬓᬦᬾᬲᬓᬶᬂᬧᬶᬢᬸᬤᬸᬄ᭞ᬢᬸᬤᬸᬄᬯᬢᭂᬓ᭄ᬤᬾᬯᬤᬾ
ᬯᬵ᭞ᬳᬓᬾᬢᭀᬘᬘᬓᬦ᭄ᬚᬵᬢᬶ᭚ᬳᬢᬶᬪᭀᬢᬶᬓᬤᬸᬄᬓ᭞ᬳᬲᬶᬂᬲᬓᬶᬢ᭄᭞ᬲᬓᬶᬂ᭠ᬪᬸᬢ᭄ᬣᬫᬦᬶᬯᬓᬶᬦ᭄᭞ᬓᬧᬸᬗ᭄ᬕᬸᬮ᭄ᬓᬢᬶᬩᬾᬦ᭄ᬭᬘᬸᬦ᭄᭞ᬓ᭄ᬦᬵᬉᬧᬲ᭄ᬫᬶᬯᬄᬯᬶᬱ᭄ᬬ᭞ᬪᬶᬘᬭᬶᬬᬦ᭄᭞ᬢᬶᬦᬸᬚᬸᬫᬶᬯᬄ
ᬓᬤ᭄ᬮᬸᬄ᭞ᬲᬧ᭄ᬭᬜᬭᬲᬓᬶᬢ᭄ᬪᬸᬢ᭄ᬣ᭞ᬓᬾᬢᭀᬓᬢᬸᬢᬸᬭᬦ᭄ᬚᬵᬢᬶ᭚ᬲᬧᬲᬶᬭᬫᬜᬶᬤ᭄ᬥᬬᬂ᭞ᬫᬗᬶᬘᬮᬂ᭞ᬲᬓᬶᬢ᭄ᬤᬸᬄᬓᬵᬫᬓᬲᬫᬶ᭞ᬳᭂᬦ᭄ᬢᭀᬳᬶᬦᬸᬘᬧ᭄ᬧᬸᬢᬸᬲ᭄᭞ᬲᬶᬤ᭄ᬥᬦᬶᬂᬳᬥ᭄ᬬᬢ᭄ᬫᬶᬓ᭞ᬫᬉᬢ᭄ᬢ᭠
Kaca:Bali-lontar-gaguritan-wrespati-tatwa-300ppi.pdf/16
Kaca puniki sampun kauji-wacén
