[᭘᭕ 85B]
᭘᭕
ᬯᬸᬲ᭄ᬦᬶᬭᬰ᭄ᬭᬬᬵᬧᬭᬫᬵᬃᬣᬦᬶᬃᬲᬶᬭᬶᬂ᭟ᬧᬦ᭄ᬬᬾᬓᬶᬗ᭄ᬯᬂᬪ᭄ᬭᬦ᭄ᬢᬢᬦ᭄ᬯ᭄ᬭᬶᬂᬕᬸᬥᬓᬵᬭᬘᭂᬗ᭄ᬕᬵᬧᬓ᭄ᬱᬓᬸᬫᬯᬷᬦ᭄ᬤᬦ᭄ᬤᬹᬭᬦ᭄ᬓᬯᬰᬵᬧᬦᬢᬶᬢᬵᬤᬹᬃᬮ᭄ᬮᬪᬵᬓᭀᬢ᭄ᬢᬫᬦᬶᬭᬳ᭄ᬬᬂᬓᬯᬶᬭᬶᬦᭂᬗ᭄ᬕᬾᬂᬕᬶᬢᬵᬢᬢ᭄ᬯᬲᬜ᭄ᬚᬬᬳᬶᬓᬶ᭟ᬭᬓ᭄ᬯᬲᬶᬭᬲᬗᬫᬹᬃᬯ᭄ᬯᬢ᭄ᬫᬓᬧᬹᬃᬡ᭄ᬦᬦᬶᬃᬩ᭄ᬪᬡ
ᬘᬶᬦ᭄ᬢ᭄ᬬᬚᬢᬶᬦ᭄ᬫᬸᬂᬓᬲᬸᬢᬧᬦ᭄ᬭᭀᬯᬢᬦᬶᬂᬭᭀᬭᬯᬫᬵᬃᬫ᭄ᬫᬗ᭄ᬓ᭄ᬯᬓ᭄ᬤ᭄ᬯᬳᬗ᭄ᬕᬸᬭᬶᬢ᭄ᬳᬸᬫᬗ᭄ᬓᬲᬗ᭄ᬓᬲ᭄ᬓᬃᬯᬲᬂᬫᬳᬵᬬᬢᬶ᭟ᬬᬦ᭄ᬭᬶᬦᬲᬧᬶᬦ᭄ᬭᬱ᭄ᬝᬶᬲ᭄ᬢᬾᬂᬪᬵᬱᬕᬶᬢᬵᬕᬢᬶᬦᬶᬭᬂᬫᬳᬵᬃᬱᬶᬲᬸᬫᬳᬬᬫᬫ᭄ᬬᬧᬸᬦ᭄ᬯᬶᬃᬬ᭄ᬬᬵᬃᬚ᭄ᬚᬮᬸᬗ᭄ᬮᬸᬗᬦ᭄ᬦᬶᬢ᭄ᬬᬲᬭᬶᬫᬳᬵᬃᬱᬶ
ᬢᬸᬫᬸᬦ᭄ᬢᬸᬦᬶᬗ᭄ᬯᬂᬳᬗᬸᬮᬶᬄᬥᬃᬫ᭄ᬫᬬᬸᬓ᭄ᬢᬶ᭟ᬓᬤ᭄ᬬᬲᬶᬭᬲᬂᬲᬶᬤ᭄ᬥᬵᬫᬳᬵᬧᬡ᭄ᬥᬶᬢᬵᬲ᭄ᬥᭂᬗᬗᬦᬸᬲ᭄ᬢ᭄ᬭᭂᬢᬶᬲᬂᬳ᭄ᬬᬂᬯᬾᬤᬵᬫᬦ᭄ᬢ᭄ᬭᬰ᭄ᬭᬶᬚ᭄ᬬᬾᬱ᭄ᬝᬢ᭄ᬫᬓᬚᬗ᭄ᬕᬫᬹᬃᬤ᭄ᬥᬦᬶᬂᬲᬂᬳ᭄ᬬᬂᬲ᭄ᬫ᭄ᬭᭂᬢᬶᬳᬤᬶᬦᬶᬂᬓᬯ᭄ᬬᬫᬓᬲᬵᬭᬶᬦᬶᬂᬕᬸᬭᬶᬢ᭄᭟ᬓᬸᬦᬂᬲᬶᬭᬫᬳᬵᬃᬱᬶᬧᭀᬢ᭄ᬭᬓᬵᬢᬶᬃᬣᬵᬳᬸᬢ᭄ᬧ᭄ᬢᬶ
ᬯᬾᬤᬵᬲ᭄ᬢᬸᬢᬶᬤᬷᬦᬶᬂᬫᬦ᭄ᬢ᭄ᬭᬵᬓ᭄ᬱᬭᬵᬮ᭄ᬯᬶᬃᬳ᭄ᬬᬂᬲᬧ᭄ᬢᬧ᭄ᬭᬡᬯᬮᬸᬫ᭄ᬭᬵᬫᬭᬶᬯ᭄ᬭᭂᬢ᭄ᬢᬾᬂᬕᬸᬭᬶᬢ᭄ᬓᭂᬫ᭄ᬩᬗᬶᬂᬲ᭄ᬯᬭᬧᬶᬦᬢ᭄ᬭᬧᬢ᭄ᬭᬵᬗ᭄ᬭᬯᬶᬢ᭄᭟ᬦ᭄ᬤᬦ᭄ᬫᬳᬵᬃᬱᬶᬳᬧᬢ᭄ᬭᬧᬹᬃᬯ᭄ᬯᬲᬸᬥᬦᬵᬭᬸᬫᬾᬓᬲᬵᬭᬰ᭄ᬯᬢᬶᬢᬸᬮ᭄ᬬᬂᬮᬚ᭄ᬭᬵᬗ᭄ᬓᬭᬩᬧᬸᬳᬦᬶᬂᬯᭃᬮ᭄ᬫᬶᬂᬫᬂᬦ᭄ᬭᬢᬶᬃᬣ
[᭘᭖ 86A]
ᬲ᭄ᬚᭂᬝᬾᬂᬦᬷᬢᬶᬯ᭄ᬭᬸᬳᬶᬂᬢᬢ᭄ᬯᬓ᭄ᬱᬭᬦᬸᬱ᭄ᬝᬦᬤᬶᬯᬵᬭᬹᬧᬕᬶᬦᬸᬳ᭄ᬬᬕᬸᬳ᭄ᬬᬦᬶᬂᬲᬵᬭᬶᬫᬳᬵᬧ᭄ᬭᬢᬶᬱ᭄ᬝᬫᬹᬃᬤ᭄ᬥᬦᬶᬂᬲᬸᬤ᭄ᬥᬵᬕᬶᬭᬶ᭟ᬳᬶᬤᬲ᭄ᬢᬸᬢᬶᬭᬶᬂᬫᬳᬵᬚ᭄ᬜᬦᬦᬶᬃᬫ᭄ᬫᬮᬵᬍᬬᭂᬧᬶᬂᬧᬤ᭄ᬫᬲᬵᬭᬶᬲᬢ᭄ᬫ᭄ᬬᬾᬂᬦᬶᬭᬵᬢ᭄ᬫᬓᬵᬦᬶᬭᬲᬂᬦᬶᬭᬰ᭄ᬭᬬᬵᬢᬦ᭄ᬧᬫ᭄ᬗᬦ᭄ᬰᬹᬦ᭄ᬬᬲᬶᬗ᭄ᬳᬶᬢ᭄ᬲ᭄ᬓᬸᬗᬶᬂ
ᬬᭀᬕᬕᬶᬦᬸᬳ᭄ᬬᬾᬂᬗᬦ᭄ᬢᬳ᭄ᬭᭂᬤ᭄ᬥᬶ᭟ᬬᬦᬦᬵᬯ᭄ᬯᬂᬭᬸᬫᭂᬲᭂᬧ᭄ᬭᬲᬦᬶᬂᬕᬶᬢᬵᬤᬶᬃᬕ᭄ᬖᬵᬬᬸᬳᬬᬸᬯ᭄ᬭᭂᬤ᭄ᬥᬶᬲᬶᬭᬲᬂᬭᬸᬫᭂᬗ᭄ᬯᬳᬫᬘᬫᬦᬸᬮᬶᬲᬵᬤᬶᬦ᭄ᬬᬯᬸᬲ᭄ᬕᬶᬦᬸᬧ᭄ᬢᬾᬂᬗ᭄ᬳᬢᬶᬢᬢᬲ᭄ᬢᬸᬫᬸᬲ᭄ᬢᬲ᭄ᬧᬵᬧᬫᬮᬦᬶᬂᬗ᭄ᬳᬢᬶ᭟ᬫᭀᬖᬫᭀᬖᬵᬦ᭄ᬫᬸᬰᬹᬦ᭄ᬬᬯᬶᬪᬵᬯᬤᬾᬭᬳ᭄ᬬᬂᬲᬵ
ᬭᬰ᭄ᬯᬢᬶᬫ᭄ᬯᬂᬲᬂᬓᬯᬶᬰ᭄ᬯᬭᬲᬂᬳ᭄ᬬᬂᬳ᭄ᬬᬂᬦᬶᬂᬰᬭᬷᬭᬵᬧᬫ᭄ᬓᬲ᭄ᬯ᭄ᬓᬲᬶᬂᬕᬸᬭᬶᬢ᭄ᬧᬶᬦ᭄ᬭᬮᬧᬶᬢᬵᬫᬸᬗ᭄ᬕ᭄ᬯᬶᬂᬕᬶᬢᬵᬓᬓᬯᬶᬦ᭄᭟ᬯᬸᬰ᭄ᬘᬶᬦᬶᬢ᭄ᬭᬭᬶᬂᬢᬶᬃᬣᬘᬦ᭄ᬤ᭄ᬭᬲᬵᬃᬓᬭᬭᬶᬂᬰᬾᬮᬳᬮ᭄ᬤᬳᬤᬶᬓᬮᬰᬸᬓ᭄ᬮᬵᬧᬓ᭄ᬱᬦᬵᬫᬭᬹᬧᬭᬱᬶᬦ᭄ᬬᬭᬶᬂᬘᬾᬢ᭄ᬭᬫᬰᬓᬓ᭄ᬬᬢᬶᬂᬓᬾᬢᬸᬂ
ᬭᬄᬦᭀᬳᬦ᭄ᬳᬪᬵᬕᬸᬭ᭄ᬯᬧᬶᬦᬗ᭄ᬕᬶᬄ᭟ᬦ᭄ᬤᬦ᭄ᬲᬓᬭᬶᬂᬰᬯᬶᬢᬵᬳᬗᬱ᭄ᬝᬧᬵᬃᬯ᭄ᬯᬯᬶᬲᬵᬃᬕ᭄ᬕᬲᬸᬤ᭄ᬥᬵᬩ᭄ᬭᭂᬲᬶᬄᬭᬶᬓᬵᬮᬫᬗ᭄ᬓᬦᬵᬯᬵᬃᬱᬦᬶᬂᬮᭀᬓᬵᬲᬵᬤ᭄ᬥᬵᬗ᭄ᬕᬗ᭄ᬕ᭄ᬯᬦᬶᬂᬳᬗ᭄ᬕᬸᬭᬶᬢ᭄ᬭᬶᬂᬗᬫ᭄ᬮᬵᬧᬸᬭᬵᬧᬹᬃᬯ᭄ᬯᬓᬦᬶᬂᬗᬗ᭄ᬕᬸᬭᬶᬢ᭄᭚᭐᭚ᬢ᭄ᬮᬲ᭄᭚
Kaca:Bali-lontar-gaguritan-wiryya-guna-b-300ppi.pdf/86
Kaca puniki sampun kauji-wacén
