[᭘᭒ 82B]
᭘᭒
ᬓᬸᬫᬸᬗ᭄ᬕ᭄ᬯᬶᬂᬋᬗ᭄ᬕᬦᬶᬂᬭᬣᬵᬕᭃᬢᬸᬮ᭄ᬬᬓᬾᬮᬰᬕᬶᬭᬶᬳᬪ᭄ᬭᬫᬸᬭᬸᬩ᭄ᬲᬶᬭᬬᬦ᭄ᬯᬸᬲ᭄ᬚᬬᬾᬭᬡ᭟ᬯᬸᬲ᭄ᬢᬦ᭄ᬓᬳᬸᬦᬶᬗᬾᬂᬫᬃᬕ᭄ᬕᬳᬮᭀᬦ᭄ᬮᭀᬦᬦ᭄ᬰ᭄ᬭᬷᬪᬹᬧᬢᬷᬲᬶᬦᬵᬃᬯ᭄ᬬᬵᬫᬃᬡ᭄ᬦᬓᬮᬗᭀᬦ᭄ᬳᬶᬦᬶᬭᬗᬶᬂᬧᬭᬋᬱᬶᬳᬓᬲᬸᬓᬦ᭄ᬲᬵᬫᬃᬕ᭄ᬕᬶᬳᬕᬲ᭄ᬬᬓ᭄ᬯ᭄ᬢᬸᬦᬶᬂᬯᬸᬯᬸᬲ᭄ᬯᬸᬲ᭄ᬫᬯᬵᬦ᭄ᬤᬶᬯᬵ
ᬗ᭄ᬓᬭᬫᬾᬄᬲᬸᬫᬸᬭᬸᬧ᭄ᬲᬂᬗ᭄ᬳ᭄ᬬᬂᬭᬯᬶᬯᬸᬲ᭄ᬧ᭄ᬭᬧ᭄ᬢᬾᬂᬧᬸᬭᬵᬧᬦ᭄ᬲᬶᬦᬸᬂᬧᬲᬗ᭄ᬕ᭄ᬭᬳᬦ᭄᭟ᬲᭀᬧᬘᬵᬭᬢ᭄ᬓᬾᬂᬢᬥᬄᬢᬦ᭄ᬓᬝᬵᬓ᭄ᬦᬭᬶᬂᬯ᭄ᬗᬷᬲᬂᬦᬵᬣᬲᬵᬫ᭄ᬧᬸᬦ᭄ᬳᬫᬶᬂᬚ᭄ᬭᭀᬢᬦ᭄ᬓᭀᬘᬧ᭄ᬢᬂᬩᬮᬵᬫᬦ᭄ᬢ᭄ᬭᬷᬢᬦ᭄ᬓᬢᬸᬭᬂᬲᬸᬪᬸᬓ᭄ᬢᬶᬢ᭄ᬓᬾᬂᬯᬤ᭄ᬯᬵᬲᬫ᭄ᬬᬓᬸᬫ᭄ᬧᬸᬮ᭄ᬓ᭄ᬯᬾᬄᬦ᭄ᬬᬲᬶᬦᬸᬂᬯᬓᬸᬯ᭄ᬯᬦ᭄ᬯᬸ
ᬲ᭄ᬲᬫ᭄ᬬᬵᬦᬶᬤ᭄ᬭᬳᬕᬸᬮᬶᬂᬫ᭄ᬯᬂᬕᬭᬦ᭄ᬢᬸᬂᬩᬂᬩᬂᬯᬾᬢᬦ᭄ᬫᬸᬦ᭄ᬬᬵᬲ᭄ᬭᬂ᭚᭐᭚ᬧᬂ᭚᭐᭚ᬕᬸᬫᬦ᭄ᬢᬷᬯᬶᬦᬃᬡ᭄ᬦᬾᬂᬘᬶᬢ᭄ᬭᬧᬯᬶᬯᬳᬦᬶᬭᬲᬂᬰ᭄ᬭᬷᬦᬶᬂᬭᬰ᭄ᬫᬷᬭᬶᬓᬵᬮᬂᬤᬶᬯᬵᬭᬳᬬᬸᬲᬸᬢ᭄ᬭᭂᬧ᭄ᬢᬶᬂᬗᬸᬧᬵᬓᬵᬭᬳᬶᬦᬲ᭄ᬢᬸᬢᬶᬧᬶᬦᬮᬶᬧᬮᬶᬤᬾᬭᬵᬫ᭄ᬧᬸᬰ᭄ᬭᬶᬦᬵᬣᬵᬃᬤ᭄ᬥᬦᬭᬾᬰ᭄ᬯᬃᬬ᭄ᬬ
ᬭᬶᬲᬶᬭᬦ᭄ᬬᬄᬲᬸᬓ᭄ᬱ᭄ᬫᬲᬵᬭᬶ᭟ᬚᬶᬦᬬᬚᬬᬫᬗ᭄ᬕᬮᬵᬳᬶᬦᬲ᭄ᬢᬸᬳᬶᬭᬶᬧᬹᬚᬵᬲ᭄ᬫᬭᬭᬢᬶᬄᬳ᭄ᬬᬂᬤ᭄ᬯᬤᬰᬵᬦᬗ᭄ᬕᬦᬸᬢᬸᬧ᭄ᬤᬶᬃᬕ᭄ᬖᬵᬬᬸᬄᬬᬬᬹᬃᬯᬾᬤ᭄ᬥᬵᬳᬗ᭄ᬕᬱ᭄ᬝᬬᬵᬳᭂᬳᬸᬲ᭄ᬫᬗ᭄ᬓ᭄ᬬᬫᬜ᭄ᬚᬶᬂᬚᬶᬦᭂᬫ᭄ᬭᬸᬫ᭄ᬭᬶᬂᬭᬗ᭄ᬓᬂᬲ᭄ᬨᬝᬶᬓᬫᬵᬬᬪ᭄ᬭᬵᬲᬶᬦᬂᬧᬤ᭄ᬫᬵᬳᬗ᭄ᬭ
[᭘᭓ 83A]
ᬯᬶᬢ᭄᭟ᬳᬮᬮᬗ᭄ᬲ᭄ᬬᬲᬸᬢ᭄ᬭᬚ᭄ᬜᬭ᭄ᬲᬶᬦᭂᬫ᭄ᬩᬭᬶᬂᬲᬵᬃᬯ᭄ᬯᬭᬵᬢ᭄ᬦᬫᬵᬲ᭄ᬫᬡᬶᬓ᭄ᬕᬸᬫ᭄ᬬᬃᬮᬭᬧ᭄ᬦ᭄ᬬᬳᬧᬕᬸᬢ᭄ᬮ᭄ᬯᬶᬃᬯᬶᬦ᭄ᬢᬂᬓᬲᬫ᭄ᬩᬸᬭᬢ᭄ᬲᬶᬶᬄᬲᬸᬮᬸᬄᬓ᭄ᬜᬭᬶᬂᬤᬶᬧᬳᬗ᭄ᬮᬗᬸᬢ᭄ᬕᬸᬫᬯᬂᬓ᭄ᬭᬫᬶᬂᬧᬸᬭ᭄ᬯᬦ᭄ᬫᬾᬫ᭄ᬩᭂᬳᬶᬭᬰ᭄ᬫᬶᬦᬶᬂᬮᬶᬭᬶᬂ᭟ᬳᬧᬹᬃᬯ᭄ᬯᬋᬗ᭄ᬕᬦᬶᬂᬯᬾᬰ᭄ᬫᬧᬭᬶᬲ᭄ᬣᬦᬦᬶᬭᬳᬗᬚᭃᬂᬭᬳ᭄ᬲ᭄ᬫᬶᬰᬶᬦᬮᬵ
ᬭᬜ᭄ᬚᬶᬂᬫᬵᬲ᭄ᬢᬢᬸᬭ᭄ᬧᬶᬦᬵᬃᬪᬾᬂᬦᬯᬵᬭᬵᬢ᭄ᬦᬪᬶᬤᬵᬦᬕᬵᬯᬾᬥᬹᬃᬬ᭄ᬬᬳᬪ᭄ᬭᬵᬳᬸᬫᬸᬭᬸᬩ᭄ᬳᬢᬶᬮᬫ᭄ᬲᬰ᭄ᬭ᭄ᬬᬵᬢᬶᬲᬸᬤ᭄ᬥᬵᬳᬓᬭᬂᬳᬸᬮ᭄ᬯᬃᬚ᭄ᬚᬫᬵᬃᬫ᭄ᬭᬶᬓ᭄᭟ᬯᬸᬲ᭄ᬫᬯᬵᬦ᭄ᬳ᭄ᬬᬂᬰᬰᬥᬭᬫᬶᬭᬶᬃᬭᬢᬶᬲ᭄ᬓᭂᬲᭂᬳᬶᬂᬱᬤᬵᬕᬢᬶᬳᬦᬯᬦ᭄ᬕᬡ᭄ᬥᬫ᭄ᬭᬶᬓᬭᬹᬫ᭄ᬫᬯᬾᬄᬳᬵᬃᬱᬦᬶᬂᬘᬶᬢ᭄ᬢᬵᬓ
ᬤ᭄ᬬᬵᬗ᭄ᬕᬢ᭄ᬕᬢ᭄ᬮᬗᬸᬦᬶᬂᬳᬦᬯᬸᬂᬮᬸᬮᬸᬢ᭄ᬢᬶᬦᬸᬥ᭄ᬯᬾᬂᬕᬕᬡᬲᬸᬤ᭄ᬥᬵᬭᬶᬲᬵᬫ᭄ᬧᬸᬦᬶᬂᬫᬥ᭄ᬬᬭᬢ᭄ᬭᬷ᭟ᬳᬶᬭᬶᬓᬵᬰ᭄ᬭᬷᬯᬶᬃᬬ᭄ᬬᬕᬸᬡᬳᬗᬮᬸᬧ᭄ᬲᬶᬄᬲᭀᬢᬦᬶᬂᬚᬬᬾᬂᬭᬰ᭄ᬫᬶᬮ᭄ᬯᬶᬃᬓᬸᬫ᭄ᬪᬂᬳᬗ᭄ᬭᬶᬂᬭᬶᬂᬲᬵᬦ᭄ᬢᬸᬦ᭄ᬓᭀᬫᬮᬵᬫ᭄ᬭᭂᬳᬰᬡᬥᬸᬄᬫᬲ᭄ᬫᬶᬭᬄᬳ᭄ᬬᬂᬳ᭄ᬬᬂᬦᬶᬂᬚᬮᬥᬶᬫᬥᬸᬭᬹᬫ᭄ᬭᬸᬫ᭄ᬦᬶᬂᬲᬵᬭᬶ
ᬓᬸᬱᬸᬫᬵᬚᬶᬯᬵᬢ᭄ᬫᬦᬶᬗ᭄ᬲᬸᬦ᭄ᬤ᭄ᬬᬳᬭᬶ᭟ᬤᬾᬦ᭄ᬢᬸᬮᬸᬲ᭄ᬰ᭄ᬭᭂᬤᬵᬦ᭄ᬢᬤᬾᬯᬵᬲᬸᬫᬫ᭄ᬩᬾᬕᬵᬢ᭄ᬯᬲᬶᬂᬤ᭄ᬭᬦ᭄ᬢᬵᬗ᭄ᬕᭃᬂᬭᬵᬕᬶᬤᬶᬦᬕ᭄ᬥᬤᬾᬦᬶᬂᬓᬸᬂᬮᬸᬮᬸᬢ᭄ᬯᬶᬦᬰᬾᬂᬫᬤᬦᬵᬧ᭄ᬢ᭄ᬭᬲᬶᬦᬭᬶᬓᬶᬂᬢᬸᬭᬶᬤᬵᬲᬸᬫᭂᬓᬾᬂᬢᬦᬸᬭᬸᬓ᭄ᬱᬓᬢᬶᬓ᭄ᬱ᭄ᬡᬦᬶᬂᬲ᭄ᬫᬭᬵᬲᬶᬦᬧᬸᬢᬶᬂᬮᬸᬮᬸᬢ
Kaca:Bali-lontar-gaguritan-wiryya-guna-b-300ppi.pdf/83
Kaca puniki sampun kauji-wacén