[᭕᭐ 50B]
᭕᭐
ᬯᬓᬕᬶᬭᬶᬳᬸᬫᭂᬂᬤᬸᬫᬶᬮᬄᬲᬸᬫᭂᬗ᭄ᬓᬳᬶᬂᬤᬶᬓ᭄ᬯᬶᬤᬶᬓ᭄᭟ᬮᬶᬮᬵᬲᬶᬭᬳᬗᬸᬡ᭄ᬥᬧ᭄ᬭᬤᬶᬱ᭄ᬝᬮᬸᬫᬭᬧᬶᬂᬗᬯ᭄ᬬᬢᬶᬮ᭄ᬯᬶᬭᬲᬥᬸᬢᬮᬶᬗ᭄ᬕᬵᬳᬸᬚ᭄ᬯᬮᬾᬗᬦ᭄ᬢᬭᬷᬓ᭄ᬱᬮ᭄ᬯᬶᬃᬫᬺᬢ᭄ᬬᬸᬭᭀᬤ᭄ᬭᬳᬗᬯᬶᬢ᭄ᬫ᭄ᬓᬵᬧ᭄ᬭᬕᬮ᭄ᬪᬵᬓᬤ᭄ᬡᬸᬢᬵᬗ᭄ᬕᬶᬕᬶᬭᬶᬲᬶ᭟ᬲ᭄ᬥᭂᬂᬫᬦ᭄ᬤᭂᬕ᭄ᬕᬸᬫ᭄ᬢᭂᬃᬮᬫ᭄ᬧᬳᬶᬂ
ᬩᬮᬵᬧᬤ᭄ᬫᬦᬪᬵᬦᬵᬕᬭᬶᬦ᭄ᬤᬦ᭄ᬲᬗᬤᬶᬓᬵᬭᬧᬢᬶᬳᬶᬗᬦ᭄ᬢᬧᬸᬭᬭᬓ᭄ᬭ᭄ᬬᬦ᭄ᬓᬸᬡ᭄ᬥᬭᬵᬱ᭄ᬬᬵᬕ᭄ᬮᬶᬲ᭄ᬫᬗ᭄ᬲ᭄ᬯᭀᬫᬧᬕ᭄ᬳᬗᬸᬡ᭄ᬥᬩᬚ᭄ᬭᬮᬸᬗᬶᬤ᭄᭟ᬯᬸᬲᬫᬋᬓ᭄ᬫᬍᬃᬕᬸᬫ᭄ᬕᭂᬃᬢᬦ᭄ᬧᭀᬮᬄᬩᬮᬦᬶᬭᬦᬺᬧᬢᬷᬭᬵᬆᬚ᭄ᬬᬧᬤᬦᬪᬵᬳᬕ᭄ᬮᬶᬲ᭄ᬧ᭄ᬭᬧ᭄ᬢᬲᬂᬦᬵ
ᬣᬲᬷᬭᬧ᭄ᬭᬪᬸᬪᬵᬯᬫᬹᬃᬢ᭄ᬢᬶᬫᬸᬮᬢ᭄ᬦᬶᬃᬪᬬᬘᬷᬳᬵᬘᬷᬳᬵᬦᬾᬂᬩᬸᬤ᭄ᬥᬶ᭟ᬕᬸᬫ᭄ᬭᬶᬢ᭄ᬭᬣᬦᬶᬭᬧᬢᬶᬄᬓᬸᬡ᭄ᬥᬭᬵᬱ᭄ᬬᬰᬶᬖ᭄ᬭᬢᬦ᭄ᬬᬫᬋᬓᬶᬲᬓᬶᬗᭂᬦ᭄ᬤᬶᬲᬷᬭᬲᬬᬕᬲᬵᬲᬜ᭄ᬚᬢᬳᬕ᭄ᬮᬃᬧᬭᬦ᭄ᬓᭀᬳᬭᬷᬯᬭᬳᭂᬦᬶᬗ᭄ᬯᬂᬧᬢᬶᬳᬶᬗᬦ᭄ᬢᬧᬸᬭᬷ᭟
ᬰᬶᬖ᭄ᬭᬵᬲᬳᬸᬃᬭᬵᬓ᭄ᬭ᭄ᬬᬦ᭄ᬤᬹᬃᬩᬸᬤ᭄ᬥᬶᬦᬶᬰ᭄ᬘᬮᬪᬬᬓᭀᬲᬶᬭᬧᬢᬶᬄᬳᬶᬗᬦ᭄ᬢᬦᬵᬕᬭᬪᬕ᭄ᬬᬰ᭄ᬭᬷᬪᬹᬫᬶᬦᬵᬣᬓᬢᭂᬫ᭄ᬯᬭᬶᬂᬲᬶᬭᬬᬬᬷᬧᬤ᭄ᬲᬥ᭄ᬬᬦᬷᬭᬫᬋᬓᬾᬂᬰ᭄ᬭᬷᬪᬹᬧᬢᬶ᭟ᬇᬓᬶᬳᬶᬗᭀᬂᬳᬧᬢᬶᬳᬶᬂᬧᬤ᭄ᬫᬦᬪᬵᬳᬓᬓᬲᬶᬄ
[᭕᭑ 51A]
ᬤᬹᬃᬩᬸᬤ᭄ᬥᬷᬮᬄᬬᬬᬶᬫᬋᬓᬭᬶᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭᬪᬝᬵᬭᬾᬂᬧᬤ᭄ᬫᬦᬵᬕᬭᬷᬓ᭄ᬭ᭄ᬬᬦ᭄ᬧᬢᬶᬄᬓᬃᬯᬦᬸᬮ᭄ᬬᬫᬋᬓ᭄ᬦᬺᬧᬢᬶ᭟ᬧ᭄ᬭᬧ᭄ᬢᬾᬗᬃᬱᬦᬶᬭᬧ᭄ᬭᬪᬸᬧᬤ᭄ᬫᬵᬦᬪᬵᬳᬢᬢᬦ᭄ᬬᬰ᭄ᬭᬷᬪᬹᬧᬢᬷᬳᬶᬄᬲᬧᬢᬳᬶᬓ᭄ᬬᬳᬧᬢᬷᬄᬭᭀᬯᬗᬶᬭᬫᬡ᭄ᬥᭂᬓ᭄ᬱᬶᬭᬓ᭄ᬭ᭄ᬬᬦ᭄ᬤᬹᬃᬩᬸᬤ᭄ᬥᬶᬫᬢᬸᬭ
ᬦᭂᬫ᭄ᬩᬄᬭᬶᬚᭃᬂᬗᬶᬭᬰ᭄ᬭᬶᬪᬹᬧᬢᬶ᭟ᬲᬶᬗ᭄ᬕᬶᬄᬲᬵᬚ᭄ᬜᬧᬸᬦᬶᬓᬶᬦᬬᬓᬦᬶᬭᬭᬵᬫᬧᬤᬸᬓᬳᬚᬷᬧᬸᬦ᭄ᬓᬸᬡ᭄ᬥᬭᬳᬱ᭄ᬬᬧᬢᬶᬳᬶᬗᬦ᭄ᬢᬧᬸᬭᬫᬗ᭄ᬓᬵᬢᬸᬭᬶᬧᬸᬦ᭄ᬤᬹᬃᬩᬸᬤ᭄ᬥᬶᬢᬷᬦᬹᬢ᭄ᬤᬾᬭᬵᬓ᭄ᬭ᭄ᬬᬦ᭄ᬓᬸᬡ᭄ᬥᬭᬳᬰ᭄ᬬᬵᬦᬸᬮᬶ᭟ᬲᬵᬥᬭᭀᬚᬃᬫᬢᬺᬄᬯ᭄ᬢᬸᬦᬶᬂᬰᬩ᭄ᬥᬫᬵᬢᬸᬭᬾᬰ᭄ᬭᬷᬪᬹᬧ
ᬢᬷᬲᬶᬗ᭄ᬕᬶᬄᬪᬹᬫᬶᬦᬵᬣᬢᬫ᭄ᬩᬸᬄᬓᬧᭀᬫᬦᬶᬭᬧᬸᬦᬧᬵᬤᭀᬦ᭄ᬰ᭄ᬭᬷᬪᬹᬧᬢᬷᬧ᭄ᬭᬧ᭄ᬢᬲᬬᬕᬵᬲᬲ᭄ᬦᬵᬳᬢ᭄ᬓᬾᬂᬫᬦ᭄ᬢ᭄ᬭᬶ᭟ᬲᬳᬵᬩᬮᬬᭀᬥᬲᬫ᭄ᬬᬯᬸᬲᬕ᭄ᬮᬃᬓᬤ᭄ᬬᬳᬫᬗᬸᬦ᭄ᬚᬸᬭᬶᬢ᭄ᬳᬧᬭᬦ᭄ᬩᬶᬮᬰᬓ᭄ᬭᬶᬬᬦ᭄ᬰ᭄ᬭᬶᬪᬹᬫᬶᬦᬣᬤᬯᭂᬕ᭄ᬯᬘᬦᬦᭂᬦᬕ᭄ᬮᬷᬲ᭄ᬧᬦ᭄ᬢᬤᬷ
ᬓᬵᬭᬘᬾᬱ᭄ᬝᬓᬵᬭᬦᬺᬧᬢᬶ᭟ᬰᬖ᭄ᬭᬫᭀᬚᬃᬲᬸᬫᬳᬸᬃᬰ᭄ᬭᬶᬫᬳᬵᬭᬵᬚᬥᬸᬄᬳᬳᬄᬓᬶᬢᬵᬧᬢᬶᬄᬓ᭄ᬭ᭄ᬬᬦ᭄ᬓᬡ᭄ᬥᬭᬵᬱ᭄ᬬᬓᬶᬢᬵᬳᬢᬜᬭᬶᬗ᭄ᬯᬂᬓᬭᬡᬷᬗ᭄ᬲᬸᬦ᭄ᬧ᭄ᬭᬧ᭄ᬢᬢᬾᬓᬶᬓᬤ᭄ᬬᬳᬲ᭄ᬦᬵᬳᬵᬤᬶᬦᬸᬮᬸᬭᬶᬂᬧᬭᬫᬦ᭄ᬢ᭄ᬭᬷ᭟ᬬᬦ᭄ᬓᬢᬸᬳ᭄ᬯᬦ᭄ᬲᬵ
Kaca:Bali-lontar-gaguritan-wiryya-guna-b-300ppi.pdf/51
Kaca puniki sampun kauji-wacén
