[᭓᭗ 37B]
᭓᭗
ᬓᬢᭂᬦ᭄ᬯᬲ᭄ᬢᬸᬢᬶᬦ᭄ᬓᬦ᭄ᬳᬦᬫ᭄ᬢᬫ᭄ᬲᬵᬃᬯ᭄ᬯᬪᬶᬦᬸᬓ᭄ᬢᬶ᭟ᬲᬓ᭄ᬭᬳᬶᬂᬯᭀᬂᬳᬗ᭄ᬕᬤ᭄ᬯᬶᬧᬲᬫ᭄ᬬᬲᬸᬓᬵᬲᬯᬢ᭄ᬭᬯᬸᬲ᭄ᬲᬸᬫᬚᬶᬲᬃᬯ᭄ᬯᬲᬸᬭᬱᬧᬶᬦᬸᬧᬸᬮ᭄ᬧᬶᬦᬓᬧᬫ᭄ᬬᬧᬭᬓᬤ᭄ᬬᬕᬸᬦ᭄ᬢᬸᬃᬤ᭄ᬭᬯᬷᬦᬵᬳᬸᬮᬫ᭄ᬮᬦ᭄ᬲ᭄ᬓᬸᬮ᭄ᬭᬶᬯᬸᬲ᭄ᬦ᭄ᬬᬲᬫ᭄ᬬᬵᬦᬥᬄᬢᬸᬫᬫᬾᬂᬯᬶᬭᬬᬢᬦᬶ᭟ᬓᬸ
ᬦᭂᬂᬘᬢᬸᬭᬗ᭄ᬕᬩᬮᬵᬯᬶᬦᬶᬪᬕᬤᬾᬦᬶᬭᬭᬵᬓ᭄ᬭ᭄ᬬᬦᬧᬢᬶᬄᬳᬦᬵᬓᬸᬫᭂᬫᬶᬢᬾᬂᬍᬩᬸᬄᬳᬦᬳᬦᬾᬂᬧᬗᬲ᭄ᬢ᭄ᬭ᭄ᬬᬦ᭄ᬲᬫ᭄ᬬᬬᬢ᭄ᬦᬳᬶᬦᬦ᭄ᬢᬶᬳᬦ᭄ᬢᬶᬲᬚᬸᬭᬸᬓ᭄ᬭᬫᬦᬶᬂᬲᬸᬩᬮᬵᬯᬶᬃᬬ᭄ᬬᬳᬕᬸᬗᬫᬗᬸᬦ᭄ᬲᬸᬭᬰ᭄ᬫᬶ᭟ᬢᬸᬘᬧᬤᬍᬫᬶᬂᬧᬸᬭᬭᬵᬫ᭄ᬬᬵᬍᬂᬍᬂᬳᬸᬦᬶ
ᬦᬶᬂᬕᭂᬡ᭄ᬥᬶᬂᬘᬸᬭᬶᬂᬢᬶᬦᬡ᭄ᬥᬓ᭄ᬱᬶᬦ᭄ᬮᬦᬶᬂᬓᬶᬥᬹᬂᬮᬶᬦᬯᬹᬓᬶᬦᬚᬭᬦ᭄ᬓᭀᬦᬗᬸᬦᬂᬲ᭄ᬯᬭᬦ᭄ᬬᬳᬗᬮᬸᬦᬮᬸᬦ᭄ᬳᬗ᭄ᬤᬦᬶᬭᬵᬕᬓᬵᬭᬡᬘᬶᬢ᭄ᬢᬦᬶᬭᬰ᭄ᬭᬷᬪᬹᬧᬢᬷ᭟ᬦᬭᬦᬵᬣᬯᬶᬃᬬ᭄ᬬᬕᬸᬡᬳᬢᬢᬦ᭄ᬬᬵᬲᬷᬭᬾᬲᬂᬧᬭᬫᬦ᭄ᬢ᭄ᬭᬷᬭᬶᬳᬬᬸᬦᬶᬭᬲᬗ
ᬭᬹᬫ᭄ᬦ᭄ᬬᬾᬧᬸᬦ᭄ᬚᬬᬵᬰᬭᬡᬮᭀᬦᬫᬦᬶᬲ᭄ᬳᬸᬫᬢᬹᬃᬳᬲ᭄ᬫᬸᬕᬸᬬᬸᬲᬶᬗ᭄ᬕᬶᬄᬧᬵᬤᬸᬓᬧᬗᬾᬭᬦ᭄ᬧᬳᬾᬦᬓ᭄ᬘᬶᬢ᭄ᬭᬮᬶᬦᬶᬗ᭄ᬮᬶᬂ᭟ᬦᬸᬮ᭄ᬬᬓᬂᬲ᭄ᬫᬭᬰᬜ᭄ᬚᬬᬭᬸᬫᬶᬫᬗᬶᬂᬳᬵᬃᬱᬰ᭄ᬭᬷᬦᬭᬧᬢᬷᬲᬢᬶᬗ᭄ᬳᬮᬶᬭᬋᬫ᭄ᬧᬸᬄᬲ᭄ᬬᬸᬄ
[᭓᭘ 38A]
ᬦᬮᬦᬶᬂᬘᬶᬢ᭄ᬢᬦᬶᬭᬤ᭄ᬭᬯᬫᬶᬮᬶᬓᬕᬸᬦ᭄ᬢᬸᬭᬦ᭄ᬭᬵᬕᬾᬂᬓᬳ᭄ᬬᬸᬦ᭄ᬲᬸᬫᭂᬂᬤ᭄ᬭᬶᬬᬦ᭄ᬤᬤᬶᬯᬱ᭄ᬧᬲᬸᬫᬃᬳᬸᬫᬭᬲᬾᬗ᭄ᬳᬢᬶ᭟ᬳᬶᬭᬶᬓᬵᬲᬶᬭᬳᬗ᭄ᬤᬤᬓ᭄ᬓ᭄ᬥᭃᬫᬃᬡ᭄ᬦᬮᬗᭃᬦᬶᬂᬧᬲᬶᬃᬯᬸᬓᬶᬃᬭᬶᬦᬧ᭄ᬢᬘᬷᬦᬷᬢ᭄ᬭᬾᬂᬓᬶᬥᬸᬂᬧᬶᬦᬱ᭄ᬝᬶᬓᬾᬂᬳᬺᬤ᭄ᬥᬬᬵᬕᬶᬢᬦᬶᬭᬫᬸᬗ᭄ᬕ᭄ᬯᬶᬂ;ᬳᭂᬫ᭄ᬧᬶᬭᬦ᭄ᬫᬵᬲ᭄ᬢᬢᬸ
ᬭ᭄ᬯᬶᬦᬘᬲᬶᬦᬸᬓ᭄ᬱ᭄ᬫᬾᬂᬢᬶᬮᬫ᭄ᬳᬦᬭᬶᬲᬗᬭᬶᬳᬭᬶᬄ᭟ᬤ᭄ᬬᬄᬲᬗᬦᬸᬓ᭄ᬱ᭄ᬫᬭᬶᬂᬘᬶᬢ᭄ᬢᬵᬳᬦᭂᬥᬲᬦ᭄ᬫᬱᬾᬓᬶᬗ᭄ᬯᬂᬗᬗ᭄ᬕᭃᬂᬪ᭄ᬭᬦ᭄ᬢᬶᬮᬫ᭄ᬮᬫᬶᬭᬰ᭄ᬫᬶᬲᬗᬭᬹᬫ᭄ᬥᬹᬄᬫᬶᬭᬄᬳᬢ᭄ᬫᬚᬶᬯᬵᬮᬄᬢᬧᬹᬚᬶᬳᬭᬶᬳᬶᬗ᭄ᬓᬾᬦ᭄ᬬᬳᬮᬸᬗ᭄ᬕᬸᬩ᭄ᬤᬾᬦ᭄ᬲᬸᬤ᭄ᬥ᭄ᬬᬲᬶᬭᬫᬵᬲ᭄ᬫᬶᬭᬄᬳᬫᬸᬧᬸᬲ᭄ᬮᬭᬓᬲ᭄ᬬᬧᬶᬄ
᭟ᬲᬂᬫᬸᬱ᭄ᬝᬶᬦᬶᬂᬥ᭄ᬯᬶᬱ᭄ᬝᬕᬶᬢᬵᬳᬾᬦ᭄ᬤᬄᬍᬂᬍᬂᬓᬢᬦ᭄ᬢᬳᬫᬭᬜ᭄ᬚᬷᬤᬓᬶᬢ᭄ᬧᬮᬫ᭄ᬪᬗᬮᬗᬹᬮ᭄ᬯᬶᬃᬓᬾᬯ᭄ᬭᬦ᭄ᬳᬦᬾᬂᬓᬭᬲ᭄ᬢᬶᬓᭂᬮ᭄ᬚᬦᬄᬓᬯᬦ᭄ᬢᬸᬲᬶᬂᬦᬓᬦᬶᬂᬓᬸᬂᬓᬾᬧ᭄ᬯᬦᬢ᭄ᬫᬄᬭᬸᬥᬶᬢᬵᬓᬬᬵᬳᭂᬦ᭄ᬢᬶᬭᬲᬦᬶᬦ᭄ᬳᬢᬶ᭟ᬲᬂᬳ᭄ᬬᬂᬳ᭄ᬬᬂᬦᬶᬂᬫᬥᬸᬫᬰᬵᬦᬸᬗ᭄ᬕ᭄ᬯᬶᬂᬫᬦᬶᬲ᭄ᬳᬷᬦᬂᬫ
ᬥᬸᬚᬮᬥᬷᬲᬵᬭᬶᬲᬵᬭᬶᬦᬶᬗᬳᬭᬹᬫ᭄ᬓᭂᬫ᭄ᬪᬗᬶᬂᬢ᭄ᬤᬫ᭄ᬓᬃᬳᬦᬲ᭄ᬢᬸᬢᬶᬦᬸᬲ᭄ᬣᬦᬳᬸᬦᬸᬭᬶᬂᬢᬦᬸᬤᬾᬦ᭄ᬢᬸᬮᬸᬲᬲᬶᬄᬧᬗᬾᬭᬦ᭄ᬳᬫᬹᬃᬡ᭄ᬡᬪ᭄ᬭᬦ᭄ᬢᬦᬶᬂᬳᬺᬤ᭄ᬥᬶ᭟ᬭᬶᬦᬲᬵᬕᬸᬳ᭄ᬬᬯᬶᬚᬬᬳᬦᬶᬭᬫᬶᬗ᭄ᬯᬂᬪᬶᬦᬱ᭄ᬝᬶᬳᬶᬂᬭᬰ᭄ᬫᬶᬫᬦᬶᬲᬶᬂᬮᬶᬭᬶᬂᬗᬦ᭄ᬤᬸᬮᬸᬤᬺᬱᬵ
Kaca:Bali-lontar-gaguritan-wiryya-guna-b-300ppi.pdf/38
Kaca puniki sampun kauji-wacén
