[᭓᭓ 33B]
᭓᭓
ᬓᬸᬡ᭄ᬥᬭᬳᬱ᭄ᬬᬵᬦᬸᬮᬷᬲᬸᬫᬸᬬᬸᬕ᭄ᬲᬶᬭᬵᬯᭀᬢ᭄ᬲᬶᬦᭀᬫ᭄ᬕ᭄ᬫᭂᬕ᭄ᬫᭂᬦ᭄ᬰ᭄ᬭᬶᬪᬹᬧᬢᬶᬲᬶᬭᬓ᭄ᬭ᭄ᬬᬦ᭄ᬧᬢᬶᬳᬗ᭄ᬮᬶᬂᬫᬦᬶᬭᬓᬶᬦᬾᬦ᭄ᬧᬸᬓᬸᬮᬸᬦ᭄ᬤᭂᬭᬵᬫᬧᬭᬫᬾᬰ᭄ᬯᬭᬫᬾᬰ᭄ᬯᬭᬲᬸᬫᬸᬗ᭄ᬲᬸᬂᬰ᭄ᬭᬷᬦᬭᬧᬢᬷᬮᬫᬲᬵᬫ᭄ᬧᬸᬦ᭄ᬭᬵᬫᬚᬶᬳᬗᬬᬫᬬᬫ᭄᭟ᬭᬶᬧ᭄ᬭᬧ᭄ᬢᬦᬶᬭᬧᬗᬾᬭᬦ᭄ᬳᬸ
ᬫᬋᬓ᭄ᬰ᭄ᬭᬷᬭᬫᬳᬚᬶᬰ᭄ᬭᬷᬯᬶᬃᬬ᭄ᬬᬕᬸᬡᬵᬰ᭄ᬭᬸᬫᭀᬚᬃᬳᬶᬄᬓᬶᬢᬭᬵᬓ᭄ᬭ᭄ᬬᬦᬧᬢᬶᬄᬮᬄᬲᬫᬵᬕ᭄ᬬᬮᬸᬫᬭᬶᬲ᭄ᬳᬸᬫ᭄ᬥᭂᬓ᭄ᬱᬂᬫᬳᬵᬳᬸᬮᬸᬦ᭄ᬦ᭄ᬤᬢᬦ᭄ᬯᬶᬤᬃᬡ᭄ᬦᬭᬶᬗ᭄ᬳᬯᬦ᭄ᬯᬵᬓ᭄ᬢᬦ᭄ᬧᬸᬦᬂᬯᭀᬂᬦᬕᬭᬶᬲᬫ᭄ᬬᬵᬦᬸᬗ᭄ᬲᬸᬂᬲᬫ᭄ᬭᬧ᭄ᬢᬲᬂᬯᬶᬃᬬ᭄ᬬᬕᬸᬡ᭟ᬳᬩᬶᬦ᭄ᬤᬃᬯ᭄ᬯᭀᬂᬲᬓᬥ
ᬢ᭄ᬫᬦ᭄ᬢᬸᬳ᭄ᬯᬦᭀᬫᬵᬃᬚ᭄ᬚᬭᬲ᭄ᬧᬢᬶᬓᬧᬶᬗᬶᬦ᭄ᬢᬶᬗ᭄ᬳᬮᬶᬂᬲᬶᬭᬭᬶᬧᬗᬸᬗᬦᬗᬦ᭄ᬢᬶᬲᬫᬵᬳᬳ᭄ᬬᬲᬗ᭄ᬭᬯᬶᬢ᭄ᬳᬲᬸᬫ᭄ᬧᬂᬘᬶᬡ᭄ᬥᬕᬫ᭄ᬦᬸᬃᬲᬶᬦᬸᬭᬢ᭄ᬪᬵᬱᬕᬶᬢᬵᬭᬭᬲᬶᬂᬯᬦᬶᬢᬾᬂᬧᬸᬭᬷᬳᬾᬫ᭄ᬩᭂᬄᬭᬹᬫ᭄ᬭᬸᬫ᭄ᬓᬲ᭄ᬫᬭᬦ᭄ᬬᬦᬦᬶᬦ᭄ᬲᬶᬭ᭟ᬳᬦᬕᭂ
ᬕᭂᬢᬸᬦᬶᬂᬤᬮᬦ᭄ᬲᬫ᭄ᬧᬶᬃᬲᬫ᭄ᬧᬶᬃᬓᬂᬤᬾᬦ᭄ᬳᬷᬭᬶᬤ᭄ᬫᬓᬷᬮᬬ᭄ᬯᬵᬰ᭄ᬭᬶᬖ᭄ᬭᬰᬶᬖ᭄ᬭᬦ᭄ᬯᭀᬦ᭄ᬢᭂᬦᬫᬸᬜ᭄ᬘᬂᬢ᭄ᬭᬶᬯᬮᬶᬮᬶᬫᬸᬕ᭄ᬦ᭄ᬬᬦᭀᬭᬓᬾᬡ᭄ᬥᬶᬢ᭄ᬭᬶᬪᬶᬢᬦ᭄ᬬᬵᬲᬾᬧᬦ᭄ᬤᬸᬳᬸᬃᬲᬸᬘᬳ᭄ᬬᬦᬭᬩᬵᬣᬳᭀᬦ᭄ᬬᬂᬳᬗᭂᬫ᭄ᬩᬦ᭄ᬓᬾᬓᬶᬳᬧᬸᬢ᭄ᬭᬧᬸᬢ᭄ᬭᬦ᭄
[᭓᭔ 34A]
ᬓᬾᬓᭂᬢ᭄ᬪᬵᬱᬭᬸᬥᬶᬢ᭟ᬮ᭄ᬬᬦ᭄ᬳᬦᬵᬳᬫᬲᬳᬡ᭄ᬥᬮᬮᬾᬬᬦ᭄ᬬᬦ᭄ᬤᬾᬦᬕ᭄ᬮᬶᬲ᭄ᬢ᭄ᬫᭂᬦ᭄ᬬᬋᬩᬸᬢ᭄ᬳᬸᬫᬸᬗ᭄ᬕᬄᬓᬾᬭᬶᬤ᭄ᬲᬸᬓᬸᬦᬶᬂᬓᬢᬦ᭄ᬕᬕᬸᬫ᭄ᬥᬸᬤᬸᬕ᭄ᬢᬷᬩᬾᬂᬓ᭄ᬱᬶᬢᬶᬓᬚᬸᬗ᭄ᬓᭂᬮ᭄ᬦᬸᬗ᭄ᬲᬂᬤᬶᬦᬸᬮᬸᬩᬩᬳᬦᬶᬓᬓᬾᬗ᭄ᬓᬩ᭄ᬫ᭄ᬗᭃᬢᬸᬢᬸᬓ᭄ᬦ᭄ᬬᬳᬸᬫᬶᬭᬶᬲ᭄ᬦ᭄ᬤᬢᬦ᭄ᬢᬾᬂᬢᬸᬂᬓᬜ᭄ᬘᬶᬢ᭄ᬧ᭄ᬭᬧ᭄ᬢ
ᬰ᭄ᬭᬷᬦᬭᬾᬦ᭄ᬤ᭄ᬭ᭟ᬯᬢᬗᬦ᭄ᬭᬸᬲ᭄ᬲᬶᬦ᭄ᬬᬲᬦ᭄ᬳᬶᬦᬸᬧᬋᬗ᭄ᬕᬭᬶᬂᬲᬵᬭᬶᬧᬸᬦ᭄ᬭᬍᬫ᭄ᬪᬲᬸᬢ᭄ᬭᬱ᭄ᬝᬓ᭄ᬕᬸᬫᬸᬭᬸᬄᬲ᭄ᬯᬭᬦᬶᬂᬪᬾᬭᬷᬕᬸᬫᭂᬦ᭄ᬢᭂᬃᬓᬂᬕᭀᬂᬕᭂᬡ᭄ᬥᬶᬂᬮ᭄ᬯᬶᬃᬕᬸᬭᬸᬄᬫᬰᬓᬘᬢᬸᬃᬢᬦᭀᬧᭂᬦᬸᬦ᭄ᬬᬵᬦᬸᬦ᭄ᬬᬦ᭄ᬭᬷᬲᬤᬯᬢᬦᬵᬭᬤᬶᬦ᭄ᬢᬦ᭄ᬲᬫᬾᬂᬪᬹᬄᬰ᭄ᬭᬶᬚᬮᬲᬶᬤ᭄ᬥᬶᬤᬶᬭᬵᬚ᭟ᬫᬳᬵᬭ
ᬓᬯᬶᬃᬬ᭄ᬬᬕᬸᬡᬯᬸᬲ᭄ᬧ᭄ᬭᬧ᭄ᬢᬳᬦᬾᬂᬦᬕᬭᬷᬓᬵᬃᬬ᭄ᬬᬵᬗᬺᬩ᭄ᬲᭀᬭᬶᬂᬯᬦ᭄ᬤᬶᬭᬢᬸᬘᬧᬰ᭄ᬭᬷᬚᬮᬲᬶᬤ᭄ᬥᬶᬯ᭄ᬢᬸᬲᬓᬭᬶᬂᬧᬸᬭᬷᬳᬦᬹᬱᬡᬦᬶᬂᬓᬧ᭄ᬭᬪᬸᬦ᭄ᬳᬕ᭄ᬮᬸᬂᬘᬘᬡ᭄ᬥᬶᬬᬦ᭄ᬳᬕ᭄ᬮᬂᬓᬦᬵᬭᬶᬦᬸᬓ᭄ᬫᬷᬫ᭄ᬯᬂᬳᬩᬳᬸᬭᬵᬓ᭄ᬱᬭᬵᬢ᭄ᬦᬲᬸᬧ᭄ᬭᬥᬶᬧ᭄ᬢ᭟ᬳᬕ᭄ᬮᬂᬗᬧᬸᬲ᭄ᬚᬸᬯᬶᬢᬵᬚᬶᬦᬚᬯᬶᬫᬶᬭᬳᬤᬶ
ᬳᬦ᭄ᬢᬶᬗᬦ᭄ᬢᬶᬂᬩᬶᬦᬂᬳᬶᬚᭀᬳᬲ᭄ᬓᬃᬢᬗ᭄ᬕᬸᬮᬶᬕᭂᬡ᭄ᬥᬶᬂᬧᬶᬦᬢ᭄ᬭᬦᬦᬶᬂᬫᬵᬰᬦᬶᬳᬩᬸᬭᬢᬺᬩᬸᬓ᭄ᬫᬵᬲ᭄ᬢᬢᬸᬃᬳᬓᬫ᭄ᬧᬸᬄᬲᬸᬢ᭄ᬭᬚᬶᬗ᭄ᬕᬵᬳᬵᬃᬚ᭄ᬚᬵᬦᬸᬗ᭄ᬓᭂᬮᬷᬢ᭄ᬓ᭄ᬭᬶᬲᬮᬵᬰ᭄ᬭᬷᬳᬷᬭᬫᬸᬭᬸᬩ᭄ᬮᬡ᭄ᬥ᭄ᬬᬦ᭄ᬳᬧᬶᬦ᭄ᬥᬭᬵᬢ᭄ᬫᬚ᭟ᬳᬲᬷᬦᬂᬗᬶᬫ᭄ᬧᭂᬃᬪᬱ᭄ᬓᬭᬵᬭᬶᬯᬶᬚᬶᬮᬶᬭᬦᬺᬧᬢᬶᬫ᭄ᬢᬸ
Kaca:Bali-lontar-gaguritan-wiryya-guna-b-300ppi.pdf/34
Kaca puniki sampun kauji-wacén
