[᭒᭓ 23B]
᭒᭓
ᬬᬢᬦ᭄ᬧᬫ᭄ᬧᭂᬢᬦ᭄ᬮ᭄ᬯᬶᬃᬫᬖᬫᬰᬦᬾᬂᬯᬺᬱ᭄ᬝᬷᬦ᭄ᬤᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭᬢᬦ᭄ᬧᬦ᭄ᬢᬭᬵᬦᬸᬢᬸᬭᬶ᭟ᬤᬮᬸᬳᬯᬦ᭄ᬳ᭄ᬬᬂᬰᬰᬶᬫᬾᬄᬲᬸᬫᬸᬭᬸᬧᬓᬺᬱ᭄ᬡᬧᬓ᭄ᬱᬘᬢᬹᬃᬢᬷᬦ᭄ᬤᬦ᭄ᬰ᭄ᬭᬶᬦᬭᬧᬢ᭄ᬬᬵᬮᬸᬯᬭᬦᬸᬮ᭄ᬬᬵᬦᬶᬤ᭄ᬭᬳᬶᬂᬯᬾᬰ᭄ᬫᬓᬜ᭄ᬘᬦᬾᬂᬮᬕᬶᬢᬦ᭄ᬓᬝᬵᬢ᭄ᬦᬓᬸᬦᭂᬂᬭᬳᬤᬾᬦ᭄ᬧᬸᬢ᭄ᬭᬷ᭟
ᬓᬵᬃᬬ᭄ᬬᬰᭀᬓᬘ᭄ᬜᬶᬢᬵᬡ᭄ᬦᬓᬾᬧᬸᬓᬧ᭄ᬕᬦ᭄ᬲᬯᭂᬗ᭄ᬬᬢᬦ᭄ᬧᬕᬸᬮᬶᬂᬳᬳᭀᬲᬳᬗ᭄ᬲᬄᬳᬓ᭄ᬘᬧ᭄ᬢᬦ᭄ᬩᬷᬲᭀᬚᬃᬓᬵᬗᭂᬦ᭄ᬤ᭄ᬭᬶᬧᭀᬮᬳᬶᬂᬤᬤᬶᬧᬦ᭄ᬓᬵᬃᬬ᭄ᬬᬯᬮᬵᬢᬸᬭᬸᬂᬯᬃᬱᬶᬳᬾᬂᬕᬢᬶ᭟ᬧᬭᬓᬓᬾᬜᬫ᭄ᬯᬂᬲᬓ᭄ᬯᬾᬳᬦᬶᬂᬓᬦ᭄ᬬᬲᬫ᭄ᬬᬳᬫᬶᬢᬸᬭᬸᬦᬶᬯᬲ᭄ᬧᬳ
ᬗᬲᬧ᭄ᬢᬓᬢ᭄ᬓᬾᬂᬧᬭᬓᬶᬮ᭄ᬬᬳᬯ᭄ᬮᬲ᭄ᬮᬫ᭄ᬮᬫᬶᬳᬢᬶᬭᬶᬭᬹᬫ᭄ᬭᬳᬤ᭄ᬬᬦ᭄ᬯᬳ᭄ᬯᬧᬶᬦᬮᬶᬧᬮᬶ᭟ᬲᬯᭀᬗᬶᬭᬲᬫ᭄ᬬᬵᬢᬹᬃᬧᬓ᭄ᬱ᭄ᬬᬵᬕᬤ᭄ᬕᬤᬵᬧᬸᬓᬸᬮᬸᬦ᭄ᬲᬵᬚ᭄ᬜᬲᬂᬰ᭄ᬭᬷᬦᬶᬂᬓᬸᬱᬸᬫᬲᬵᬮᬲ᭄ᬲᬂᬧᬶᬦᬓᬵᬢ᭄ᬫᬮᬶᬗ᭄ᬕᬓᬯᬸᬮᬲᬫᬢᬦ᭄ᬓᬵᬭᬷᬭᬷᬧᬵᬤᬤ᭄ᬯᬬᬵᬫ
ᬳᬵᬭᬵᬚᬲᬸᬧᬸᬢ᭄ᬭᬶ᭟ᬲᬤᭀᬳᬦᬶᬂᬮᬓᬸᬲᬤᬹᬃᬕ᭄ᬕᬦᬶᬂᬮᬫ᭄ᬧᬄᬤ᭄ᬬᬲ᭄ᬢᬸᬦᬢ᭄ᬫᬄᬧᬢᬶᬲᬲᬶᬂᬲᬧᬭᬦᬵᬧᬓᬦᬶᬭᬧᬗᬾᬭᬦ᭄ᬓᬯᬸᬮᬵᬲᬫ᭄ᬬᬵᬳᬗᬶᬭᬶᬂᬲᬪᬬᬡ᭄ᬝᬓᬵᬓᬢ᭄ᬓᬾᬂᬧᬭᬧᬸᬢ᭄ᬭᬶ᭟ᬧᬭᬓᬶᬮᬶᬲᬫ᭄ᬬᬵᬭᬸᬭᬸᬳᬸᬦᬦᬸᬚᬃᬫᬵᬢᬸᬭᬶᬚᭃᬂᬲᬸᬧᬸᬢ᭄ᬭᬶ
[᭒᭔ 24A]
ᬫᬾᬄᬧ᭄ᬭᬧ᭄ᬢᬾᬂᬳᬶᬦᬵᬲ᭄ᬫᬸᬪᬵᬂᬳ᭄ᬬᬂᬗᬭᬸᬡᬲᬸᬢᬾᬚᬵᬦ᭄ᬭᬗᬷᬥᬷᬓ᭄ᬯᬷᬥᬷᬓ᭄ᬢᬦ᭄ᬓᬯᬵᬓ᭄ᬦᬓᬸᬦᬶᬂᬯᬃᬡ᭄ᬦᬦᭂᬦ᭄ᬫᬮᬶᬄ᭟ᬥᬯᬸᬄᬓᬵᬮᬶᬄᬰ᭄ᬭᬷᬦᬭᬾᬦ᭄ᬤ᭄ᬭᬯᬸᬲ᭄ᬲᬶᬦᬾᬪᬵᬤᬾᬭᬓ᭄ᬭ᭄ᬬᬦ᭄ᬢᬡ᭄ᬥᬫᬦ᭄ᬢ᭄ᬭᬷᬮᬦ᭄ᬧᬭᬪᬸᬚᬗ᭄ᬕᬰ᭄ᬭᬷᬮᬷᬮᬧᬭᬵᬫᬵᬃᬣᬲᬂᬫᬓᬵᬳᬤᬶᬦᬶᬂᬮᬶᬗ᭄ᬕᬶᬄᬫᬸᬗ᭄ᬕ᭄ᬯᬶᬂᬧᬗᬲ᭄ᬢ᭄ᬭ᭄ᬬᬦ᭄
ᬫᬓᬵᬕ᭄ᬭᬘᬸᬘᬥᬫᬡᬷ᭟ᬓᬸᬦᬂᬲᬶᬭᬗᬦᬸᬢᬸᬯᬸᬲ᭄ᬲᬶᬦᬸᬦ᭄ᬤᬂᬧ᭄ᬭᬧ᭄ᬢᬫᭂᬦ᭄ᬤᭂᬓᬦᬸᬮᬶᬲᬵᬥᬭᬧ᭄ᬭᬡᬣᬯᬸᬲ᭄ᬲᬶᬦᬸᬂᬧᬝᬵᬭᬡᬲᬶᬦᬫ᭄ᬩ᭄ᬭᬫᬾᬂᬗᬸᬧᬰᬦ᭄ᬢᬶᬦᬸᬮ᭄ᬬᬵᬗᬃᬥᬷᬓᬵᬲᬶᬭᬲᬂᬫᬵᬦᬹᬧᬢᬶ᭟ᬥᬹᬲᬵᬚ᭄ᬜᬫ᭄ᬧᬸᬥᬗ᭄ᬳ᭄ᬬᬂᬧᬸᬭᭀᬳᬶᬢᬵᬪᬹᬢᬵᬓᬃᬯᬓᬶᬢᬓᬶᬧᬢᬶᬄᬯᬶᬃᬬ᭄ᬬᬓᬺ
ᬓᬘᬶᬢ᭄ᬢᬳᬶᬓ᭄ᬬᬰᬾᬯᬮᬧᬢ᭄ᬭᬧᬦᬸᬯᬮ᭄ᬮᬷᬗ᭄ᬲᬸᬦ᭄ᬯᬯᬦᬶᬳᬵᬃᬬᬦᬵᬓ᭄ᬦᬭᬶᬦᬯᬾᬂᬗᬱ᭄ᬝᬧᬸᬭᬶ᭟ᬗ᭄ᬳᬶᬂᬧᬯ᭄ᬓᬲ᭄ᬲᬶᬗ᭄ᬲᬸᬦ᭄ᬤᬾᬦ᭄ᬢᬸᬮᬸᬲᬶᬳᬶᬭᬲᬂᬲᬵᬓ᭄ᬱᬢ᭄ᬢᬶᬦᬫᬹᬃᬢ᭄ᬢᬶᬰᬺᬤ᭄ᬥᬵᬗᬫ᭄ᬧᬸᬦᬦᬵᬯᬶᬭᬹᬧᬦᬶᬂᬓᬶᬦᬵᬃᬱᬵᬢᬶᬫᬹᬥᬕᬸᬡᬵᬮ᭄ᬧᬾᬗ᭄ᬳᬚᬶᬤᬾᬦ᭄ᬯᬶᬮᬰᬳ
ᬲᬷᬭᬰ᭄ᬭᬷᬦᬭᬧᬢᬶ᭟ᬦ᭄ᬤᬦ᭄ᬭᬷᬫᬲᬯᬾᬰᬓᬵᬧ᭄ᬭᬧ᭄ᬢᬳᬦᬶᬭᬰ᭄ᬭᬷᬯᬷᬃᬬ᭄ᬬᬕᬸᬡᬘᬢᬗ᭄ᬓᬾᬕᬦᬱ᭄ᬝ᭄ᬬᬵᬳᬦᬵᬰᬸᬦᬳᬷᬯᬰᬲᬶᬭᬓ᭄ᬭ᭄ᬬᬦ᭄ᬧᬢ᭄ᬬᬵᬢᭀᬢ᭄ᬲᬭᬶᬳᬦᬸᬳ᭄ᬯᬵᬚ᭄ᬜᬦᬦᬶᬭᬫᬳᬵᬪᬹᬧᬢᬶ᭟ᬫᬗ᭄ᬓᬦᭀᬚᬃᬰ᭄ᬭᬷᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥ᭄ᬬᬲᬂᬧᬸᬭᭀ
Kaca:Bali-lontar-gaguritan-wiryya-guna-b-300ppi.pdf/24
Kaca puniki sampun kauji-wacén
