[᭑᭖ 16B]
᭑᭖
ᬓᬢ᭄ᬓᬾᬂᬧᬭᬵᬤᬶᬫᬦ᭄ᬢ᭄ᬭᬷ᭟ᬳᬶᬭᬶᬓᬰ᭄ᬭᬷᬦᬭᬦᬵᬣᬯᬶᬃᬬ᭄ᬬᬕᬸᬡᬳᬸᬫᬚ᭄ᬜᬾᬭᬓ᭄ᬭ᭄ᬬᬦ᭄ᬧᬢᬶᬄᬗ᭄ᬳ᭄ᬳᬶᬂᬫᬗ᭄ᬓᬾᬓᬳᬧᬶᬗ᭄ᬲᬸᬦ᭄ᬓᬶᬢᬵᬳᬸᬕᬮᬸᬫᬫ᭄ᬧᬄᬳᬗ᭄ᬮᬫᬭᬳᬸᬫᬯᬵᬧᬦᭀᬫᬳᬶᬗ᭄ᬲᬸᬦ᭄ᬳᬸᬫᬶᬭᬶᬂᬲᬂᬫᬳᬵᬤ᭄ᬯᬷᬚᬫᬋᬓᬶᬚᭃᬂᬰ᭄ᬭᬷᬪᬹᬧᬢᬶ᭟ᬗᬓ᭄ᬭ᭄ᬬᬦ᭄ᬧᬢᬶᬄᬓᬺᬢᬘᬶᬢ᭄ᬢᬰᬶᬖ᭄ᬭᬵ
ᬦᭂᬫ᭄ᬩᬄᬕᬵᬃᬚ᭄ᬚᬶᬢᬵᬤᬦ᭄ᬮᬸᬫᬭᬶᬲ᭄ᬳᬸᬫᬶᬭᬶᬂᬲᬫᬳᬵᬪᬶᬓ᭄ᬱᬸᬦᬓᬵᬧᬸᬭᭀᬳᬶᬢᬦ᭄ᬤᬢᬦ᭄ᬧᬲᬄᬧᬸᬦ᭄ᬚᬬᬰᬭᬡᬢᬶᬦᬹᬢ᭄ᬳᬫᬯᬲᬾᬯᬮᬵᬧᬢ᭄ᬭᬯᬲ᭄ᬢ᭄ᬭᬵᬤᬶᬭᬵᬢ᭄ᬦᬫᬵᬲ᭄ᬫᬡᬶᬓ᭄᭟ᬲᬶᬭᬭᬵᬓ᭄ᬭ᭄ᬬᬦ᭄ᬘᬢᬹᬃᬢᬡ᭄ᬥᬫᬶᬭᬶᬗᬦ᭄ᬲᬶᬭᬭᬵᬓ᭄ᬭ᭄ᬬᬦᬧᬢᬶᬄ
ᬦᬸᬮ᭄ᬬᬲᬶᬭᬯᬸᬲ᭄ᬳᬸᬫᬵᬢᬸᬃᬭᬶᬳᬯᬦ᭄ᬮᬫ᭄ᬧᬳᬶᬭᬳᬸᬫᭂᬦ᭄ᬢᬲᬶᬂᬲᬵᬕᬭᬕᭀᬭᬕᬸᬫᬸᬭᬸᬄᬕᬫ᭄ᬩᬶᬭᬦ᭄ᬤᬢᬦ᭄ᬧᬢ᭄ᬢ᭄ᬬᬤᬹᬃᬕ᭄ᬕᬫᬵᬳᬗᬺᬱᬷᬗ᭄ᬳᬢᬶ᭟ᬭᬶᬢ᭄ᬮᬲᬶᬭᬳᬗᬸᬘᬧ᭄ᬘᬢᬹᬃᬫᬦ᭄ᬢ᭄ᬭᬶᬫᬸᬯᬄᬲᬶᬭᬳᬸᬫᬸᬮᬶᬄᬫᬵᬩᬩᬩᬜᬲ᭄ᬫᬸᬕᭂᬬᬸᬄᬫᬜ᭄ᬚᬶᬗᬾᬂᬯᬾᬰ᭄ᬫᬦᬶᬭᬢᬸᬘ
ᬧᬲᬂᬧᬢᬶᬄᬓᬺᬢ᭄ᬣᬘᬶᬢ᭄ᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬗᬥ᭄ᬬᬦ᭄ᬢᬧᬸᬭᬲᬧ᭄ᬢᬂᬗ᭄ᬯ᭄ᬯᬾᬲᬶᬭᬭᬶᬂᬫᬃᬕ᭄ᬕᬶ᭟ᬓᬳᬤᬂᬰ᭄ᬭᬷᬪᬹᬫᬶᬦᬵᬣᬫᬳᬵᬭᬵᬚᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶᬲᬶᬦᬾᬪᬳᬦᬾᬂᬘᬗᬸᬦ᭄ᬢᬸᬃᬤᬾᬦᬶᬂᬧᬭᬵᬤᬶᬫᬦ᭄ᬢ᭄ᬭ᭄ᬬᬦᭀᬭᬯᬦᬾᬄᬖᬶᬦᭀᬱ᭄ᬝᬶᬦᬶᬭᬲᬂᬧ᭄ᬭ
[᭑᭗ 17A]
ᬪᬸᬭᬶᬕᬢ᭄ᬬᬦᬶᬂᬪᬢᬹᬃᬧᬓ᭄ᬱ᭄ᬬᬳᬶᬗᬹᬦᬶᬳᬦᬾᬂᬯᬦᬵᬤ᭄ᬭᬶ᭟ᬭᬶᬲ᭄ᬥᭂᬗᬶᬭᬳᬗᬸᬘᬧ᭄ᬓᬜ᭄ᬘᬷᬢ᭄ᬧ᭄ᬭᬧ᭄ᬢᬲᬶᬭᬭᬵᬓ᭄ᬭ᭄ᬬᬦᬧᬢᬶᬄᬫᬓᬵᬤᬶᬲᬂᬫᬳᬵᬪᬶᬓ᭄ᬱᬸᬢᬸᬫᬵᬳᬸᬢ᭄ᬚᬬᬰᬭᬡᬭᬶᬬᬯᬦᬶᬂᬧᬗᬲ᭄ᬢ᭄ᬭᬾᬦ᭄ᬲᬶᬭᬳᬮᬸᬗ᭄ᬕᬸᬄᬓᬢᭀᬦ᭄ᬓᬤᬶᬩᬳ᭄ᬦᬶᬫᬸᬦ᭄ᬢᬩ᭄ᬓᬰ᭄ᬢᬃᬬ᭄ᬬᬦ᭄ᬰ᭄ᬭᬷᬦᬭᬧᬢᬶ᭟
ᬳᬾᬄᬧᬢᬶᬄᬓᬸᬡ᭄ᬥᬭᬳᬱ᭄ᬬᬮᬄᬢᬓᬶᬢᬢᬢᬜᬭᬶᬯᬳᬸᬧ᭄ᬭᬧ᭄ᬢᬶᬧᬸᬦ᭄ᬧᬢᬶᬄᬦᬸᬮ᭄ᬬᬮᬸᬫᬓᬸᬢᬸᬫᬜᬾᬫᬭᬶᬂᬥᬸᬢᬲᬂᬧᬶᬦᬓᬵᬤᬹᬢᬲᬵᬃᬚ᭄ᬚᬯᬳᬸᬫᬢᬸᬃᬳᬯᬭᬳᬶᬓ᭄ᬭᬫᬦᬶᬭᬧ᭄ᬭᬧ᭄ᬢᬵᬗᬶᬭᬶᬂᬲᬂᬫᬳᬵᬃᬱᬶ᭟ᬓᬶᬦᬾᬦ᭄ᬤᬾᬰ᭄ᬭᬷᬫᬳᬵᬭᬵᬳᬯᬶᬃᬬ᭄ᬬᬕᬸᬡᬳᬸᬫ᭄ᬥᭂᬓ᭄ᬰ᭄ᬭᬶᬪᬹᬧ
ᬢᬷᬫᬯᬲᬾᬯᬮᬧᬢ᭄ᬭᬵᬭᬹᬫ᭄ᬳᬤᬸᬮᬸᬭᬧᬦᬶᬫᬄᬫᬗ᭄ᬓᬦᬵᬮᬶᬂᬧᬸᬦ᭄ᬓᬺᬢᬘᬶᬢ᭄ᬢᬲᬸᬫᬳᬸᬃᬦᬸᬮ᭄ᬬᬧᬸᬦ᭄ᬓᬸᬡ᭄ᬥᬭᬳᬱ᭄ᬬᬰᬶᬖ᭄ᬭᬫᬢᬸᬭᬶᬂᬦᬺᬧᬢᬶ᭟ᬲᬶᬗ᭄ᬕᬶᬄᬲᬵᬚ᭄ᬜᬰ᭄ᬭᬷᬦᬭᬾᬦ᭄ᬤ᭄ᬭᬯᬸᬲ᭄ᬓᬢ᭄ᬬᬓ᭄ᬱᬤᬾᬭᬧᬢᬶᬓ᭄ᬦᬺᬧᬢᬶᬧᬸᬦᬶᬓᬲᬦ᭄ᬫᬳᬵᬪᬶᬓ᭄ᬱᬸ
ᬤᬶᬦᬸᬧᬸᬃᬫᬦ᭄ᬢ᭄ᬭᬷᬢᬡ᭄ᬥᬧ᭄ᬭᬬᭀᬚᬦᬦᬶᬭᬢᬥᬕᭂᬗᬶᬦᬸᬢᬸᬲ᭄ᬤᬾᬰ᭄ᬭᬷᬳᬚᬶᬳᬗ᭄ᬕᬤ᭄ᬯᬶᬧᬳᬸᬫ᭄ᬥᭂᬓᬶᬚᭃᬦᬺᬧᬢᬶ᭟ᬳᬶᬭᬶᬓᬵᬰ᭄ᬭᬷᬫᬳᬵᬭᬵᬳᬲᬵᬃᬚ᭄ᬚᬢᭀᬚᬃᬳᬸᬫᬚ᭄ᬜᬾᬧᬸᬦ᭄ᬫᬗᬸᬭᬶᬮᬳ᭄ᬬᬢᬓᬶᬢᬵᬮᬸᬫᬓᬸᬫᬵᬚᬭᬶᬧᬸᬦᬂᬤᬹᬢᬤᬾᬃᬬ᭄ᬬᬲᬶᬭᬰᬶᬖ᭄ᬭ
Kaca:Bali-lontar-gaguritan-wiryya-guna-b-300ppi.pdf/18
Kaca puniki sampun kauji-wacén
