[᭑᭕ 15B]
᭑᭕
ᬓᬂᬳᬢᬶᬧᬓ᭄ᬱᬶᬫᬬᬸᬭᬫᬸᬦ᭄ᬕ᭄ᬯᬶᬂᬧᬂᬓᬦᬶᬕᬭ᭟ᬧᭀᬮᬄᬦ᭄ᬬᬵᬗᬶᬮᭀᬳᬗ᭄ᬭᬭᬲ᭄ᬲᭀᬫ᭄ᬬᬦᬶᬢ᭄ᬬᬲᬵᬗ᭄ᬬᬦ᭄ᬳ᭄ᬬᬸᬦᬶᬲ᭄ᬯᬭᬦ᭄ᬬᬫᬺᬥᬸᬓᭀᬫᬮᬵᬧᬸᬦ᭄ᬢᬸᬳᬸᬢᬸᬳᬸᬳᬗᬦ᭄ᬢᬷᬭᬶᬂᬧᬵᬂᬦᬶᬂᬓᬬᬸᬚᬵᬢᬶᬭᭀᬫᬦ᭄ᬬᬵᬳᬶᬋᬗᬍᬫᬸᬲ᭄ᬯᬭᬦ᭄ᬬᬓᭀᬦᬂᬗᬸᬦᬂᬍᬗᭃᬂᬗᬦᬸᬃᬯᬵᬦᬶᬬᬬᬵ
ᬓᭂᬫ᭄ᬧᬸᬮ᭄ᬲ᭄ᬯᬭᬦᬶᬂᬧᬓ᭄ᬱᬶᬢᬶᬢᬶᬭᬦ᭄᭟ᬦᬸᬮ᭄ᬬᬲᬂᬫᬸᬱ᭄ᬝᬶᬦᬶᬂᬭᬭᬲ᭄ᬳᬗᬸᬘᬧᬫ᭄ᬮᬲᬲᬶᬄᬥᬸᬄᬓᬗ᭄ᬓᬸᬦᬶᬮᭀᬢᬥᬮᬢᬸᬮᬸᬗᬶᬦ᭄ᬫᬗ᭄ᬓ᭄ᬬᬲᬸᬦ᭄ᬢᬾᬓᬶᬫᬵᬃᬲ᭄ᬬᬸᬄᬦᬮᬦᬶᬗ᭄ᬳᬢᬶᬓᬯ᭄ᬮᬲᬵᬃᬱᬳᬦ᭄ᬤᬸᬮᬸᬓᬕᬵᬓᬂᬢᬦ᭄ᬓᬬᬾᬂᬓᬸᬦᬵᬧᬸᬦᬧᬤᬾᬦᬶᬂᬳᬗ᭄ᬤᬦᬶᬦᬤ᭄ᬬᬳᬶᬗ᭄ᬲᬸᬦ᭄ᬢ
ᬧᬾᬗᬶᬳᬗᬶᬗ᭄ᬯᬦᬵ᭟ᬧᬸᬦ᭄ᬳᬢᬢ᭄ᬳᬱᬭᬸᬫᭂᬗᭃᬕᬵᬃᬱ᭄ᬝᬶᬢᬫᬋᬓ᭄ᬗᬜ᭄ᬚᬮᬶᬲᬵᬥᬭᬳᬸᬫᬢᬸᬃᬳᬮᭀᬦ᭄ᬥᬸᬄᬤᬾᬯᬰ᭄ᬭᬷᬫᬳᬵᬤᬾᬯᬶᬳ᭄ᬬᬂᬳ᭄ᬬᬂᬦᬶᬂᬧᬲᬶᬃᬳᬸᬓᬶᬃᬲᬯ᭄ᬬᬓ᭄ᬢᬶᬭᬢᬶᬳᬦᬸᬭᬸᬦ᭄ᬳᬦ᭄ᬤᬤ᭄ᬬᬭᬵᬚᬧᬸᬢ᭄ᬭᬥᬸᬄᬪᬕ᭄ᬬᬧᬝᬶᬓ᭄ᬰ᭄ᬭᬷᬥᬢ᭄ᬦᬷᬬᬦᬦᬵᬳ᭄ᬬᬸ
ᬦ᭄ᬰ᭄ᬭᬷᬤᬾᬯᬶᬳᬗᬶᬗ᭄ᬯᬦᬵ᭟ᬗ᭄ᬳᬶᬂᬫᬗ᭄ᬓᬾᬕᬧᬮᬯ᭄ᬬᬵᬓ᭄ᬦᬬᬦᬦᬵᬲᬶᬄᬫᬳᬵᬤᬾᬯᬶᬥᬸᬫᬢᭂᬂᬧᬝᬶᬓ᭄ᬪᬝᬵᬭᬲᬸᬫᬗ᭄ᬕᬳᬧ᭄ᬢ᭄ᬬᬳᬸᬫᬶᬭᬶᬂᬳᬫᬭᬶᬯᬭᬢᬾᬓᬶᬢᬦ᭄ᬧᬲᬄᬭᬶᬚᭃᬂᬧᬸᬓᬸᬮᬸᬦ᭄ᬳᬦᭂᬥᬵᬲᬶᬦᬦ᭄ᬫᬣᬦ᭄ᬲᬸᬓ᭄ᬱ᭄ᬫᬦᬶᬂᬘᬶᬢᬰ᭄ᬭᬷᬤᬾᬯᬶᬳᬾ
[᭑᭖ 16A]
ᬜ᭄ᬚᬂᬳᬾᬲᬸᬓ᭄ᬧᬸᬦ᭄ᬫᬦᭂᬳ᭄ᬧ᭄ᬭᬧ᭄ᬢᬵᬗᬯᬸᬮ᭟ᬗ᭄ᬳᬶᬂᬫᬗ᭄ᬓᬾᬢᭀᬦ᭄ᬢᭀᬦᬓ᭄ᬦᬧᬗᬮ᭄ᬧᬶᬓᬦᬶᬧᬸᬦ᭄ᬧᬓ᭄ᬱᬶᬥᬸᬫᬢᭂᬂᬰ᭄ᬭᬷᬫᬳᬵᬤᬾᬯ᭄ᬬᬧᬸᬦ᭄ᬢᬸᬳᬸᬢᬸᬳᬸᬳᬕᭂᬦ᭄ᬤᬶᬂᬧᬸᬦᬂᬧᬸᬦ᭄ᬧᬓ᭄ᬱᬶᬕᭂᬡ᭄ᬥᬶᬂᬯᬶᬤᬕ᭄ᬥᬳᬦᬩᬸᬄᬓᭂᬫ᭄ᬧᬸᬮ᭄ᬓᬯᬸᬮᬵᬧᬸᬦ᭄ᬫᬬᬸᬭᬳᬰ᭄ᬭᬫᬦ᭄ᬧᬓ᭄ᬦᬦᬾᬓᬶᬲᬫᬵᬂᬳ᭄ᬬᬸᬦ᭄ᬳ᭄ᬬᬸᬦ᭄ᬫᬾᬦᬓᬶ
ᬧᬸᬢ᭄ᬭᬶᬥᬸᬳᬶᬢᬵ᭟ᬲᬵᬦᬦᬶᬂᬯᭀᬂᬥ᭄ᬬᬦ᭄ᬢᬧᬸᬭᬵᬢ᭄ᬬᬦ᭄ᬢᬓᬰ᭄ᬘᬃᬬ᭄ᬬᭀᬫᬸᬮᬢᬶᬰ᭄ᬭᬫᬦᬶᬂᬧᬓ᭄ᬱᬶᬫᬬᬸᬭᬳᬗᬶᬮ᭄ᬯᭀᬗᬸᬤᬸᬧᬸᬓᬰ᭄ᬭᬷᬫᬶᬗ᭄ᬕᭂᬓ᭄ᬫᬶᬗ᭄ᬕᭂᬓ᭄ᬳᬦᭀᬮᬶᬜ᭄ᬚᬶᬭᬶᬗᬶᬯᬸᬕᬢ᭄ᬲᬸᬫᬸᬦᬸᬳᬫᬶᬯᬶᬃᬳ᭄ᬮᬃᬮᬸᬫᭂᬗ᭄ᬳᬾᬮᬶᬭᬶᬗᬫᬦᬶᬲ᭄ᬫᬶᬕᬄᬫᬶᬕᬸᬄᬳᬫᬗᬸᬦ᭄ᬳᬵᬃᬱᬦᬶᬂᬫᬸᬮᬢ᭄᭟
ᬧᬸᬦ᭄ᬧᬾᬓᬢ᭄ᬦᬸᬮ᭄ᬬᬵᬳᬦᭂᬫ᭄ᬩᬄᬳᬸᬫᬢᬸᬭᬶᬚᭃᬂᬫᬳᬵᬤᬾᬯᬶᬥᬸᬄᬓ᭄ᬱᬫᬵᬓ᭄ᬦᬫᬦᭂᬄᬢᬳᬦᭂᬥᬵᬲᬶᬄᬫᬳᬵᬤᬾᬯᬶᬫᬸᬖᬶᬢ᭄ᬳᭂᬃᬯ᭄ᬮᬲᬲᬶᬄᬲᬦ᭄ᬫᬣᬳᬸᬕᬧᬸᬓᬸᬮᬸᬦ᭄ᬥᬸᬫᬢᭂᬂᬗᬶᬧᬸᬦ᭄ᬧᬓ᭄ᬧ᭄ᬬᬳᬫᬶᬦ᭄ᬢᬲᬶᬫ᭄ᬲᬶᬫ᭄ᬲᬯᬶᬚᬶᬓᬂᬓᬶᬦᬳ᭄ᬬᬸᬦ᭄ᬲᬶᬦᬸᬓ᭄ᬱ᭄ᬫᬕᬜ᭄ᬚᬭᬦᬶᬭ᭟ᬲᬂᬓᬤᬶᬘᬶᬢ᭄ᬭ
ᬳᬯ᭄ᬮᬲ᭄ᬦᬸᬮ᭄ᬯᬵᬲᬸᬂᬲᬶᬫ᭄ᬧᬶᬫ᭄ᬲᬯᬶᬚᬶᬢᬗᬫᬸᬢ᭄ᬬᬯᬶᬡ᭄ᬥᬸᬲᬵᬭᬢᬶᬦᬭᬶᬫᬤᬾᬧᬸᬦ᭄ᬧᬓ᭄ᬱᬶᬮᬶᬯᬃᬲᬸᬓᬦᬶᬂᬗ᭄ᬳᬯᬶᬦᬰᬯᬰᬤᬶᬦᬸᬮᬸᬰᬶᬖ᭄ᬭᬳᬗ᭄ᬮᬶᬬᬦᬦᬵᬭᬶᬲᬶᬫ᭄ᬲᬶᬫᬶᬭᬦᬺᬧᬢᬶᬳᬢ᭄ᬬᬦ᭄ᬢᬲᬸᬫᬸᬦᬸᬫᬸᬢ᭄ᬬᬳᬶᬭᬩᬚ᭄ᬭ᭟ᬳᬦᬸᬮᬶᬲᬶᬭᬦ᭄ᬭᬶᬫᬧᬸᬦᬂᬲᭂᬲᭂᬭᬦ᭄ᬲᬸᬢᬺ
Kaca:Bali-lontar-gaguritan-wiryya-guna-b-300ppi.pdf/16
Kaca puniki sampun kauji-wacén
