[᭗᭙ 79B]
᭗᭙
ᬤ᭄ᬯᬓᭂᬦ᭄ᬓᬰᬓ᭄ᬢᬶ᭟᭐᭟ᬦᬵᬮᬶᬗᬶᬭᬭᬓ᭄ᬭᬶᬬᬦ᭄ᬧᬢᬶᬄᬓᬸᬦ᭄ᬥᬭᬳᬲ᭄ᬬ᭞ᬓ᭄ᬭᭀᬥᬭᬓ᭄ᬭᬶᬦ᭄ᬤᬸᬃᬩᬸᬤ᭄ᬥᬶ᭞ᬉᬰ᭄ᬯᬵᬲᬳᬤᬺᬱᭀᬲ᭄ᬬᬦ᭄᭞ᬫᬸᬓᬓᬬᬢᬶᬦ᭄ᬧᬓ᭄᭞ᬩᬵᬂᬓᬾᬢ᭄ᬭᬦ᭄ᬬᬳᬯᬶᬂᬳᬯᬶᬂ᭞ᬫᬢ᭄ᬮᬸᬫᬸᬮ᭄ᬬᬃ᭞ᬳᬮ
ᬢᬸᬮᬢᬸᬩᬳ᭄ᬦᬶ᭟᭐᭟ᬤᬶᬭᬗᬤᭂᬕ᭄ᬧ᭄ᬭᬓᭀᬧᬫᬸᬮᬢ᭄ᬦᬶᬃᬪᬬ᭞ᬳᬦ᭄ᬧᬓ᭄ᬤᬚᬦᬸᬮᬶ᭞ᬳᬗᬸᬘᬧᬲᬸᬕᬮ᭄᭞ᬳᬾᬄᬓᭀᬂᬓᬸᬦ᭄ᬥᬭᬳᬲ᭄ᬬ᭞ᬳᬦ᭄ᬢ᭄ᬬᬦ᭄ᬫ᭄ᬯᬂᬗᬶᬭᬗᬶ᭞ᬫᬭᬶᬂᬧᬲᬾᬪᬦ᭄᭞ᬮ᭄ᬯᬶᬃᬲᬢ᭄ᬯᬥᬫ
ᬩᬸᬤ᭄ᬥ᭟᭐᭟ᬫᬗ᭄ᬓᬾᬢᭀᬦ᭄ᬢᭀᬦ᭄ᬥ᭄ᬭᬷᬫᬳᬵᬭᬵᬚᬤᬶᬭᬵᬚ᭞ᬪᬝᬵᬭᬾᬂᬧᬤ᭄ᬫᬪᬹᬫᬶ᭞ᬳᬧ᭄ᬢᬶᬰᬸᬫᬷᬃᬡ᭄ᬦᬦ᭞ᬲᬯᭀᬗᭀᬂᬅᬦ᭄ᬢᬧᬸᬭ᭞ᬢᬦ᭄ᬯᬸᬦ᭄ᬲᬦᬮᬶᬓᬪᬱ᭄ᬫᬶ᭞ᬬᬦ᭄ᬓᭀᬧ᭄ᬭᬯᬶᬭ᭞ᬋᬩᬸᬢᬶᬓᬶᬤᬸᬃᬩᬸᬤ᭄ᬥᬶ᭟᭐᭟
ᬓᬭᬯᬮᬦ᭄ᬲᬓ᭄ᬯᬾᬄᬫᬦ᭄ᬢ᭄ᬭᬷᬅᬦ᭄ᬢᬧᬸᬭ᭞ᬳᬧ᭄ᬢ᭄ᬬᬫᬕᬸᬢ᭄ᬭᬶᬂᬚᬸᬭᬶᬢ᭄᭞ᬗ᭄ᬓᬲᬂᬫᬳᬵᬤ᭄ᬯᬶᬚ᭞ᬰ᭄ᬭᬷᬮᬷᬮᬧᬭᬫᬵᬃᬣ᭞ᬲᬖᭀᬭᬯᬰᬶᬖ᭄ᬭᬳᬗ᭄ᬮᬶᬂ᭞ᬤᬷᬭᬢᬗ᭄ᬕᬸᬳ᭞ᬭᬶᬂᬤᬾᬳᬥᬃᬫ᭄ᬫᬬᬸᬓ᭄ᬢᬶ᭟᭐᭟ᬥᬸᬄᬳ
[᭘᭐ 80A]
ᬦᬓᬸᬲᬗᬧᬢᬶᬄᬧᬤ᭄ᬫᬦᬵᬪ᭞ᬓᬶᬢᬭᬓ᭄ᬭᬶᬬᬦ᭄ᬤᬸᬃᬩᬸᬤ᭄ᬥᬶ᭞ᬲᬂᬲᬶᬦᬭᬪᬭ᭞ᬤᬾᬦᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬪᬹᬧᬢᬶᬂᬧᬤ᭄ᬫᬦᬵᬕᬭᬷ᭞ᬗ᭄ᬳᬶᬂᬮᬷᬮᬓ᭄ᬦ᭞ᬲᭀᬚᬭᬶᬂᬓᬵᬤᬶᬓᬫᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭞
᭐᭟ᬳᬤᬦ᭄ᬓᬶᬢᬉᬫᬢᬸᬭ᭞ᬰ᭄ᬭᬷᬂᬭᬶᬂᬰ᭄ᬭᬷᬳᬚᬶᬪᬯᬫᬹᬃᬢ᭄ᬢᬶ᭞ᬳᬬ᭄ᬯᬲᬶᬭᬓᭂᬤ᭄ᬯᬳᬃᬱ᭞ᬳ᭄ᬬᬦ᭄ᬳ᭄ᬬᬦ᭄ᬭᬶᬂᬤ᭄ᬬᬄᬲᬓ᭄ᬱ᭄ᬫᬲᬭᬷ᭞ᬧᬦ᭄ᬯᬲ᭄ᬲᬵᬫ᭄ᬧᬸᬃᬡ᭄ᬦᬳᬭᬤᬶᬦ᭄᭞ᬧᬲᬸᬂᬲᬸᬗᬶᬭᬲᬂᬧ᭄ᬭᬪᬸ᭞ᬭᬶᬂᬰ᭄ᬭᬷᬳᬚᬷᬯᬷᬃᬬ᭄ᬬᬕᬸ
ᬡ᭞ᬲᬂᬲᬵᬓ᭄ᬱᬢ᭄ᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬫᬗ᭄ᬓ᭄ᬬᬦᬸᬭᬸᬦ᭄᭞ᬲᬶᬦᬺᬱ᭄ᬝᬶᬤᬾᬳ᭄ᬬᬂᬲᬹᬓ᭄ᬱ᭄ᬫ᭟᭐᭟ᬫᬓᬳ᭄ᬬᬂᬦᬶᬂᬢ᭄ᬭᬶᬫᬦ᭄ᬤᬮ᭞ᬧᬭᬫᭀᬢ᭄ᬢᬫᬥᬃᬫ᭄ᬫᬾᬱ᭄ᬝ᭄ᬝᬶ᭞ᬤᬾᬃᬬ᭄ᬬᬲᬶᬭᬓᬸᬫᬶᬦ᭄ᬓᬶᬦᬦ᭄᭞ᬋᬱ᭄ᬝᬶᬦᬶᬂᬲᬓᬵ
ᬮᬪᬹᬫᬶ᭞ᬫᬓᬗᬸᬦᬶᬲᬸᬧᬸᬢ᭄ᬭᬷ᭞ᬲᬂᬯᬲᬸᬦ᭄ᬥᬵᬭᬶᬢᬸᬫᬸᬭᬸᬦ᭄᭞ᬫᬓᬵᬃᬤ᭄ᬥᬦᬭᬾᬰ᭄ᬯᬃᬬ᭄ᬬ᭞ᬢᬶᬦᬸᬥᬸᬄᬳ᭄ᬬᬂᬧᬰᬸᬧᬢᬶ᭞ᬲᬥᬫ᭄ᬧᬢ᭄ᬬ᭞ᬳᬫ᭄ᬩ᭄ᬭᬧ᭄ᬝᬼᬦᬶᬂᬲᬭᬵᬢ᭄᭟᭐᭟ᬬᬦ᭄ᬲᬶ
Kaca:Bali-lontar-gaguritan-wiryya-guna-a-300ppi.pdf/80
Kaca puniki sampun kauji-wacén
