[᭗᭐ 70B]
᭗᭐
ᬬᬦ᭄ᬤᬢ᭄ᬭᬧᬸᬢ᭄ᬭ᭞ᬳᬪᬶᬭᬫᬳᬦᬸᬗ᭄ᬕᬗᬶ᭞ᬭᬢᬭᬓ᭄ᬢᬯᬃᬡ᭄ᬦ᭞ᬤᬸᬫᬶᬮᬄᬮ᭄ᬯᬶᬃᬧᬯᬓ᭞ᬳᬫᬸᬢᭂᬃᬥᬦ᭄ᬥᬩᬳ᭄ᬦᬶ᭞ᬓ᭄ᬭᬸᬭᬅᬤ᭄ᬪᬸᬢ᭞ᬲᬵᬓ᭄ᬱᬢ᭄ᬳ᭄ᬬᬂᬩ᭄ᬭᬵᬳ᭄ᬫᬫᬹᬃᬢ᭄ᬢᬶ᭟᭐᭟ᬓᬸᬦᬂᬲᬶᬭᬭᬓ᭄ᬭᬶᬬᬦ᭄ᬯᬷᬭᬲᬸᬢ
ᬤᬾᬯ᭞ᬲᬵᬫ᭄ᬧᬸᬃᬡ᭄ᬦᬲᬶᬭᬫᬸᬗ᭄ᬕ᭄ᬯᬶᬂ᭞ᬭᬢᬲ᭄ᬬᬫᬯᬃᬡ᭄ᬦ᭞ᬮ᭄ᬯᬶᬃᬘᬦ᭄ᬤ᭄ᬭᬯᬶᬫ᭄ᬩᬧ᭄ᬭᬪ᭞ᬳ᭄ᬭᬸᬦᬵᬕᬧᬰᬯᬶᬦ᭄ᬦᬶᬂ᭞ᬲᬶᬭᬦᬶᬰ᭄ᬘᬮ᭞ᬮ᭄ᬯᬶᬃᬫᬳᬵᬤᬾᬯᬫᬹᬃᬢ᭄ᬢᬶ᭟᭐᭟ᬕ᭄ᬭᬶᬢ᭄ᬮᬓᬸᬦᬶᬂᬭᬢᬓ᭄ᬭᬶᬬᬦ᭄ᬓᬸᬦ᭄ᬥᬭᬳᬲ᭄ᬬ᭞
ᬭᬶᬦᭂᬗ᭄ᬕᬋᬗ᭄ᬕᬾᬂᬫᬡᬶᬓ᭄᭞ᬓᬸᬫ᭄ᬭᬫᬓᬮᬗᬦ᭄᭞ᬮᬭᬧᬫᬜ᭄ᬘᬯᬃᬡ᭄ᬦ᭞ᬜ᭄ᬚᭂᬮᬕ᭄ᬲᬶᬭᬵᬗᬸᬦ᭄ᬥᬮᭀᬭᬶ᭞ᬭᬶᬤ᭄ᬭᬵᬗᬶᬦ᭄ᬤᬭᬵᬢ᭄᭞ᬫᬓᬢᭂᬗ᭄ᬕᭂᬓ᭄ᬱᬸᬰᬓ᭄ᬢᬶ᭟᭐᭟ᬢ᭄ᬮᬲᬶᬭᬲᬸᬩᬦ᭄ᬤᬢᬶᬗ᭄ᬓᬳᬋᬧᬢ᭄᭞
ᬏᬦ᭄ᬤᬄᬮ᭄ᬯᬶᬃᬲᬹᬃᬬ᭄ᬬᬓᭀᬢᬶ᭞ᬧ᭄ᬭᬤᬶᬧ᭄ᬢᬵᬓᬵᬭᬵᬗ᭄ᬮᬶᬬᬩ᭄᭞ᬳᭀᬱ᭄ᬡᬦᬸᬗ᭄ᬕ᭄ᬯᬾᬂᬢ᭄ᬭᬶᬮᭀᬓ᭞ᬲᬸᬫᬧᬸᬄᬧ᭄ᬢᭂᬗᬶᬂᬪᬹᬫᬶ᭞ᬓᬵᬗ᭄ᬓᭂᬦ᭄ᬢᬶᬫᬶᬭ᭞ᬲᬓ᭄ᬯᬾᬳᬶᬂᬰᬢ᭄ᬭᬸᬧ᭄ᬭᬧ᭄ᬢᬶ᭟᭐᭟ᬦᭂᬗᬓ᭄ᬦᬲᬵᬓ᭄ᬱᬡᬲᬂᬯᬸᬲᬕ᭄ᬮᬃ᭞ᬓᬸ
[᭗᭑ 71A]
ᬦᬂᬯᬃᬡ᭄ᬦᬦᭂᬦ᭄ᬫᬮᬶᬄ᭞ᬲᬂᬰ᭄ᬭᬷᬪᬯᬫᬹᬃᬢ᭄ᬢ᭄ᬢ᭄ᬬ᭞ᬳᬸᬫᬶᬦᭂᬧ᭄ᬭᬶᬂᬯᬶᬦ᭄ᬥᬸᬲᬭ᭞ᬩᬵᬂᬩᬵᬂᬯᬾᬢᬦ᭄ᬲᬶᬭᬵᬢᬗᬶ᭞ᬫ᭄ᬯᬂᬬᭀᬤ᭄ᬥᬲᬗ᭄ᬕ᭄ᬬ᭞ᬓᬢ᭄ᬓᬾᬂᬧᬭᬫᬦ᭄ᬢ᭄ᬭᬷ᭟᭐᭟ᬰᬷᬖ᭄ᬭᬵᬤᬦ᭄ᬤᬦ᭄ᬢᬸᬫᬶᬢᬄᬢᬶᬢᬳᬶᬂᬩᬮ᭞ᬢᬦ᭄ᬓ
ᬭᬧᬭᬫᬦ᭄ᬢ᭄ᬭᬷ᭞ᬲᬫᬯᬸᬲ᭄ᬢᬶᬦᬶᬗ᭄ᬓᬄ᭞ᬧᬦᭂᬦ᭄ᬤᬲᬶᬂᬮᬸᬫᬫ᭄ᬧᬄ᭞ᬯᬸᬲᬋᬧᬢ᭄ᬩᬮᬫᬦ᭄ᬢ᭄ᬭᬷ᭞ᬲᬳᬲᬜ᭄ᬚᬢ᭞ᬳᬢᬶᬳᬂᬲᬓᬫᬃᬕ᭄ᬕᬶ᭟᭐᭟ᬤᬦ᭄ᬮᬸᬫᬫ᭄ᬧᬄᬧ᭄ᬭᬧ᭄ᬢᬭᬶᬂᬧᬶᬗ᭄ᬕᬶᬭᬶᬂᬓᬸᬝᬵ᭞ᬓᬗ᭄ᬕᭂᬓ᭄ᬢᬂᬩᬮᬫ
ᬦ᭄ᬢ᭄ᬭᬷ᭞ᬦ᭄ᬢᭀᬦ᭄ᬲᬜ᭄ᬚᬢᬳᬓ᭄ᬭᬫ᭄᭞ᬳᬢᬶᬧᬢᬧᬕ᭄ᬮᬃ᭞ᬓᬕᬾᬦ᭄ᬤ᭄ᬭᬲᬫᬢ᭄ᬬᬢᬶ᭞ᬳᬧ᭄ᬢᬶᬲᬸᬫᬷᬡ᭄ᬦ᭞ᬲᬓ᭄ᬯᬾᬳᬶᬂᬰᬢ᭄ᬭᬸᬧ᭄ᬭᬧ᭄ᬢᬶ᭟᭐᭟ᬲᬶᬭᬭᬓ᭄ᬭᬶᬬᬦᬧᬢᬶᬄᬭᬶᬂᬧᬤ᭄ᬫᬦᬵᬪ᭞ᬲᬶᬭᬭᬓ᭄ᬭᬶᬬᬦ᭄ᬤᬸᬃ
ᬩᬸᬤ᭄ᬥᬶ᭞ᬧ᭄ᬭᬚ᭄ᬜᬵᬕᬶᬢᬵᬓᬭ᭞ᬕᬶᬖ᭄ᬭᬳᬤᬦᬓ᭄ᬭᬫ᭞ᬕᬚᬾᬦ᭄ᬤ᭄ᬭᬩ᭄ᬬᬳᬓᬶᬦᬃᬤ᭄ᬥᬶ᭞ᬭᬓ᭄ᬭᬶᬦ᭄ᬤᬸᬃᬯᬓ᭄ᬬ᭞ᬢᬸᬮᬮᬾᬳᬗᬸᬓᬸᬳᬶ᭟᭐᭟ᬫᬸᬗ᭄ᬕ᭄ᬯᬶᬂᬤᬦ᭄ᬢᬓᬾᬭᬶᬭᬓ᭄ᬭᬶᬬᬦ᭄ᬤᬸᬃᬮᬓ᭄ᬱᬡ᭞ᬳᬗ᭄ᬕ
Kaca:Bali-lontar-gaguritan-wiryya-guna-a-300ppi.pdf/71
Kaca puniki sampun kauji-wacén
