[᭕ 5B]
᭕
ᬭᬵᬢ᭄ᬦ᭞ᬓ᭄ᬯᬢᬶᬂᬲᬭᬵᬢᬓᬓᬲᬶᬄ᭞ᬲᬯᬯᬵᬦᬹᬢ᭄᭞ᬲᬶᬭᬭᬓ᭄ᬭᬶᬬᬦ᭄ᬲ᭄ᬯᬭᬵᬦ᭄ᬢᬓ᭟᭐᭟ᬫᬗ᭄ᬕᬮᬓᬶᬤᬸᬮᬶᬂᬓᬸᬝᬵ᭞ᬧᬦ᭄ᬮᬳᬶᬭᬧᬶᬦᬹᬚᬶ᭞ᬲᬶᬭᬭᬓ᭄ᬭᬶᬬᬦ᭄ᬤᬢᬧᬸᬢ᭄ᬭ᭞ᬭᬶᬂᬭᬵ
ᬢ᭄ᬦᬓᬯᬶᬮᬤᬾᬰᬶ᭞ᬓᬶᬦᭀᬦᬗᬤᬶᬧᬢᬶ᭞ᬓᬺᬢᬵᬃᬣᬳᬜ᭄ᬚᬬᬰᬢ᭄ᬭᬸ᭞ᬭᬹᬧᬫᬳᬵᬪᬶᬭᬫ᭞ᬮ᭄ᬯᬶᬃᬤᬶᬫ᭄ᬩ᭄ᬬᬵᬢ᭄ᬫᬚᬫᬗᬮᬶᬄ᭞ᬰᬓ᭄ᬢ᭄ᬬᬦᬸᬮᬸᬲ᭄᭞ᬢᬦ᭄ᬧᬗ᭄ᬭᬲᬾᬂᬗ᭄ᬕᬪᬬ᭟᭐᭟ᬓᬂᬫᬸ
ᬗ᭄ᬕ᭄ᬯᬶᬂᬓᬸᬮ᭄ᬯᬦᬶᬂᬓᬸᬝᬵ᭞ᬭᬶᬂᬭᬵᬢ᭄ᬦᬓᬜ᭄ᬘᬦᬤᬾᬰᬶ᭞ᬲᬶᬭᬭᬓ᭄ᬭᬶᬬᬦ᭄ᬲᬸᬢᬤᬾᬯ᭞ᬲᬶᬦᬭᬳᬗᬤᭂᬕ᭄ᬫᬦ᭄ᬢ᭄ᬭᬶ᭞ᬲᬸᬮᬓ᭄ᬱᬡᬧ᭄ᬭᬚᬸᬭᬶᬢ᭄᭞ᬧ᭄ᬭᬕᬶᬯᬓᬳᬦᭀᬫ᭄ᬩᬕᬸᬲ᭄᭞ᬳᬲᬶᬳᬶᬂᬧᬭᬚᬦ
᭞ᬮ᭄ᬯᬶᬃᬲᬶᬭᬧᬢᬶᬄᬲᬸᬫᬦ᭄ᬢ᭄ᬭᬶ᭞ᬧ᭄ᬭᬚ᭄ᬜᬵᬦᬸᬮᬸᬲ᭄᭞ᬫᬶᬦᬓᬶᬘᬶᬢ᭄ᬢᬦᬶᬂᬢ᭄ᬯᬦ᭄᭟᭐᭟ᬓᬸᬦᬂᬲᬂᬳᬗᬤᭂᬕ᭄ᬫᬢ᭄ᬭᬶᬬ᭞ᬲᬕᭀᬭᬶᬂᬓᬸᬝᬵᬦᬵᬕᬭᬷ᭞ᬲᬶᬭᬓ᭄ᬭᬶᬬᬦ᭄ᬫᬥᬸᬲᭀᬥᬦ᭞ᬧᬶᬦ᭄ᬭᬢᬶ
[᭖ 6A]
ᬱ᭄ᬝᬅᬤᬶᬧᬢᬶ᭞ᬤᬾᬭᬰ᭄ᬭᬷᬦᬵᬭᬧᬢᬶ᭞ᬭᬶᬂᬦᬵᬕᬭᬭᬵᬢ᭄ᬦᬳᬸᬮᬸᬂ᭞ᬯ᭄ᬭᬸᬄᬭᬶᬂᬦᬬᬯᬶᬦᬬ᭞ᬯᬶᬯᬾᬓᬧᬰ᭄ᬘᬢ᭄ᬭᬶᬂᬚᬸᬭᬶᬢ᭄᭞ᬚᬬᬰᬢ᭄ᬭᬸ᭞ᬲᬢ᭄ᬰ᭄ᬭᬷᬳᬚᬷᬚᬦᬃᬥᬦ᭟᭐᭟ᬫᬓᬵᬕ᭄ᬭ
ᬦᬶᬂᬘᬸᬤᬫᬓ᭄ᬬ᭞ᬳᬶᬦᬋᬧᬋᬧ᭄ᬦᬺᬧᬢᬶ᭞ᬧᬸᬗ᭄ᬕᬦᬶᬂᬓᬺᬢᭀᬧᬧᬢ᭄ᬬ᭞ᬰᬸᬤ᭄ᬥᬦᬶᬂᬧᬭᬫᬋᬱᬶ᭞ᬯᬸᬲ᭄ᬓᬮᬸᬫ᭄ᬭᬄᬭᬶᬂᬪᬸᬫᬶ᭞ᬧᬸᬱ᭄ᬧᬢᬦᬶᬭᬫᬳᬵᬫ᭄ᬧᬸ᭞ᬤᬗ᭄ᬳ᭄ᬬᬂᬰᬹᬦ᭄ᬬᬯᬶᬦᬪᬯ᭞ᬲᬸᬲ᭄ᬭᬫᬧ᭄ᬭᬚ᭄ᬜᬵ
ᬥᬃᬫᬾᬲ᭄ᬢᬶ᭞ᬢ᭄ᬯᬕᬾᬂᬢᬸᬢᬸᬃ᭞ᬰᬸᬤ᭄ᬥᬵᬚ᭄ᬜᬵᬦᬲᬢ᭄ᬬᬾᬂᬯᬾᬥ᭟᭐᭟ᬮ᭄ᬯᬶᬃᬪᬕᬯᬵᬦ᭄ᬫᬃᬓᬦ᭄ᬤᬾᬬ᭞ᬬᬦ᭄ᬭᬶᬂᬧ᭄ᬭᬚ᭄ᬜᬵᬰᬵᬲ᭄ᬢ᭄ᬭᬳᬚᬷ᭞ᬬᬦ᭄ᬭᬶᬂᬕᬸᬡᬦᬬᭀᬧᬬ᭞ᬢᬸᬮ᭄ᬬᬘᬗ᭄ᬳ᭄ᬬᬂᬯᬺᬳᬲ᭄ᬧᬢᬶ
᭞ᬭᬶᬂᬥᬦᬸᬃᬘᬾᬤᬲᬶᬤᬶ᭞ᬮ᭄ᬯᬶᬃᬯᬶᬧ᭄ᬭᬭᬵᬫᬧᬭᬰᬸ᭞ᬳᬦ᭄ᬢ᭄ᬬᬦ᭄ᬢᬵᬲᬶᬄᬦᬭᬾᬦ᭄ᬤ᭄ᬭ᭞ᬭᬶᬂᬳᬵᬤᬤ᭄ᬯᬬᬲᬂᬋᬱᬶ᭞ᬯᬸᬲ᭄ᬓᬭᬗ᭄ᬲᬸᬓ᭄᭞ᬤᬶᬯ᭄ᬬᬦᬶᬂᬚ᭄ᬜᬵᬦᬲᬂᬧᬦ᭄ᬥᬶᬢ᭟᭐᭟ᬬᬳᬾᬢᬸᬘᬶᬢ᭄ᬢᬲᬂᬦᬵ
Kaca:Bali-lontar-gaguritan-wiryya-guna-a-300ppi.pdf/6
Kaca puniki sampun kauji-wacén
