[᭕᭒ 52B]
᭕᭒
ᬫᬭᬶᬂᬭᬓ᭄ᬭᬶᬬᬦᬧᬢᬶᬄ᭞ᬓᬺᬢᬘᬶᬢ᭄ᬢᬢᬫᬾᬂᬭᬹᬫ᭄ᬭᬹᬫ᭄᭞ᬓᬾᬦ᭄ᬫᬗᬸᬮᬗᬶᬗᬸᬘᬧ᭄᭞ᬳᬾᬦ᭄ᬤᬄᬬᬸᬓ᭄ᬢᬶ᭞ᬳᬶᬓᬶᬢᬧᬭᬃᬣᬦᬦᬶᬗ᭄ᬲᬸᬦ᭄᭞ᬤᬸᬫᬤᬓ᭄ᬓᬾᬦ᭄ᬫᬥᬸᬭᬵᬕ᭞ᬫᬓᬕᬜ᭄ᬚᬭᬦᬶᬂᬫᬦ᭄ᬢ᭄ᬭᬷ
᭐᭟ᬭᬶᬲᬶᬭᬭᬓ᭄ᬭᬶᬬᬦ᭄ᬲ᭄ᬯᬭᬦ᭄ᬢᬓ᭞ᬰᬺᬗ᭄ᬕᬭᬵᬮᭀᬦ᭄ᬓᬾᬧᬤ᭄ᬫᬭᬵᬕᬳᬗ᭄ᬮᬶᬂ᭞ᬥᬸᬄᬬᬬᬶᬓᬓᬲᬶᬳᬶᬗ᭄ᬲᬸᬦ᭄᭞ᬓᬾᬦ᭄ᬧᬸᬱ᭄ᬧᬓᬦᬶᬖᬭ᭞ᬳᬶᬦᬲ᭄ᬢᬸᬢᬶᬤᬾᬦᬶᬭᬲᬂᬫᬳᬵᬧ᭄ᬭᬪᬸ᭞
ᬓᬶᬦᭀᬦᬫᬭᬶᬯᬺᬢ᭞ᬧᬸᬦ᭄ᬲᬸᬢᬤᬾᬯᬧᬶᬦᬹᬚᬶ᭟᭐᭟ᬫ᭄ᬯᬂᬓᬾᬦ᭄ᬧᬸᬱ᭄ᬧᬓᬦᬶᬖᬭ᭞ᬳᬲ᭄ᬫᬸᬕᬸᬬᬸᬰᬺᬗ᭄ᬕᬭᬳᬗ᭄ᬭᬶᬫᬗᬶ᭞ᬥᬸᬄᬓᬓᬚᬷᬯᬵᬢ᭄ᬫᬦᬶᬗ᭄ᬲᬸᬦ᭄᭞ᬓᬓᬓᬾᬦ᭄ᬧᬤ᭄ᬫᬭᬵᬕ
᭞ᬫᭀᬖᬲᬶᬭ᭞ᬢᬶᬦᬭᬶᬫᬓᭂᬦ᭄ᬲᬂᬧ᭄ᬭᬪᬸ᭞ᬭᬶᬂᬭᬓ᭄ᬭᬶᬬᬦ᭄ᬤᬢ᭄ᬭᬧᬸᬢ᭄ᬭ᭞ᬳᬳᭂᬦ᭄ᬢ᭄ᬬᬦ᭄ᬳᭂᬦ᭄ᬢ᭄ᬬᬦ᭄ᬲᬦ᭄ᬲᬭᬫᬶᬦ᭄᭟᭐᭟ᬓᬾᬦ᭄ᬫᬗᬸᬮᬗᬶᬳᬗᬸᬘᬧ᭄᭞ᬳᬶᬄᬳᬭᬶᬂᬓᬸ᭞ᬤ᭄ᬬᬄᬧᬤ᭄ᬫᬦᬶᬮᬯᬢᬶ᭞
᭕᭓ 53A]
ᬲᬯᬯᬲᬶᬭᬲᬶᬦᬶᬦᬸᬂ᭞ᬭᬓ᭄ᬭᬶᬦ᭄ᬫᬥᬸᬲᬸᬥᬦ᭞ᬧᬦ᭄ᬕᬢ᭄ᬭᬦ᭄ᬢ᭞ᬮ᭄ᬯᬶᬃᬳᬬᬸᬦᬶᬂᬢᬸᬚᬸᬂᬪᬷᬭᬸ᭞ᬲᬦᬶᬰ᭄ᬘᬬᬲᬶᬭᬤᬺᬫᬦ᭞ᬭᬶᬂᬲᬂᬮ᭄ᬯᬶᬃᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭟᭐᭟ᬢᬗ᭄ᬳᬾᬄᬬᬤᬶᬦ᭄ᬓ᭞ᬢᬓ᭄ᬦ
᭞ᬲᬭᬭᬲᬶᬂᬭᬵᬢ᭄ᬦᬵᬗ᭄ᬕᬡᬭᬶᬂᬧᬸᬭᬷ᭞ᬧᭀᬮᬳᬶᬂᬩ᭄ᬭᬢᬳᬸᬮᬗᬸᬦ᭄᭞ᬢᬸᬘᬧᬰ᭄ᬭᬷᬦᬭᬾᬦ᭄ᬤ᭄ᬭ᭞ᬯᬶᬃᬬᬕᬸᬡ᭞ᬲᬵᬫ᭄ᬧᬸᬭᬲᬶᬭᬤᬶᬦᬸᬦᬸᬂ᭞ᬲᬓᬢᭂᬦ᭄ᬯᬲ᭄ᬢᬸᬢᬶᬦ᭄ᬓᬦ᭄᭞ᬳᬦᬫ᭄ᬢᬫ᭄ᬲᬃᬯ᭄ᬯᬪᬶ
ᬦᬶᬓ᭄ᬢᬶ᭟᭐᭟ᬲᬓ᭄ᬭᬶᬳᬶᬂᬯᭀᬗᬗ᭄ᬕᬤ᭄ᬯᬶᬧ᭞ᬲᬫᬲᬸᬓᬲ᭄ᬯᬢ᭄ᬭᬧᬶᬦᬲᬚᬶ᭞ᬲᬃᬯ᭄ᬯᬲᬸᬭᬲᬧᬶᬦᬸᬧᬸᬮ᭄᭞ᬧᬶᬦᬓᬧᬫ᭄ᬬᬧᬭ᭞ᬓᬤᬶᬕᬸᬦ᭄ᬢᬸᬃ᭞ᬤᬺᬯᬶᬡᬳᬸᬮᬫ᭄ᬮᬦ᭄ᬲ᭄ᬓᬸᬮ᭄᭞ᬭᬶᬯᬸᬲᬶᬭᬲ
ᬫ᭄ᬯᬦᬥᬄ᭞ᬫᬜ᭄ᬚᬶᬂᬭᬶᬂᬯᬶᬭᬬᬢᬦᬶ᭟᭐᭟ᬓᬸᬦᬂᬘᬢᬸᬭᬗ᭄ᬕᬩᬮ᭞ᬯᬶᬦᬶᬪᬕᬤᬾᬦᬶᬭᬭᬓ᭄ᬭᬶᬬᬦ᭄ᬧᬢᬶᬄ᭞ᬳᬦᬫᬓ᭄ᬫᬶᬢ᭄ᬭᬶᬂᬍᬩᬶᬄ᭞ᬳᬦᬳᬦᬾᬂᬧᬗᬲ᭄ᬢ᭄ᬭᬶᬬᬦ᭄᭞ᬲᬫᬬ
Kaca:Bali-lontar-gaguritan-wiryya-guna-a-300ppi.pdf/53
Kaca puniki sampun kauji-wacén
