[᭔᭕ 45B]
᭔᭕
ᬭᬲᬶ᭞ᬳᬾᬦ᭄ᬤᬄᬮᬗᬸ᭞ᬮ᭄ᬯᬶᬃᬓᬤᬶᬦᬦ᭄ᬥᬦᬯᬦ᭟᭐᭟ᬳᭂᬦ᭄ᬢᬶᬳᬃᬱᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬓᬾᬭᬶᬂᬲᬂᬫᬳᬵᬬᬢᬶ᭞ᬫᬸᬮᬢ᭄ᬭᬫ᭄ᬬᬦᬶᬂᬉᬥ᭄ᬬᬦ᭞ᬢᬤᬦ᭄ᬢᬭᬮᬸᬫᬭᬶᬲ᭄᭞ᬲᬓ᭄ᬯᬾᬳᬶᬂᬩᬮᬫᬦ᭄ᬢ᭄ᬭᬷ᭞ᬧᬸ
ᬦᬶᬰ᭄ᬯᬭᬦ᭄ᬢᬓᬭᬶᬂᬳᬬᬸᬦ᭄᭞ᬧᬸᬦ᭄ᬧᬢᬶᬄᬓᬺᬢᬘᬶᬢ᭄ᬢ᭞ᬮᬸᬫᬓ᭄ᬯᬶᬂᬳᬃᬱᬧᬢᬶ᭞ᬓᬤᬶᬕᬸᬦ᭄ᬢᬸᬃ᭞ᬮᬓᬸᬦᬶᬂᬕᬚᬢᬸᬭᬗ᭄ᬕ᭟᭐᭟ᬫᬾᬄᬧ᭄ᬭᬧ᭄ᬢᬢᭂᬧᬶᬦᬶᬂᬓᬸᬢ᭞ᬦᬶᬓᬂᬭᬵᬚ᭄ᬬᬤ᭄ᬬᬦ᭄ᬢᬧᬸᬭᬷ᭞ᬢᬸᬘᬧᬰ᭄ᬭᬷ
ᬦᬭᬦᬵᬣ᭞ᬫᬳᬵᬭᬵᬚᬚᬮᬲᬶᬤ᭄ᬥᬶ᭞ᬯᭀᬦ᭄ᬢᭂᬦᬶᬂᬧᬜ᭄ᬘᬦᬶᬢᬶ᭞ᬲᬶᬦᬾᬪᬭᬶᬂᬧᬭᬭᬢᬸ᭞ᬢᬦ᭄ᬤᬫᬦ᭄ᬢ᭄ᬭᬷᬳᬲᬦᬶᬓ᭞ᬫᬓᬵᬤᬶᬬᬭᬓ᭄ᬭᬶᬬᬦ᭄ᬧᬢᬶᬄ᭞ᬫᬸᬗ᭄ᬕ᭄ᬯᬶᬂᬳᬬᬸᬦ᭄᭞ᬫᬓᬧᬸᬃᬩ᭄ᬯᬦᬶᬂᬢᬗᬶᬮᬦ᭄᭞
᭐᭟ᬧᭂᬧᭂᬓ᭄ᬱᬂᬧᬭᬧᬸᬚᬗ᭄ᬕ᭞ᬰᬾᬯᬲᭀᬕᬢᬮᬶᬦ᭄ᬯᬶᬄ᭞ᬲᬂᬫᬓᬵᬕ᭄ᬭᬘᬶᬥᬫᬡ᭄ᬯ᭞ᬲᬶᬦᬦ᭄ᬤᬶᬂᬤᭂᬭᬦᬺᬧᬢᬶ᭞ᬳᬾᬦ᭄ᬤᬄᬮ᭄ᬯᬶᬃᬕᬸᬦᬸᬂᬲᬭᬷ᭞ᬢᬗ᭄ᬓᬶᬮᬦᬶᬭᬲᬂᬧ᭄ᬭᬪᬸ᭞ᬲᬫᬳᬭᬋᬫᬢ᭄ᬯᬂ᭞
[᭔᭖ 46A]
ᬫᬋᬓᬗᬤᭂᬧᬶᬂᬓ᭄ᬱᬶᬣᬶ᭞ᬓᬤᬶᬢ᭄ᬤᬸᬄ᭞ᬦᬶᬂᬚᬮᬤᬶᬫᬥᬸᬫᬲ᭟᭐᭟ᬲ᭄ᬤᭂᬗᬶᬭᬗᬸᬘᬧᬸᬘᬧ᭄᭞ᬳᬶᬦᬶᬭᬶᬂᬤᬾᬲᬂᬫᬳᬵᬋᬱᬶ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬯᭀᬗᬦᭂᬫ᭄ᬩᬄ᭞ᬫᬵᬢᬸᬃᬭᬶᬂᬚᭂᬂᬰ᭄ᬭᬷᬪᬹᬧᬢᬶ᭞ᬳᬦᭂ
ᬗ᭄ᬕᬶᬄᬰ᭄ᬭᬷᬪᬹᬧᬢᬶ᭞ᬯᬶᬃᬬ᭄ᬬᬕᬸᬡᬯᬸᬲ᭄ᬢᬸᬫ᭄ᬤᬸᬦ᭄᭞ᬭᬶᬂᬕᬗ᭄ᬕᬯᬶᬦ᭄ᬤᬸᬲᬭ᭞ᬲᬳᬵᬩᬮᬬᭀᬤ᭄ᬥᬫᬦ᭄ᬢ᭄ᬭᬷ᭞ᬲᬺᬱᭃᬓ᭄ᬧ᭄ᬦᬸᬄ᭞ᬓᬃᬬ᭄ᬬᬭᬃᬬ᭄ᬬᬦ᭄ᬭᬶᬂᬕᬗ᭄ᬕ᭟᭐᭟ᬕᬃᬚ᭄ᬚᬶᬢᬰ᭄ᬭᬷᬫᬳᬵᬭᬵᬚ᭞ᬳᬸᬫᬸᬢᬸᬲ᭄ᬭᬓ᭄ᬭᬶᬬᬦᬧᬢᬶᬄ
᭞ᬳᬶᬄᬓᬶᬢᬓᬸᬦ᭄ᬤᬭᬳᬲ᭄ᬬ᭞ᬰᬷᬖ᭄ᬭᬢᬲᬶᬭᬮᬸᬫᬭᬶᬲ᭄᭞ᬉᬫᬶᬭᬶᬂᬲᬂᬫᬳᬵᬋᬱᬶ᭞ᬓᬶᬢᬓᬶᬦᭀᬦ᭄ᬲᬸᬦᬫ᭄ᬢᬸᬓ᭄᭞ᬲᬶᬭᬧᬢᬶᬄᬳᬯᭀᬢ᭄ᬲ᭄ᬓᬃ᭞ᬳᬸᬫᬗ᭄ᬓᬢ᭄ᬫᬶᬭᬶᬂᬲᬂᬋᬱᬶ᭞ᬤᬦ᭄ᬮᬸᬫᬓᬸ᭞ᬓᬸᬦᬂᬲᬶᬭ
ᬰ᭄ᬭᬷᬦᬭᬾᬦ᭄ᬤ᭄ᬭ᭟᭐᭟ᬲᬃᬚ᭄ᬚᬯᬫᬦᬶᬲᬗᬸᬘᬧ᭄᭞ᬳᬶᬄᬓᬶᬢᬧᬭᬤᬶᬫᬦ᭄ᬢ᭄ᬭᬶ᭞ᬤᬾᬲ᭄ᬰᬷᬖ᭄ᬭᬳᬗ᭄ᬬᬕᬢ᭞ᬮᬦ᭄ᬢᬭᬦᬧᬸᬦᬂᬫᬃᬕ᭄ᬕᬶ᭞ᬅᬲ᭄ᬢᬫᬶᬓᬂᬧᬢᬦᬶ᭞ᬲᬂᬧᬭᬫᬦ᭄ᬢ᭄ᬭᬷᬳᬦᬸᬳᬸᬦ᭄᭞
Kaca:Bali-lontar-gaguritan-wiryya-guna-a-300ppi.pdf/46
Kaca puniki sampun kauji-wacén
