[᭓᭔ 34B]
᭓᭔
ᬲ᭄ᬢᬗ᭄ᬓᬭ᭞ᬦᭂᬫ᭄ᬩᬄᬳᬗ᭄ᬯᬶᬢ᭄ᬮᬸᬫᬫ᭄ᬧᬄ᭞ᬢᬦ᭄ᬓᬯᬃᬡ᭄ᬦᬾᬂᬳᬯᬦ᭄ᬕᭂᬮᬶᬲ᭄᭞ᬲᬧ᭄ᬢᬤᬶᬯᬲ᭞ᬥᬢᭂᬂᬭᬶᬂᬅᬗ᭄ᬕᬧᬸᬭᬷ᭟᭐᭟ᬦ᭄ᬤᬦ᭄ᬓᬳᬤᬂᬰ᭄ᬭᬷᬦᬭᬦᬵᬣᬲᬶᬦᬾᬪ᭞ᬳᬯᬢᬓᬤᬶᬂᬮᬕᬶ᭞ᬥᬂᬳ᭄ᬬᬂᬧᬸᬭᭀ
ᬳᬶᬢ᭞ᬓ᭄ᬭᬶᬬᬦ᭄ᬧᬢᬶᬄᬓᬺᬢᬘᬶᬢ᭄ᬢ᭞ᬚᬬᬰᬭᬡᬮᬸᬫᬭᬶᬲ᭄᭞ᬫᬭᬾᬂᬯᬢᬗᬦ᭄᭞ᬲᬸᬫ᭄ᬬᭀᬓ᭄ᬕᬶᬭᬗᬶᬂᬫᬦ᭄ᬢ᭄ᬭᬷ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬂᬧ᭄ᬭᬧ᭄ᬢᬲᬫᬗ᭄ᬮᬸᬂᬳᬗ᭄ᬕ᭞ᬳᬫᭂᬦ᭄ᬤᭂ
ᬓᬗᬦ᭄ᬤᬧᬲ᭄ᬭᬷ᭞ᬳᬦᭂᬫ᭄ᬩᬄᬭᬶᬚᭂᬂᬲᬂᬓᬢᭀᬂ᭞ᬲᬂᬦᬵᬣᬳᬦ᭄ᬤᬸᬓᬶᬂᬮᬶᬭᬶᬂ᭞ᬲᬳᬯᬦᬳᬭᬶᬲ᭄᭞ᬮ᭄ᬯᬶᬃᬳᬲᬶᬭᬵᬢ᭄ᬲᬶᬭᬵᬢ᭄ᬫᬥᬸ᭞ᬤᬢᭂᬂᬧᭀᬲᬂᬩ᭄ᬭᬵᬳ᭄ᬫᬡ᭞ᬳᬧᬢᬶᬄᬧᭀᬓᬶᬢᬓᬮᬶᬄ᭞ᬚᬬᬰ᭄ᬭ
ᬡ᭞ᬮᬶᬯᬃᬲᬸᬓᬘᬶᬢ᭄ᬢᬦᬶᬗ᭄ᬯᬂ᭟᭐᭟ᬧᬶᬭᬂᬤᬶᬦᬳᬦᬾᬂᬳᬯᬦ᭄᭞ᬭᬓ᭄ᬭᬶᬬᬦ᭄ᬧᬢᬶᬄᬳᬯᭀᬢ᭄ᬲᬭᬷ᭞ᬧᬸᬓᬸᬮᬸᬦ᭄ᬧᬝᬶᬓ᭄ᬪᬝᬵᬭ᭞ᬧᬶᬢᬸᬂᬯᬾᬢᭀᬦ᭄ᬢᭂᬦ᭄ᬭᬶᬂᬫᬃᬕ᭄ᬕᬶ᭞ᬲᬂᬦᬵᬣᬳᬦᬯᬸᬭᬶᬦ᭄᭞ᬧᬸᬦ
[᭓᭕ 35A]
ᬧᬕᬢᬶᬦᬶᬂᬮᬓᬸ᭞ᬳᬮᬮ᭄ᬲᬸᬦᬢᬶᬳᬢ᭄ᬬ᭞ᬭᬓ᭄ᬭᬶᬬᬦ᭄ᬧᬢᬶᬄᬉᬫᬮᬢ᭄ᬭᬶᬂ᭞ᬫᬳᬵᬧᬦ᭄ᬥ᭄ᬬ᭞ᬯ᭄ᬭᬸᬳᬶᬗ᭄ᬕᬶᬢᬦ᭄ᬳᭂᬃᬫᭀᬚᬃ᭟᭐᭟ᬓ᭄ᬬᬬᬶᬉᬕᬉᬫᬢᬸᬭ᭞ᬭᬶᬚᭂᬗᬶᬭᬰ᭄ᬭᬷᬪᬹᬧᬢᬶ᭞ᬫᬗ᭄ᬓᬮᬶᬗᬶᬭᬮ
ᬰ᭄ᬘᬃᬬ᭄ᬬ᭞ᬓᬳᬢᬸᬃᬭᬾᬓᬳᬕ᭄ᬮᬶᬲ᭄᭞ᬯᬶᬦᬘᬤᬾᬦᬺᬧᬢᬶ᭞ᬭᬲᬦ᭄ᬬᬯᬸᬲ᭄ᬓᬧᬶᬢᬸᬳᬸ᭞ᬳᭂᬦ᭄ᬢᬶᬕᬶᬭᬂᬭᬶᬂᬘᬶᬢ᭄ᬢ᭞ᬯᬶᬦᬵᬲᬯᬵᬲᬓᬂᬢᬸᬮᬶᬲ᭄᭞ᬢ᭄ᬳᭂᬂᬓᬵᬢᬸᬃ᭞ᬭᬶᬂᬥᬂᬕᬸᬭᬸᬧᬗᭂᬫ᭄ᬧ᭄ᬯᬦ᭄᭟᭐᭟ᬥᬂᬕᬸ
ᬭᬸᬦ᭄ᬤᭂᬃᬳᬗ᭄ᬯᬘ᭞ᬩᬶᬦ᭄ᬬᬓ᭄ᬢᬳᬋᬧᬶᬂᬫᬦ᭄ᬢ᭄ᬭᬷ᭞ᬲᬫᬵᬃᬱᬲᬸᬓᬕᬃᬚ᭄ᬚᬶᬢ᭞ᬲᬓ᭄ᬯᬾᬳᬶᬂᬲᬂᬳᬫ᭄ᬬᬃᬱᬶ᭞ᬫᬸᬓ᭄ᬬᬲᬂᬧᬭᬫᬦ᭄ᬢ᭄ᬭᬷ᭞ᬳᬩᬶᬗᬃᬢ᭄ᬬᬲᬾᬳᬗ᭄ᬭᬸᬗᬸ᭞ᬲᬶᬭᬧᬢᬶᬄᬳᬦᭂᬫ᭄ᬩᬄ᭞ᬫᬸᬘᬧ᭄ᬘᬭᬡᬦᬺᬧᬢᬶ᭞ᬳ
ᬫᭀᬢᬓᭂᬦ᭄᭞ᬅᬚ᭄ᬜᬵᬲᬂᬰ᭄ᬭᬷᬚᬮᬲᬶᬥ᭄ᬬ᭟᭐᭟ᬲᬫᬯᬶᬦᬢ᭄ᬭᬦ᭄ᬲᬶᬦᭂᬫ᭄ᬩᬄ᭞ᬳᬦᬸᬮᬶᬤᬢᭂᬂᬧᬶᬲᬳᬶᬦ᭄᭞ᬧᬲᬸᬂᬲᬸᬗᬶᬭᬲᬂᬓᬢᭀᬂ᭞ᬭᬶᬂᬲᬶᬭᬲᬂᬯᬯᬸᬧ᭄ᬭᬧ᭄ᬢᬶ᭞ᬮᬶᬗᬶᬭᬰ᭄ᬭᬷᬪᬹᬧᬢᬶ᭞ᬮᬄ
Kaca:Bali-lontar-gaguritan-wiryya-guna-a-300ppi.pdf/35
Kaca puniki sampun kauji-wacén
