[᭓᭑ 31B]
᭓᭑
ᬓᬾᬰᬦᬶᬭᬲᬸᬤᬾᬯᬷ᭞ᬚᬶᬦᬯᬸᬳᬦᬸᬚᬃ᭞ᬦᬶᬦᬶᬅᬢ᭄ᬫᬚᬷᬯᬦᬶᬗ᭄ᬯᬂ᭞ᬮᬶᬯᬃᬲᬸᬓᬂᬓᬸᬳᬧᬸᬢ᭄ᬭᬷ᭞ᬳ᭄ᬬᬂᬦᬶᬂᬅᬚ᭄ᬜᬵᬦ᭞ᬫᬰᬭᬷᬭᬳᬦ᭄ᬤᬶᬭᬶ᭟᭐᭟ᬦᬶᬢ᭄ᬬᬳᬫᬤᬗᬶᬢ᭄ᬯᬲ᭄ᬦᬶᬂᬭᬵᬫᬦᬶᬭ᭞ᬲᬓᬰᬲᬧ᭄ᬭ
ᬣᬶᬯᬷ᭞ᬩ᭄ᬯᬢ᭄ᬲᬶᬄᬓᬸᬳᬧᬸᬢ᭄ᬭ᭞ᬥᬸᬄᬅᬢ᭄ᬫᬚᬷᬯᬦᬶᬗ᭄ᬯᬂ᭞ᬤᬾᬦ᭄ᬢᬸᬮᬸᬲ᭄ᬰᬺᬥᬦ᭄ᬢᬦᬶᬦᬶ᭞ᬯᬶᬮᬲᬭᬶᬗ᭄ᬯᬂ᭞ᬢᬸᬳ᭄ᬯᬫᬸᬤ᭄ᬥᬧᬶᬗ᭄ᬕᬶᬂ᭟᭐᭟ᬫᬗ᭄ᬓᬾᬦᬶᬦᬶᬮᬶᬦᬫᬭᬶᬂᬅᬗ᭄ᬕᬤ᭄ᬯᬶᬧ᭞ᬧ᭄ᬭᬪᬸᬳᬦᬶᬫᬦᬵᬫᬶᬰ᭄ᬭᬷ
ᬯᬶᬃᬬ᭄ᬬᬕᬸᬡ᭞ᬲᬶᬤ᭄ᬥᬫᬳᬵᬧᬸᬭᬸᬱ᭟ᬥᬃᬫ᭄ᬫᬧᬭᬫᬵᬃᬣᬩᬸᬤ᭄ᬥᬶ᭞ᬳᬜᬓ᭄ᬭᬚᬕᬢ᭄᭞ᬓᬮᭀᬓᬾᬂᬦᬹᬱᬵᬦ᭄ᬢᬭᬶ᭟᭐᭟ᬓ᭄ᬱᬫᬓ᭄ᬦᬳᬚᬦᬶᬦᬶᬲᬮᬄᬳᬃᬱ᭞ᬧᭀᬮᬄᬳᬶᬗ᭄ᬲᬸᬦᬶᬂᬗᬹᬦᬷ᭞ᬓᬵ
ᬤᬶᬓᬯᬥᬕᬦ᭄᭞ᬓᬮᭀᬜ᭄ᬚᭀᬓ᭄ᬢᬸᬫᬭᬶᬫ᭞ᬲᬾᬯᬮᬫ᭄ᬯᬂᬭᬚᬧᬾᬦᬶ᭞ᬢᬦ᭄ᬲᬗ᭄ᬓᬾᬩ᭄ᬭᬦ᭄ᬢ᭞ᬳ᭄ᬬᬸᬦ᭄ᬳ᭄ᬬᬸᬦ᭄ᬭᬶᬂᬫᬵᬲ᭄ᬫᬡᬶᬓ᭄᭟᭐᭟ᬢᬦ᭄ᬲᬗ᭄ᬓᬭᬶᬂᬳᬯ᭄ᬤᬶᬤᬶᬦᭀᬦ᭄ᬭᬶᬂᬬᬸᬤ᭄ᬥ᭞ᬢᬦᬶᬗ᭄ᬯᬂᬯ᭄ᬤᬶᬧᬢᬶ
[᭓᭒ 32A]
᭞ᬢᬦ᭄ᬮᬮᬶᬲ᭄ᬓᬭᬡ᭞ᬓᬮᬶᬗᬓ᭄ᬯᬳᬦᬓᬶᬗ᭄ᬯᬂ᭞ᬧᬗ᭄ᬤᬦᬶᬂᬯᬶᬥᬶᬳᬦᬺᬱ᭄ᬝᬶ᭞ᬳᬢᭂᬫ᭄ᬯᬾᬂᬲᬶᬭ᭞ᬫᬓᬃᬤ᭄ᬥᬦᬭᬾᬰ᭄ᬯᬭᬷ᭟᭐᭟ᬤᬸᬓᬶᬂᬗᬹᬦᬷᬲᬧ᭄ᬭᬧ᭄ᬢᬦᬶᬓᬂᬳᬸᬢᬸᬲᬦ᭄᭞ᬢ᭄ᬳᭂᬃᬫᬦᬶᬭᬦᬶᬦᬶ᭞ᬓ
ᬭᬶᬫᬸᬫᬲᬓᬮᬯᬵᬦ᭄ᬲᬶᬭᬥᬂᬕᬸᬭᬸ᭞ᬫᬸᬓ᭄ᬬᬲᬶᬭᬭᬓ᭄ᬭᬶᬬᬦ᭄ᬧᬢᬶᬄ᭞ᬫ᭄ᬯᬂᬫᬦ᭄ᬢ᭄ᬭᬷᬢᬦ᭄ᬤ᭞ᬚᬕ᭄ᬤᬢᭂᬂᬲᬂᬲᬶᬤ᭄ᬥᬋᬱᬶ᭟᭐᭟ᬢᬦ᭄ᬧᬲᬗ᭄ᬓᬚᬸᬫᭀᬕ᭄ᬧ᭄ᬭᬧ᭄ᬢᬭᬶᬂᬯᬢᬗᬦ᭄᭞ᬫᬭᬄᬫᬭᬳᬶᬓ
ᬫᬶ᭞ᬭᬶᬂᬧᬹᬃᬯ᭄ᬯᬦᬶᬂᬤᬤ᭄ᬬ᭞ᬦᬶᬭᬰ᭄ᬭᬷᬯᬶᬃᬬ᭄ᬬᬕᬸᬡ᭞ᬫ᭄ᬯᬂᬲᬶᬭᬭᬵᬦᬓ᭄ᬦᬶᬦᬶ᭞ᬯᬸᬲ᭄ᬓᬧ᭄ᬭᬢ᭄ᬬᬓ᭄ᬱ᭞ᬲ᭄ᬯᬓᬃᬫ᭄ᬫᬦᬶᬂᬤᬸᬫᬤᬶ᭟᭐᭟ᬦ᭄ᬤᬦ᭄ᬓᬢᬳᬭᬶᬂᬚ᭄ᬜᬵᬦᬲᬂᬫᬳᬵᬧᬦ᭄ᬤ᭄ᬬ᭞ᬬᬦ᭄ᬢᬦ᭄ᬓᬲᭂᬗ᭄ᬓᬾᬂᬕᬢᬶ᭞ᬯᬭ
ᬯᬭᬄᬳᬶᬭ᭞ᬢ᭄ᬳᭂᬃᬳᬲᬸᬂᬦᬸᬕ᭄ᬭᬳ᭞ᬧᬭᬫᭀᬢ᭄ᬢᬫᬮᬶᬦ᭄ᬯᬶᬄ᭞ᬓᬤᬶᬯ᭄ᬬᬘᬓ᭄ᬱ᭄ᬯᬦ᭄᭞ᬳᬶᬦᬸᬲᬧ᭄ᬫᬸᬓᬫᬫᬶ᭟᭐᭟ᬤᬤᬶᬓᬢᭀᬦ᭄ᬦᬭᬯᬂᬢᬂᬚᬸᬪᬵᬰᬸᬪ᭞ᬫᬗ᭄ᬓᬾᬮᬯᬦᬶᬂᬗᬹᬦᬷ᭞ᬫ᭄ᬯᬂᬭᬶᬂᬯᬃᬢ᭄ᬢᬫᬵ
Kaca:Bali-lontar-gaguritan-wiryya-guna-a-300ppi.pdf/32
Kaca puniki sampun kauji-wacén
