[᭒᭘ 28B]
᭒᭘
ᬉᬫᬵᬢᬸᬃᬭᬶᬂᬚᭂᬂᬫᬳᬵᬋᬱᬶ᭟᭐᭟ᬲᬶᬗ᭄ᬕᬶᬄᬲᬂᬫᬳᬵᬤᬶᬧᬦ᭄ᬥ᭄ᬬ᭞ᬳᬦ᭄ᬢ᭄ᬬᬦ᭄ᬢᬪᬕ᭄ᬬᬭᬵᬦᬓ᭄ᬱᬂᬫᬳᬵᬫᬸᬦᬶ᭞ᬫᬗ᭄ᬓᬾᬭᬶᬤᬢᭂᬂᬲᬗ᭄ᬳᬸᬮᬸᬦ᭄᭞ᬧ᭄ᬭᬧ᭄ᬢᬭᬶᬂᬤᬾᬰᬰᬹᬦ᭄ᬬ᭞ᬦ᭄ᬤᬦᬧᬭᬦ᭄ᬕᬫᬦᬦᬶᬓᬭᬳ
ᬬᬸ᭞ᬳᬧᬦ᭄ᬲᬂᬫᬳᬵᬤᬶᬧᬦ᭄ᬥ᭄ᬬ᭞ᬫᬶᬮᬗᬓ᭄ᬮᬾᬰᬦᬶᬂᬪᬹᬫᬶ᭟᭐᭟ᬅᬲ᭄ᬢᬫ᭄ᬭᬵᬦᬓ᭄ᬫᬳᬵᬤ᭄ᬯᬶᬚ᭞ᬓᬵᬤᬶᬯ᭄ᬭᬸᬳᬭᬶᬂᬲ᭄ᬯᬃᬕ᭄ᬕᬬᬦ᭄ᬢᭀᬳᬵᬋᬱᬶ᭞ᬬᬦᬧᬢᬓᬸᬦᬂᬗ᭄ᬳᬸᬮᬸᬦ᭄᭞ᬓᬃᬬ᭄ᬬᬭᬶᬂᬧᬹᬃᬯ᭄ᬯ
ᬚᬦ᭄ᬫ᭞ᬧᬶᬮᬶᬄᬦᬶᬢᬶᬲᬂᬦ᭄ᬯᬫᬗᬸᬦ᭄ᬥᬃᬫ᭄ᬫᬳᬬᬸ᭞ᬦ᭄ᬤᬄᬫᬗ᭄ᬓᬾᬭᬓ᭄ᬯᬨᬮᬦ᭄ᬬ᭞ᬭᬶᬤᬢᭂᬂᬲᬂᬫᬳᬵᬬᬢᬶ᭟᭐᭟ᬑᬁᬑᬁᬲᬵᬚ᭄ᬜᬰ᭄ᬭᬷᬦᬭᬾᬦ᭄ᬤ᭄ᬭ᭞ᬓᬸᬦᬂᬫᬗ᭄ᬓᬾᬲᬗ᭄ᬳᬸᬮᬸᬦ᭄ᬲᬶᬤ᭄ᬥᬬᭀᬕᬶ᭞ᬤᬸᬫ
ᬢᭂᬂᬫᬚᬃᬲᬗ᭄ᬳᬸᬮᬸᬦ᭄᭞ᬲᬳᬾᬱ᭄ᬝᬶᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬧᬦᬦᬫᬗ᭄ᬓᬾᬲᬸᬓ᭄ᬱᭂᬓᬂᬭᬶᬂᬓᬳ᭄ᬬᬸᬦ᭄᭞ᬦ᭄ᬤᬄᬫᬗ᭄ᬓᬾᬩ᭄ᬭᬵᬳ᭄ᬫᬦᬭᬵᬚ᭄ᬬ᭞ᬫᬭᬄᬭᬶᬚᭂᬂᬰ᭄ᬭᬷᬪᬸᬧᬢᬶ᭟᭐᭟ᬲ᭄ᬯᬚᬵᬢᬶᬦᬶᬂᬫ
[᭒᭙ 29A]
ᬳᬵᬭᬵᬚ᭞ᬯᬶᬃᬬ᭄ᬬᬕᬸᬡᬭᬶᬂᬅᬗ᭄ᬕᬤ᭄ᬯᬶᬧᬪᬹᬫᬶ᭞ᬲᬓᬵᬮᬳ᭄ᬬᬂᬚᬶᬦᬦᬸᬭᬸᬦ᭄᭞ᬳᬦ᭄ᬤᬤᬶᬘᬓ᭄ᬭᬯᬃᬢ᭄ᬬ᭞ᬫᬳᬵᬩᬮᬯᬶᬃᬬ᭄ᬬᬯᬦ᭄ᬥᬃᬫ᭄ᬫᬳᬦᬸᬮᬸᬲ᭄᭞ᬲᬶᬦᬺᬱ᭄ᬝᬶᬤᬾᬲᬂᬳ᭄ᬬᬂᬩᬸᬤ᭄ᬥ᭞ᬫᬶᬮᬗᬍᬗ᭄ᬓᬦᬶᬂᬪᬹᬫᬶᬓᬸ
ᬦᬂᬧᬸᬦᬂᬘᬢᬸᬃᬧᬓ᭄ᬱ᭄ᬬ᭞ᬓᬗᬶᬂᬗᬹᬦᬶᬫᬦᭀᬳᬭᬾᬂᬯᬦᬤ᭄ᬭᬶ᭞ᬮᬾᬲ᭄ᬬᬦᬶᬂᬫᬦ᭄ᬢ᭄ᬭᬷᬓᬘᬢᬸᬃ᭞ᬲᬵᬦᬓᬶᬂᬓ᭄ᬭᬢᬘᬶᬢ᭄ᬢ᭞ᬲᬂᬫᬭᬗ᭄ᬓᬾᬫᬋᬓ᭄ᬭᬶᬚᭂᬂᬫᬳᬵᬧ᭄ᬭᬪᬸ᭞ᬳᬶᬦᬚ᭄ᬜᬵᬳᬦ᭄ᬤᬤᬶᬤᬸᬢ᭞ᬳᬫᬶᬦ᭄ᬢ
ᬤ᭄ᬬᬄᬲᬹᬓ᭄ᬱ᭄ᬫᬲᬭᬷ᭟᭐᭟ᬓᬸᬦᬂᬭᬵᬦᬓ᭄ᬱ᭄ᬳ᭄ᬭᬷᬦᬭᬾᬦ᭄ᬤ᭄ᬭ᭞ᬲᬶᬭᬢᬸᬳᬸᬳ᭄ᬬᬂᬳ᭄ᬬᬂᬦᬶᬧᬲᬶᬃᬯᬸᬓᬶᬃ᭞ᬢᬸᬭᬸᬦ᭄ᬤᬤᬶᬭᬵᬢ᭄ᬦᬯᬥᬸ᭞ᬦᭀᬭᬳᬦᬸᬂᬯᬦᬾᬳᬦ᭄᭞ᬫᬓᬖᬭ᭞ᬧᬢ᭄ᬦᬶᬭᬵᬦᬓ᭄ᬫᬳᬵᬧ᭄ᬭ
ᬪᬸ᭞ᬲᬂᬰ᭄ᬭᬷᬳᬚᬷᬯᬶᬃᬬ᭄ᬬᬕᬸᬡ᭞ᬫᬗ᭄ᬓᬦᬮᬶᬂᬫᬳᬵᬬᬢᬶ᭟᭐᭟ᬲᭂᬢ᭄ᬲᬹᬓ᭄ᬱ᭄ᬫᬢᬦ᭄ᬧᬫᭂᬗᬦ᭄᭞ᬤᬤᬶᬕᬶᬭᬂᬲᬳᬦᬦᬶᬂᬧᬭᬫᬦ᭄ᬢ᭄ᬭᬷ᭞ᬚᬃᬚ᭄ᬚᬶᬢᬧᬥᬳᬗ᭄ᬭᬸᬗᬸ᭞ᬫᬓᬵᬤᬶᬰ᭄ᬭᬷᬦᬭᬾ
Kaca:Bali-lontar-gaguritan-wiryya-guna-a-300ppi.pdf/29
Kaca puniki sampun kauji-wacén
