[᭑᭑ 11B]
᭑᭑
ᬳᬭᬹᬫ᭄ᬫᬦᬶᬲ᭄᭞ᬘᬾᬱ᭄ᬝᬓᬵᬭᬯᬕ᭄ᬫᬶᬦᬸᬮᬸᬲ᭄᭞ᬲᬵᬚ᭄ᬜᬵᬰ᭄ᬭᬷᬦᬭᬦᬵᬣ᭞ᬫᬓᬮᬶᬗ᭄ᬕ᭞ᬫᬹᬃᬢ᭄ᬢᬶᬦᬶᬂᬲᬂᬳ᭄ᬬᬂᬳᬢᬦᬸ᭞ᬫᬗ᭄ᬓᬾᬓ᭄ᬱᬢᬯ᭄ᬬᬓ᭄ᬦ᭞ᬲᬢᬸᬭᬾᬪᬸᬚᬗ᭄ᬕᬳᬚᬷ᭟᭐᭟ᬧᬦ᭄ᬯᭂᬓᬲᬶᬂᬅ
ᬮ᭄ᬧᬕᬸᬡ᭞ᬫᬗᬰ᭄ᬭᬬᬭᬶᬂᬚᭂᬂᬧᬗ᭄ᬓᬚᬳᬚᬷ᭞ᬲ᭄ᬯᬲ᭄ᬢ᭄ᬬᬲ᭄ᬢᬸᬅᬚ᭄ᬜᬵᬧᬸᬓᬸᬮᬸᬦ᭄᭞ᬲᬶᬤ᭄ᬥᬦᬶᬂᬧ᭄ᬭᬬᭀᬚᬦ᭞ᬫᬮᬃᬳᬦᬲᬶᬳᬶᬭᬲᬂᬳ᭄ᬬᬂᬫᬳᬸᬮᬸᬦ᭄᭞ᬭᬶᬪᬸᬚᬗ᭄ᬕᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬶᬤ᭄ᬥᬲᬓᬾᬱ᭄ᬝᬶᬦᬺᬧᬢᬶ
᭐᭟ᬳᬶᬭᬶᬓᬲᬂᬫᬳᬵᬧᬦ᭄ᬥ᭄ᬬ᭞ᬗᬾᬓᬘᬶᬢ᭄ᬢᬳᬗᬺᬕᭂᬧ᭄ᬬᭀᬕᬲᬤᬶ᭞ᬋᬧ᭄ᬲᬵᬓ᭄ᬱᬡᬦᬸᬮᬶᬫᭂᬢᬸ᭞ᬳ᭄ᬬᬂᬦᬶᬂᬫᬬᬤᬸᬫᬶᬮᬄ᭞ᬦᬶᬂᬕᬸᬫᬶᬯᬂ᭞ᬲᬓᬶᬂᬅᬚ᭄ᬜᬵᬦᬫᬳᬵᬫ᭄ᬧᬸ᭞ᬫᬹᬃᬢ᭄ᬢᬶᬳ᭄ᬬᬂᬳᬓᬵᬭ
ᬓᬵᬭ᭞ᬓᬤᬶᬯ᭄ᬬᬦᬶᬂᬘᬥᬸᬰᬓ᭄ᬢᬶ᭟᭐᭟ᬤᬺᬱ᭄ᬝᬃᬤ᭄ᬥᬰ᭄ᬭᬷᬦᬭᬾᬰ᭄ᬯᬃᬬ᭄ᬬ᭞ᬳ᭄ᬬᬂᬦᬶᬂᬰᬹᬦ᭄ᬬᬳᬮᬶᬗ᭄ᬕᬶᬄᬭᬶᬂᬧᬤ᭄ᬫᬲᬭᬷ᭞ᬳᬫᬗ᭄ᬓᬸᬢᬂᬭᬵᬢ᭄ᬦᬯᬥᬹ᭞ᬭᬶᬓᬭᬢᬮᬦᬶᬭ᭞ᬫᬳᬵᬧᬦ᭄ᬥ᭄ᬬᬪᬲ᭄ᬯᬭᬅᬪ᭄ᬭᬉᬫᬸᬭᬸ
[᭑᭒ 12A]
ᬩ᭄᭞ᬢᬶᬦᬹᬢ᭄ᬲᬶᬤ᭄ᬥ᭄ᬬᬦᬶᬂᬅᬚ᭄ᬜᬵᬦ᭞ᬭᬶᬧᬭᬫᬃᬣᬲᬂᬋᬱᬶ᭟᭐᭟ᬭᬶᬳᬸᬯᬸᬲᬶᬭᬫᬗ᭄ᬓᬦ᭞ᬦᬸᬮ᭄ᬬᬗᬸᬘᬧ᭄᭞ᬲᬶᬭᬲᬂᬫᬳᬵᬫᬸᬦᬶ᭞ᬳᬶᬄᬲᬵᬚ᭄ᬜᬵᬲᬂᬫᬳᬵᬧ᭄ᬭᬪᬸ᭞ᬬᬗ᭄ᬓᬾᬩ᭄ᬭᬵᬳ᭄ᬫᬡᬳᬚ᭄ᬬ᭞ᬫᬶ
ᬦ᭄ᬢᭀᬦᬦ᭞ᬲᬓᬾᬱ᭄ᬝᬶᬅᬚ᭄ᬜᬵᬧᬸᬓᬸᬮᬸᬦ᭄᭞ᬦ᭄ᬤᬦ᭄ᬬᬾᬓᬶᬢᬶᬗ᭄ᬳᬮᬓ᭄ᬦ᭞ᬧᬳᬾᬦᬓ᭄ᬤ᭄ᬬᬦᬦᬶᬂᬳᬺᬤᬶ᭟ᬧ᭐᭟ᬰᬶᬖ᭄ᬭᬲᬂᬫᬳᬵᬧᬡ᭄ᬥᬶᬢ᭞ᬮᬸᬫᬸᬗᬓᭂᬦ᭄ᬢᬂᬳᬲ᭄ᬢᬯᬸᬧᬶᬦᬲ᭄ᬢᬶ᭞ᬫᬋᬓ᭄ᬭᬶᬂᬲᬂᬫᬳᬵᬧ᭄ᬭᬪᬸ᭞ᬕᬃ
ᬚ᭄ᬚᬶᬢᬰ᭄ᬭᬷᬦᬭᬾᬦ᭄ᬤ᭄ᬭ᭞ᬦᬶᬮᬶᬗᬓᭂᬦ᭄ᬧᬢᬶᬢᬶᬲᬚ᭄ᬜᬵᬦᬍᬗᬸᬢ᭄᭞ᬫᬯᬲ᭄ᬢᬢᭀᬦᬦ᭄ᬭᬯᬂ᭞ᬫᬬᬦᬶᬂᬓᬦ᭄ᬬᬵᬬᬸᬯᬢᬶ᭟᭐᭟ᬲᬓᬵᬮᬓᬤᬶᬂᬲ᭄ᬯᬧ᭄ᬦ᭞ᬤᬦᬶᬫᬹᬃᬘ᭄ᬙᬘᬶᬢ᭄ᬢᬦᬶᬭᬦᬭᬧᬢᬶ᭞ᬓᬧᬸᬳᬦ᭄ᬭᬸ
ᬫᬲᬾᬂᬢᬦᬸ᭞ᬯᬾᬢ᭄ᬦᬶᬂᬓᬫᬵᬢ᭄ᬫ᭄ᬬᬦᬶᬭ᭞ᬫᬸᬦᬯᬭᬯᬓ᭄ᬩᬚ᭄ᬭᬫᬹᬃᬢ᭄ᬢᬶᬦᬶᬂᬢᬸᬤᬸᬄ᭞ᬳᬕ᭄ᬬᬲᬶᬭᬗᬲ᭄ᬢᬸᬂᬓᬵᬭ᭞ᬲᬸᬫᭂᬫ᭄ᬩᬄᬲᬂᬫᬳᬵᬬᬢᬶ᭟᭐᭟ᬲᬶᬗ᭄ᬕᬶᬄᬲᬵᬚ᭄ᬜᬵᬲᬂᬧᬗᭂᬫ᭄ᬧ᭄ᬯᬦ᭄᭞ᬯᬭᬤᬳᬢ᭄ᬦᬸ
Kaca:Bali-lontar-gaguritan-wiryya-guna-a-300ppi.pdf/12
Kaca puniki sampun kauji-wacén
