[᭑᭑᭑ 111B]
᭑᭑᭑
ᬧᬦ᭄ᬥ᭄ᬬ᭟᭐᭟ᬳᬕ᭄ᬬᬲᬶᬦᬫ᭄ᬩᬸᬢ᭄ᬯᬘᬦ᭞ᬦᬶᬭᬲᬂᬦᬺᬧᬢᬶᬓᬮᬶᬄ᭞ᬤᬾᬦᬶᬭᬫ᭄ᬧᬸᬫᬳᬵᬬᬡ᭞ᬧ᭄ᬭᬦᬵᬣᬖᭀᬭᬯᬳᬗ᭄ᬮᬶᬂ᭞ᬑᬁᬲᬶᬗ᭄ᬕᬶᬄᬲᬵᬚ᭄ᬜᬵᬳᬚᬷ᭞ᬤᬶᬩ᭄ᬬᬧᬭᬫᬵᬃᬣᬲᬥᬸ᭞ᬢᬸ
ᬳᬸᬮᬶᬂᬧᬭᬫᬾᬰ᭄ᬯᬭ᭞ᬤᬸᬫᬢᭂᬂᬭᬵᬯᬶᬓᬸᬳᬚᬷ᭞ᬤᬾᬲᬗ᭄ᬳᬸᬮᬸᬦ᭄᭞ᬯ᭄ᬦᬂᬢᬸᬫᬓ᭄ᬯᬦᬂᬤᬸᬄᬓ᭟᭐᭟ᬩᬭᬦᬶᬂᬫᬳᬵᬢᬶᬩᬭ᭞ᬓᬲᬃᬩ᭄ᬯᬵᬚ᭄ᬜᬵᬦᬦᬺᬧᬢᬶ᭞ᬤᭀᬦ᭄ᬭᬵᬩ᭄ᬭᬵᬳ᭄ᬫᬡᬫᬋ
ᬓ᭞ᬢᬦ᭄ᬮᬾᬦ᭄ᬯᬃᬱᬵᬲᬶᬄᬦᬺᬧᬢᬶ᭞ᬢᬸᬫᬶᬩᬾᬂᬓᬤᬶᬓᬫᬶ᭞ᬓᬶᬫᬥᬳᭀᬲᭂᬓ᭄ᬭᬶᬂᬢᬦᬸ᭞ᬲᬵᬓ᭄ᬱᬢᬫᬺᬕᬗ᭄ᬕ᭞ᬲᬸᬫᬶᬭᬫ᭄ᬧᬵᬧᬓᬲ᭄ᬬᬲᬶᬄ᭞ᬤᭀᬦ᭄ᬲᬗ᭄ᬳᬸᬮᬸᬦ᭄᭞ᬧ᭄ᬭᬧ᭄ᬢᬦᬥᬄᬯᬭᬵᬫᬺᬢ᭟᭐᭟
ᬬᬦᬦᬵᬲᬶᬄᬰ᭄ᬭᬷᬦᬭᬾᬦ᭄ᬤ᭄ᬭ᭞ᬯᬶᬮᬲᬾᬂᬩ᭄ᬭᬵᬳ᭄ᬫᬡᬳᬚᬷ᭞ᬚᬶᬯᬦᬶᬧᬸᬦ᭄ᬪᬯᬫᬹᬃᬢ᭄ᬢ᭄ᬬᬫ᭄ᬢᬶᬦᬥᬄᬍᬩᬵᬚ᭄ᬜᬵᬳᬚᬷ᭞ᬳᬸᬭᬶᬧᭂᬦ᭄ᬤᬾᬪᬹᬧᬢᬶ᭞ᬳ᭄ᬬᬓᭂᬦ᭄ᬲᬤᭀᬱᬦᬶᬧᬸᬦ᭄᭞ᬢᬦ᭄ᬓᬢᬸᬢᬸᬕᬓ᭄ᬦ᭞ᬳᬮᬧᭂ
[᭑᭑᭒ 112A]
ᬦ᭄ᬕᬳᭂᬍᬂᬦᬺᬧᬢᬶ᭞ᬤᬾᬦ᭄ᬢᬸᬫᬸᬮᬸᬲ᭄᭞ᬦᬸᬕ᭄ᬭᬳᬵᬧᬭᬫᬾᬰ᭄ᬯᬭᬶ᭟᭐᭟ᬧ᭄ᬯᬂᬓᬸᬮᬸᬦᬫᬶᬦ᭄ᬢᬚᬷᬯ᭞ᬲᬸᬫᬶᬯ᭄ᬬᬧᬗ᭄ᬓᬚᬳᬚᬷ᭞ᬲᬤᬾᬭᬰ᭄ᬭᬷᬦᬭᬦᬵᬣ᭞ᬢᬦ᭄ᬯᬦᬶᬮᬗ᭄ᬖᬦᬫᬮᬶᬄ᭞ᬬᬤ᭄ᬬᬦ᭄ᬧᬶᬂᬲ
ᬧ᭄ᬢᬳᬗ᭄ᬤᬤᬶ᭞ᬢᬦᬮᬗᬮᬂᬳᬦᬸᬳᬸᬦ᭄᭞ᬤᬺᬥᬵᬲᬶᬄᬳᬦᬾᬯᬢ᭞ᬭᬶᬧᬵᬤᬤ᭄ᬯᬬᬦᬺᬧᬢᬶ᭞ᬲᬪᬹᬫᬶᬧᬸᬦ᭄ᬧᬸᬦᬦᬶᬭᬓᬲᭂᬫ᭄ᬩᬳ᭟᭐᭟ᬬᬦ᭄ᬢᬦ᭄ᬦᬸᬕ᭄ᬭᬳᬧᬗᬾᬭᬦ᭄᭞ᬤᬶᬩ᭄ᬬᬦᬸᬂᬬᬕᬦᬺ
ᬧᬢᬶ᭞ᬳᬯᬾᬄᬚᬶᬯᬦᬶᬂᬅᬦ᭄ᬢᬓ᭞ᬤᬾᬃᬬ᭄ᬬᬦᬶᬂᬦᬶᬯᬶᬲᬶᬦᬶᬯᬶ᭞ᬢᬸᬮᬸᬲᬶᬂᬪᬸᬓ᭄ᬢ᭄ᬬᬫᬸᬓ᭄ᬢᬶ᭞ᬬᬢᬦᬸᬪᬯᬧᬸᬓᬸᬮᬸᬦ᭄᭞ᬫᬗ᭄ᬓᬳᬢᬸᬭᬾᬲᬂᬧᬦ᭄ᬥ᭄ᬬ᭞ᬦᬺᬧᬢᬶᬰᬷᬖ᭄ᬭᬦᬯᬸᬭᬶ᭞ᬲᬶᬗ᭄ᬕᬶᬄᬫ᭄ᬧᬸ᭞ᬢᬦᬧᬤᬶᬦ
ᬯᬓ᭄ᬦ᭟᭐᭟ᬬᬦ᭄ᬲᬵᬫ᭄ᬧᬸᬦ᭄ᬓᬤᬶᬓᬭᬲ᭞ᬓᬮᬸᬧᬸᬢᬦ᭄ᬤᬾᬦᬶᬂᬳᬢᬶ᭞ᬳᬦᬧᬸᬦᬫᬶᬦ᭄ᬢᬚᬷᬯ᭞ᬓᬃᬯ᭄ᬯᬓ᭄ᬬᬲᬂᬫᬳᬵᬬᬢᬶ᭞ᬧᬢ᭄ᬭᬓᬲᬶᬄᬭᬶᬓᬫᬶ᭞ᬦ᭄ᬤ᭄ᬬᬗ᭄ᬕᬦ᭄ᬬᬭᬵᬦᬓ᭄ᬱᬂᬪᬶᬓ᭄ᬱᬸ᭞ᬢᬦ᭄ᬯᬶᬮᬲᬾᬂ
Kaca:Bali-lontar-gaguritan-wiryya-guna-a-300ppi.pdf/112
Kaca puniki sampun kauji-wacén
