[᭘ 8B]
᭞᭘᭞
ᬯᬲᬶᬲ᭄ᬢᬭᬶᬂᬫ᭄ᬧᬸᬲ᭄ᬓᬃᬲᬤᬶ᭟ᬦᬾᬤᬤᬶᬧᬚᬮ᭄ᬚᬮ᭄ᬚᬮᬦ᭄᭞ᬢᬦ᭄ᬮ᭄ᬬᬦ᭄ᬢᬸᬯᬄᬫᬃᬕᬦᬾᬲᬸᬚᬢᬶ᭞ᬫᬓᬓᬮᬶᬄᬧᬘᬗᬓᬸ᭞ᬧᬗ᭄ᬭᬓ᭄ᬱᬦᬾᬧᬮᬶᬂᬫ᭄ᬮᬄ᭞ᬦᬾᬲᬸᬚᬢᬶ᭞ᬫᬗᬸᬗ᭄ᬲᬶᬳ᭄ᬬᬂᬩ᭄ᬭᬳ᭄ᬫᬢᬸᬳᬸ᭞ᬲᬭᬾᬓᬲᬮ᭄ᬯᬶᬭᬶᬂᬳᬦ᭞
ᬦᬾᬭᬸᬭᬸᬄᬲᬸᬓᬦᬶᬂᬫᬢᬶ᭟ᬫᬮᬶᬄᬤᬤᬶᬧᬗᬺᬗᬦ᭄᭞ᬳ᭄ᬘᬾᬦ᭄ᬳᭂᬦ᭄ᬢᭀᬦᬾᬫᬵᬦᬦ᭄ᬩ᭄ᬭᬳ᭄ᬫᬵᬦᬲᬸᬚᬢᬶ᭞ᬩᬭᬤ᭄ᬯᬚᬳ᭄ᬬᬫᬦᭂᬗ᭄ᬕᬸᬄ᭞ᬩ᭄ᬭᬳ᭄ᬫᬵᬦᬳᬶᬓᬢᬸᬭᬸᬦᬦ᭄᭞ᬢᬦ᭄ᬚᬬᬸᬓ᭄ᬢᬶ᭞ᬓᬤᬶᬯᬲᬶᬲ᭄ᬢᬫᬦᭂᬗ᭄ᬕᬸᬄ᭞ᬩ᭄ᬭᬳ᭄ᬫᬵᬦ᭠
ᬳᬶᬓᬮᬓ᭄ᬱᬡ᭞ᬤᬃᬫᬦᬾᬓᬳᬸᬘᬧᬼᬯᬶᬄ᭟ᬳᭂᬦ᭄ᬢᭀᬦᬾᬚᬦᬶᬧᬤ᭄ᬯᬂ᭞ᬢᬸᬦᬲᬂᬭᬶᬂᬢᬢᬕᬢᬳᬤᬶ᭞᭠ᬳᬧᬦ᭄ᬳᬶᬤᬓᭀᬘᬧ᭄ᬓᬲᬸᬩ᭄᭞ᬚᬦ᭄ᬢᭀᬲ᭄ᬧᬂᬓᬲ᭄ᬬᬧᬢᬶᬕ᭞ᬧᬦ᭄ᬤᬶᬢᬲᬓ᭄ᬢᬶ᭞ᬲᬵᬫ᭄ᬧᬸᬦ᭄ᬢᬍᬃᬧᬤᬫᬕᬸ
[᭙ 9A]
ᬭᬸ᭞ᬲᬋᬂᬲᬓᬜ᭄ᬘᬦ᭄ᬚᬢᬶᬮ᭞ᬜᬸᬗ᭄ᬓᭂᬫᬶᬦ᭄ᬲᬂᬲᬓ᭄ᬬᬫᬸᬦᬶ᭟ᬲ᭄ᬭᬯᬸᬳᬂᬳᬚᭂᬂᬩᬸᬥ᭄ᬤ᭞ᬲᬂᬯᬲᬶᬲ᭄ᬢᬵᬗᬯᬶᬢᬶᬦ᭄ᬫᬢᬸᬃᬳᬭᬶᬲ᭄᭞ᬢᬩᬾᬧᬸᬓᬸᬮᬸᬦ᭄ᬲᬂᬯᬶᬓᬸ᭞ᬫᭀᬕᬲᬂᬪᬵᬕᬯᬦ᭄ᬲ᭄ᬯᬾᬘ᭞ᬫᬜᬸᬮᬸᬯᬶᬦ᭄᭞ᬫᬦᬄᬢᬶ
ᬢ᭄ᬬᬂᬓᬤᬶᬩᬶᬗᬸᬂ᭞ᬫᬺᬩᬢ᭄ᬲᬋᬂᬤᬤ᭄ᬯ᭞ᬫᬺᬩᬸᬢᬶᬦ᭄ᬫᬃᬕᬦᬾᬲᬸᬚᬢᬶ᭟ᬫᭀᬕᬳᬶᬤᬾᬯᬓᬾᬦᬓ᭄᭞ᬫᬜᬶᬳ᭄ᬦᬬᬂᬳᭂᬜ᭄ᬘᬾᬦᬾᬧᬢᬸᬢ᭄ᬫᬃᬕᬶᬦᬶᬦ᭄᭞ᬫᬗ᭄ᬤᬾᬲᬶᬤᬚ᭄ᬯᬓᬧᬸᬶᬗ᭄ᬕᬸᬶ[strike]ᬢᭂᬧᬸᬓ᭄᭞ᬭᬶᬂᬳᬚᭂᬂᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬕ᭄ᬦᬳᬾ
ᬫᬸᬮᬶᬄ᭞ᬓᬭᬸᬭᬸᬄᬳᬦ᭄ᬢᬸᬓ᭄ᬱᬂᬯᬶᬓᬸ᭞ᬲᬋᬂᬚᬤ᭄ᬫᬦᬾᬲᬫ᭄ᬬᬦ᭄᭞ᬳ᭄ᬬᬂᬩ᭄ᬭᬳ᭄ᬫᬵᬤᬲᬭᬶᬂᬳᬸᬭᬶᬧ᭄᭟ᬲᬂᬲᬸᬕᬢ᭠ᬳᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬩ᭄ᬭᬳ᭄ᬫᬵᬦᬚᬢᬶᬲᬸᬓᬶᬮ᭄ᬓᬦ᭄ᬤᬳᬶᬓᬶ᭞ᬳᬧᬦᬾᬫᬸᬮᬓᬭᬸᬭᬸᬄ᭞ᬧᬭᬯᬶᬓᬸᬲᬫ᭄ᬬᬦ᭄᭞᭠
