[᭖ 6B]
᭞᭖᭞
ᬲᬸᬧ᭄᭞ᬕᭂᬤᬾᬦ᭄ᬮᬶᬧ᭄ᬬᬩᬓᬢ᭄ᬤᭂᬧᬂ᭞ᬓᬦ᭄ᬢᬶᬫᬓ᭄ᬭᭀᬥᬫᬩᬗ᭄ᬲᬶᬂ᭞ᬬᬾᬦᬶᬂᬳᬩᬸᬢ᭄᭞ᬫᬾᬄᬧᬤᬍᬫ᭄ᬩᬳ᭠ᬦᬳᬦᬂ᭟ᬬᬾᬦ᭄ᬘᬳᬶᬧᬗ᭄ᬕᬶᬄᬤᬶᬚᬮᬦ᭄᭞ᬭᬶᬂᬳᬦᬓᬾᬚᬢᬶᬮᬸᬯᬶᬄ᭞ᬢᭀᬢᬸᬢᬸᬕ᭄ᬩᬋᬂᬫᬚᬮᬦ᭄᭞ᬳᬕᭂ᭠
ᬢ᭄ᬲᬦ᭄ᬧᬚᬮᬦ᭄ᬘᬳᬶ᭞ᬬᬾᬦᬾᬫᭀᬫᭀᬧᬗ᭄ᬕᬶᬳᬶᬦ᭄᭞ᬕᭂᬍᬗᬂᬫᬚᬮᬦ᭄ᬢᭂᬭᬸᬲ᭄᭞ᬳ᭄ᬤᬬᬳᬚᬓᬫᬺᬩᬢ᭄᭞ᬢ᭄ᬯᬄᬧᬢᬶᬗᭂᬄᬘᬧᬢᬶᬦ᭄᭞ᬬᬾᬦ᭄ᬕᬸᬫᬸᬬᬸ᭞ᬓᬳᬤᬂᬤᬾᬯᬾᬓᬸᬶᬓᬾᬧᬂᬳᬾᬗ᭄ᬕᬮ᭄᭟ᬳᬦᬓ᭄ᬮ᭄ᬬᬸᬳᬤᬕᭀ
ᬮᭀᬗᬦ᭄᭞ᬧᬥᬫᬓᬸᬓ᭄ᬯᬶᬦ᭄ᬲᬸᬚᬢᬶ᭞ᬗᬓᬸᬧᬤᬶᬤ᭄ᬬᬦᬗᭂᬮᬄ᭞ᬚᬢᬶᬦ᭄ᬳᬦᬓᬾᬩᭀᬬᬦᬶᬦ᭄᭞ᬳᭂᬦ᭄ᬢᭀᬦᬾᬚᬢᬶᬧᬺᬩᬸᬢᬶᬦ᭄᭞ᬩᬦ᭄ᬩᬲ᭄ᬰᬚᬗᬦ᭄ᬢᬶᬩᬶᬗᬸᬂ᭞ᬬᬦ᭄ᬘᬳᬶᬢᬸᬯᬭᬦᬯᬂ᭞ᬦᬾᬚᬢᬶᬲᬸᬚᬢᬶᬚᬢᬶ᭞
[᭗ 7A]
᭞᭗᭞
ᬮᬗᬄᬲᬦ᭄ᬳᬦᬓᬾᬢ᭄ᬬᬕ᭞ᬩᬦᬶᬫᬘᭂᬩᬸᬃᬭᬶᬂᬧᬲᬶᬄ᭞ᬫᭂᬕᬢ᭄ᬲᬕᬭᬲᬗ᭄ᬲᬭ᭞ᬗᬸᬗ᭄ᬲᬶᬲᬵᬕᬭᬦᬾᬲᭂᬧᬶ᭞ᬳᬓᬾᬳᬦ᭄ᬳᬚᬓ᭄ᬳᬚ᭄ᬭᬶᬄ᭞ᬲᬮᬶᬂᬢᬸᬦ᭄ᬤᬲᬮᬶᬂᬢᬸᬮᬸᬤ᭄᭞ᬤᬶᬲᬶᬲᬶᬲᬮᬶᬂᬩᬢ᭄ᬩᬢ᭄᭞ᬗᬾ᭐ᬦ᭄ᬬᬳ᭠
ᬤᬦᬾᬩᬦᬶ᭞ᬤᬾᬯᬾᬓᬾᬩᬸᬯᬸᬂ᭞ᬩᬦ᭄ᬢᬶᬫ᭄ᬧᬮᬾᬢᭀᬦ᭄ᬤᬾᬦ᭄ᬜᬓ᭄᭟ᬫᬶᬦᬓᬤᬶᬢᬸᬜ᭄ᬚᬸᬂᬧ᭄ᬢᬓ᭄᭞ᬮᬸᬯᬶᬳᬾᬗᬺᬦᭂᬳᬶᬦ᭄ᬳᬢᬶ᭞ᬬᬧ᭄ᬯᬦ᭄ᬫᭂᬦ᭄ᬢᬶᬓ᭄ᬭᬶᬂᬩᬭᬯᬄ᭞ᬮᬗ᭄ᬕᭂᬂᬧᬸᬢᬶᬄᬢ᭄ᬯᬭᬤ᭄ᬓᬶᬮ᭄᭞ᬗᬮᬸᬩ᭄ᬳᬮᬸᬩ᭄ᬩᭀᬦᬾᬫᬶᬬᬶᬓ᭄᭞
ᬗᬯᬾᬦᬂᬫᬦᬄᬳᬸᬮᬗᬸᬦ᭄᭞ᬕᬸᬫᬦ᭄ᬢᬶᬤᬤᭀᬲ᭄ᬧᬳᬾᬫ᭄ᬩᭀᬦᬦ᭄᭞ᬧᬗ᭄ᬢᬶᬲᬦ᭄ᬕᬸᬫᬢᬢ᭄ᬕᬸᬫᬶᬢᬶᬢ᭄᭞᭠ᬓᬤᬶᬳᬶᬓᬸ᭞ᬲᬶᬲ᭄ᬬᬦ᭄ᬩᬸᬤ᭄ᬤᬫᬳᭀᬢᬫ᭟ᬬᬲᬦᬾᬧᬕᭂᬄᬢᬸᬃᬮᬗ᭄ᬕᭂᬂ᭞ᬗᬯᬾᬫᭂᬮᬄᬓ᭄ᬭᬡᬩᭂᬘᬶᬓ᭄᭞ᬢ᭠
