[᭒᭒ 22B]
᭞᭒᭒᭞
ᬳᬸ᭞ᬲᬫᬶᬲᬗ᭄ᬲᬭᬯ᭄ᬬᬓ᭄ᬢᬶ᭞ᬢᬦ᭄ᬳᬦᬦ᭄ᬫᬳᬸᬦ᭄ᬢᭂᬂᬳᬢ᭄ᬫ᭞ᬦᬾᬓᬤᬾᬦᬶᬗ᭄ᬲᬸᬦ᭄ᬳᬓ᭄ᬯᬶᬦ᭄᭞ᬳᬶᬓᬶᬢᭂᬕᭂᬲ᭄ᬢ᭄ᬭᬶᬯᬢᭂᬓ᭄ᬳᬶᬓ᭞ᬘᭀᬩᬭᬸᬭᬸᬄᬫᬗ᭄ᬤᬾᬧᬗ᭄ᬕᬶᬄ᭟ᬦᬾᬳᬭᬦ᭄ᬳᬃᬬᬲᬚᬳᬶᬓᬸ᭞ᬘᬢᬸᬃᬚᬢᬶᬦᬾᬦᬾᬍᬯᬶᬄ᭞ᬚ
ᬢᬶᬦᬶᬂᬳᬸᬭᬶᬧ᭄ᬲᬂᬲᬭ᭞ᬢᬦ᭄ᬳᬦᬾᬗᬯᬶᬦᬂᬳᬶᬓᬶ᭞ᬓᬾᬦ᭄ᬓᬾᬦ᭄ᬩᬵᬦ᭄ᬜᬩᬵᬦ᭄ᬫᬗᬼᬧᬲ᭄᭞ᬫᬃᬕᬦᬾᬳᬲ᭄ᬢᬢ᭠ᬮᬳᭂᬦ᭄ᬢᬲᬶᬦ᭄᭟ᬳ᭄ᬘᬾᬦ᭄ᬚᬸᬯᬫᬃᬕᬳᬶᬓᬸ᭞ᬧᬗ᭄ᬭᬲᬧᬗ᭄ᬭᬲᬚᬢᬶ᭞ᬧᬜᬶᬧ᭄ᬢᬳᬘᬾᬧᬾᬲᬚ᭞ᬢᬢ᭄ᬯᬢ᭄ᬯᬶᬦ᭄ᬳᬾ
ᬫᭀᬗᬾᬚᬢᬶ᭞ᬮᬓ᭄ᬱᬡᬦᬾᬚᬢᬶᬫᭂᬮᬄ᭞ᬦᬾᬧᬢ᭄ᬧᬢ᭄ᬫᬮᬸᬶ[strike]ᬭᬶᬂᬲᭀᬃᬫᬮᬶᬄ᭟ᬧᬗᬸᬧᬚᬶᬯᬦᬾᬚᬸᬚᬸᬃᬤᬾᬯᬾᬓᬾᬳᭂᬫ᭄ᬩᬦ᭄ᬩᭂᬦᬳᬶ᭞ᬢᬶᬦ᭄ᬤᬶᬄᬦᬾᬭᬶᬂᬚᬢᬶᬲᬚ᭞ᬢᭂᬍᬩ᭄ᬫᬗ᭄ᬭᬸᬭᬸᬄᬜᬶᬍᬫᬶᬦ᭄᭞ᬳᬶᬓᬶᬳ᭠
[᭒᭓ 23A]
ᬲ᭄ᬢᬢᬮᬦᬂᬫᬃᬕ᭞ᬫᬃᬕᬶᬦᬶᬦ᭄ᬫᬗ᭄ᬭᬸᬭᬸᬄᬚᬢᬶ᭟ᬦᬾᬳᬭᬦ᭄ᬓᬦ᭄ᬤᬮᬶᬫᬳᬶᬓᬸ᭞ᬧᬦᬤ᭄ᬬᬦ᭄ᬚᬤ᭄ᬫᬦᬾᬳᬸᬭᬶ᭠ᬧ᭄᭞ᬭᬸᬧᬳᬶᬓᬩᬤᬦ᭄ᬓᬲᬃ᭞ᬦᬾᬧᬢ᭄ᬧᬢ᭄ᬦᬫᬓᬭᬦᬶᬦ᭄᭞ᬲᬦᬯᬾᬤᬦᬲᬗ᭄ᬓᬭ᭞ᬯᬶᬤᬦᬦᬾ
ᬧᬶᬦᬶᬄᬳᬸᬭᬶᬧᬶᬸ᭄᭟ᬲᬗ᭄ᬓᬦ᭄ᬭᬸᬧᬳᬶᬓᬳᬶᬤᬸᬧ᭄᭞ᬳᬦ᭄ᬢᬸᬓ᭄ᬦᬫᬦᬾᬦᬶᬫ᭄ᬧᬮᬶᬦ᭄᭞ᬦᬫᬭᬸᬧᬚ᭄ᬯᬳᬭᬦ᭄ᬬ᭞ᬯᬶᬢᬶᬂᬲ᭄ᬓᬜ᭄ᬘᬦᬶᬂᬳᬸᬭᬶᬧ᭄᭞ᬦᬫᬳᬶᬓᬮ᭄ᬯᬶᬃᬧᬸᬭᬸᬲ᭞ᬫᬳᬸᬭᬶᬧ᭄ᬭᬸᬧᬯᬶᬬᬸᬓ᭄ᬢᬶ᭟ᬓᬾᬦ᭄ᬳᬭᬦ᭄ᬳᬃᬬ᭄ᬬᬰᬶᬮᬳᬶ᭠
ᬓᬸ᭞ᬦᬾᬮ᭄ᬯᬶᬃᬧᬩᬺᬲᬶᬳᬦ᭄ᬤᬶᬭᬶ᭞ᬢᬢᬶᬕᬢᬶᬗ᭄ᬓᬳᬶᬂᬩ᭄ᬭᬣ᭞ᬧᬜ᭄ᬘᬰᬶᬮᬦᬾᬗ᭄ᬤᬾᬦ᭄ᬲᬳᬶ᭞ᬳᬢᬗ᭄ᬕᬰᬶᬮᬧᬩ᭄ᬭᬢᬦ᭄᭞ᬤᬰᬲᬶᬩᬓ᭄ᬱᬸᬗᬕᭂᬫᬶᬦ᭄᭟ᬧᬶᬤᬕᬶᬂᬤᬲᬰᬶᬮᬳᬶᬓᬸ᭞ᬓᬾᬓ᭄ᬢᬄᬓᬭᬦᬶᬦ᭄ᬧᬓ᭄ᬱᬶ
