[᭑ 1B]
᭞᭑᭞
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭟ᬡᬫᭀᬢᬲᭀᬦᬵᬕᬢᭀᬅᬭᬅᬢᭀᬲᬫ᭄ᬩᭀᬕᬱ᭟ᬲᬶ᭠ᬦᭀᬫ᭄᭟ᬦᬾᬯ᭄ᬦᬶᬂᬫᭂᬮᬳᬂᬦᬶᬗᭂᬳᬂ᭞ᬳᬤᬧᬩᭂᬲᭂᬦ᭄ᬓᬾᬦ᭄ᬘᬳᬶ᭞ᬧᬯᬭᬄᬳᬶᬤᬳ᭄ᬬᬂᬩᬸᬤ᭄ᬤ᭞ᬓᬧ᭄ᬭᬓ᭄ᬱᬵᬭᬶᬂ
ᬩᬧᬗᬸᬦᬶ᭞ᬫᬗ᭄ᬤᬾᬓᬧᬲ᭄ᬭᬄᬭᬶᬂᬘᬳᬶ᭞ᬤᬶᬲᬸᬩᬦ᭄ᬘᬳᬶᬦᬾᬤᬸᬯᬸᬃ᭞ᬘᭂᬦᬶᬂᬚᬦᬶᬲᬸᬩᬯᬬᬄ᭞ᬜᬦ᭄ᬤᬂ᭠ᬦᬾᬚᬦᬶᬳᬶᬢᬸᬗᬶᬦ᭄᭞ᬢᬸᬢᬸᬃᬢᬸᬳᬸ᭞ᬬᬾᬦ᭄ᬓᬾᬩᬶᬲᬗᬋᬲᭂᬧᬂ᭟ᬳᭂᬦᬾᬫᬤᬦ᭄ᬤᬃᬫ᭄ᬫᬧᬥ᭞ᬫᬃᬕ᭄ᬕᬚᬢᬶ᭠
ᬢ᭄ᬯᬄᬳᬩᭂᬲᬶᬓ᭄᭞ᬦᬾᬜᬦ᭄ᬤᬂᬢᬸᬳᬸᬢᬢᬲᬂ᭞ᬢᬼᬩᬂᬓᭂᬦᭂᬳᬂᬧᬂᬲᬳᬶ᭞ᬕᬸᬮᬶᬕᬸᬮᬶᬳ᭄ᬬᬳᬮᬶᬳᬶᬦ᭄᭞᭠ᬓᬦ᭄ᬢᬶᬳ᭄ᬬᬫᬓᭂᬜᬶᬢ᭄ᬢ᭄ᬧᬸᬓ᭄᭞ᬫᬃᬕᬩᭂᬦᭂᬂᬕᬮᬂᬧᬤᬂ᭞ᬬᬾᬦ᭄ᬓᬾᬲᬸᬩᬳᭂᬦ᭄ᬢᬲᬶᬦ᭄᭞ᬦᬵᬗᬶᬂᬲᬸᬯᬸᬂ᭞᭠
[᭒ 2A]
ᬳᬧᬦ᭄ᬢ᭄ᬯᬭᬮ᭄ᬬᬸᬦᬯᬂ᭟ᬫᬃᬕ᭄ᬕᬦᬸᬚᬸᬓᬍᬧᬲᬦ᭄᭞ᬧ᭄ᬗᬯᬶᬢᬾᬲᬸᬮᬶᬢ᭄ᬧᬗ᭄ᬕᬶᬄ᭞ᬓᬓᬸᬳᬸᬩᬦ᭄ᬮᬶᬫᬸᬢ᭄ᬩᬶᬂᬩᬂ᭞ᬲᬬᬂᬗᬸᬢᬂᬦᬾᬢᬶᬦ᭄ᬤᬶᬳᬶᬦ᭄᭞ᬦᬾᬓᭂᬢᬄᬳᬤᬦᬶᬦ᭄ᬚᬢᬶ᭞ᬳᭂᬦ᭄ᬢᭀᬓ᭄ᬭᬡᬢ᭄ᬯᬭᬧᬬᬸ᭞ᬦᬸᬯᬸᬢ᭄ᬮᬸᬫᬸᬢᬾᬳᬓ
ᬩᬂ᭞ᬦᬾᬗᬮᬶᬦ᭄ᬫᬃᬕᬦᬾᬲᭂᬧᬶ᭞ᬲᬚᬲᬸᬯᬸᬂ᭞ᬳᬧᬦ᭄ᬮᬗᬄᬳᬦᬓ᭄ᬫᭂᬦ᭄ᬢᬲ᭄᭟ᬦᬾᬚᬦᬶᬫ᭄ᬮᬳᬂᬗᬺᬲᭂᬧᬂ᭞ᬧᬶᬤᬃᬢᬦ᭄ᬲᬩ᭄ᬤᬦᬾᬮᬸᬯᬶᬄ᭞ᬬᬦ᭄ᬢ᭄ᬯᬭᬘᬳᬶᬗᭂᬘᬧᬂ᭞ᬚᬦ᭄ᬢᭂᬦ᭄ᬢᬦ᭄ᬓ᭄ᬭᬲᬩᬵᬦ᭄ᬘᬳᬶ᭞ᬳᬧᬦ᭄ᬢᬦᬵᬦᬯᭀᬂᬲᬓ᭄ᬢᬶ᭞
ᬧ᭄ᬭᬤ᭄ᬜᬫᬗᬫ᭄ᬩᬭᬂᬳᬶᬓᬸ᭞ᬬᬤ᭄ᬬᬧᬶᬦ᭄ᬫᬦᬸᬢᬸᬭᬂ᭞ᬓᬤᬶᬭᬲᬦ᭄ᬕᬸᬮᬫᬦᬶᬲ᭄᭞ᬜᬾᬦ᭄ᬢᭀᬢᬯᬸ᭞ᬬᬦ᭄ᬲᬶᬂᬜᬶᬮᬧᬶᬦ᭄ᬗᭂᬘᬧᬗ᭄᭟ᬦᬾᬤᬤᬶᬤᬲᬭᬶᬂᬫᬃᬕ᭄ᬕ᭞ᬳᭂᬦ᭄ᬢᭀᬫᬮᬸᬲ᭄ᬫᬤᬶᬦᬶᬦ᭄᭞ᬭᬸᬭᬸᬄᬳᬮᬶᬄᬳᬧᬂᬢᬯᬂ᭞ᬳᬧᬂ
