[᭑᭖ 16B]
᭞᭑᭖᭞
ᬢ᭄ᬬᬂ᭞ᬫᬗ᭄ᬤᬾᬢᬶᬢ᭄ᬬᬂ᭞ᬓᬢᬭᬶᬫᬭᬶᬂᬲᬂᬯᬶᬓᬸ᭞ᬤᬸᬄᬩᬕᬯᬦ᭄ᬳᬶᬘᬾᬦᬶᬦ᭄ᬢᬶᬢ᭄ᬬᬂ᭞ᬫᬃᬕᬧᬗᬼᬧᬲ᭄ᬦᬾᬚᬢᬶ᭟ᬧᬯᬭᬄᬳᬶᬤᬳ᭄ᬬᬂᬩᬸᬤ᭞ᬫᬭᬶᬂᬧᬭᬩᬶᬓ᭄ᬱᬸᬦᬾᬧᬤᬗᬶᬭᬶᬂ᭞ᬓᬤᬶᬢᬸᬢᬸᬭᬾᬦᬾᬲᬫ᭄ᬧᬸᬦ᭄᭞ᬬᬧ᭄ᬯᬦ᭄ᬓᬸ᭠
ᬤ᭄ᬬᬂᬫᬗ᭄ᬮᬦ᭄ᬢᬭᬂ᭞ᬢᬸᬯᬄᬳᬲᬶᬓᬶ᭞ᬦᬾᬧᬢᬸᬢ᭄ᬧᭂᬮᬸᬢᬶᬦ᭄ᬭᬸᬭᬸᬄ᭞ᬢ᭄ᬯᬄᬬᬓᬲᬸᬚᬢ᭄ᬬᬦ᭄᭞ᬦᬾᬚᬢᬶᬲᬸᬚᬢᬶᬚᬢᬶ᭟ᬦᬾᬗᬯᬶᬢ᭄ᬢᭂᬍᬩᬂᬧᬶᬲᬦ᭄᭞ᬫᬗ᭄ᬤᬾᬦ᭄ᬢᭂᬭᬂᬲᬸᬚᬢᬶᬜᬸᬲᬸᬧ᭄ᬤᬶᬳᬢᬶ᭞ᬦᬾᬲᬸᬚᬢᬶᬳᬭᬦᬶᬤᬸ
ᬧ᭄᭞ᬢᬦ᭄ᬮ᭄ᬬᬦ᭄ᬢ᭄ᬯᬄᬲᬂᬲᬭ᭞ᬢᭀᬳᬧᬂᬧᬲ᭄ᬢᬶ᭞ᬫᬗ᭄ᬤᬾᬦ᭄ᬗᭂᬦᬄᬩᬦ᭄ᬗ᭄ᬭᬸᬭᬸᬄ᭞ᬫᬗ᭄ᬤᬢᬦ᭄ᬗᬭᬶᬗᬭᬶᬗ᭞ᬦᬾᬤᬲᬃᬫᬃᬕᬦᬾᬚᬢᬶ᭟ᬳᬸᬮᬶᬤᬶᬦᬶᬩᬦ᭄ᬗ᭄ᬭᬸᬭᬸᬳᬂ᭞ᬓᬸᬤ᭄ᬬᬂᬩᬦ᭄ᬜᬮ᭄ᬧᬲᬓᬾᬂᬲᬂᬲᬭᬳᬶᬓᬶ᭞ᬫᬗ᭄ᬤᬾᬦ᭄ᬜ
[᭑᭗ 17A]
ᬢᬦ᭄ᬘᬭᬢ᭄ᬘᬸᬭᬸᬢ᭄᭞ᬮᬶᬧᬢ᭄ᬮᬶᬧᭂᬢ᭄ᬜᬩ᭄ᬭᬦᬼᬓᬤ᭄᭞ᬢᭀᬧ᭄ᬮᬚᬳᬶᬦ᭄᭞ᬦᬾᬗᬯᬶᬦᬂᬳᬸᬭᬶᬧ᭄ᬳᬶᬓᬸ᭞ᬳᬶᬓᬫᬃᬕᬓᬍᬧᬲᬦ᭄᭞ᬗᬶᬮᬶᬲ᭄ᬦᬶᬃᬯᬦᬓᬳᬸᬗ᭄ᬲᬶ᭟ᬦᬾᬯᬾᬓᬾᬲᬸᬮᬸᬄᬧᬂᬗᭂᬦᬄ᭞ᬲ᭄ᬬᬧᬳᬶᬓᬦᬾᬲᬸᬚ
ᬢᬶᬗᬭᬕᬳᬶᬦ᭄᭞ᬧᭂᬤᬲ᭄ᬧᬘᬂᬲᬸᬯᬸᬂᬧᬗ᭄ᬕᬸᬄ᭞ᬗᬶᬂᬳ᭄ᬤᬩᬵᬦ᭄ᬜᬫᬓᭂᬲ᭄ᬬᬩ᭄᭞ᬳ᭄ᬤᬫᭀᬬᬦᬶᬦ᭄᭞ᬬᬾᬦ᭄ᬚᬢᬶᬲᬸᬯᬸᬂᬓᬢᭂᬧᬸᬓ᭄᭞ᬤᬜᭂᬦ᭄ᬢᬓᬸᬢ᭄ᬫᬢᬮᬂ᭞ᬗ᭄ᬭᬕ᭄ᬭᬕ᭄ᬳᬢ᭄ᬫᬳᬗ᭄ᬕᬾᬦ᭄ᬗᬶᬲᬶᬦᬶᬦ᭄᭟ᬗ᭄ᬓᬾᬦ᭄ᬚᬚᬢᬶ
ᬦᬾᬗᭂᬦᬄ᭞ᬢᭀᬧᬲᬚᬢᭀᬳᬶᬲᬶᬩᬸᬯᬶᬦ᭄ᬧᭂᬮᬸᬢᬶᬦ᭄᭞ᬓᬾᬦ᭄ᬓᬾᬦ᭄ᬚ᭄ᬯᬩᬦ᭄ᬗ᭄ᬭᬗ᭄ᬓᬸᬲ᭄᭞ᬫᬦᬸᬜ᭄ᬚᭂᬮ᭄ᬫᬗ᭄ᬤᬾᬲᬶᬃᬦ᭞ᬬᬾᬓᬯᬶᬢᬶᬂ᭞ᬫᬃᬕ᭄ᬕᬕᬲ᭄ᬢ᭄ᬢᬢᬮᬳᬶᬓᬸ᭞ᬢᭀᬢᬸᬯᬸᬢ᭄ᬕᭂᬍᬗᬂᬫ᭄ᬚᬮᬦ᭄᭞ᬳ᭄ᬤᬧᬢᬶᬢᭀ᭠
