[᭗ 7B]
᭗
ᬗ᭄ᬮᭀᬗᬾᬳᬮᬶᬄ᭞ᬧᬶᬂᬢᭂᬮᬸᬧᬶᬂᬲᭀᬮᬲ᭄ᬓᬗᬶᬦ᭄᭞ᬧᬶᬂᬧᬶᬢᬸᬯ᭄ᬭᬲ᭄ᬧᬢᬶᬓᬯᬸᬄ᭞ᬧᬶᬮᬶᬫᬧᬶᬭᭀᬭᬲ᭄ᬓᭂᬮᭀᬤ᭄᭞ᬬᬦ᭄ᬧᬶᬲᬶᬬᬓᬚᬓᬗᬶᬦ᭄᭞ᬓᭂᬮᭀᬤ᭄ᬤᬶᬢᬸ᭞ᬧᬶᬂᬦᭂᬫ᭄ᬧᬶᬂᬧᬢ᭄ᬩᭂᬮᬲ᭄ᬢᬸᬗ᭄ᬕᬮ᭄᭟
ᬧᬶᬂᬫᭀᬮᬲ᭄ᬧᬶᬂᬓᬸᬢᬸᬲ᭄ᬓᬚ᭞ᬧᬶᬗ᭄ᬓᬮᬶᬄᬧᬶᬂᬤᬰᬢᬸᬗ᭄ᬕᬶᬮ᭄᭞ᬳᬧᬶᬲᬦ᭄ᬓᬚᬓᬯᬸᬄᬬ᭠ᬫ᭞ᬧᬶᬂᬧᬢ᭄ᬧᬶᬂᬢ᭄ᬮᬸᬮᬲ᭄ᬢᬸᬗ᭄ᬕᬶᬮ᭄᭞ᬓᭂᬮᭀᬤ᭄ᬓᬗᬶᬦ᭄᭞ᬜᬸᬯᬂᬲᬶᬬᬧ᭄ᬤᬫᬫᬸᬭᬸᬕ᭄᭞ᬚ
ᬯᬢ᭄ᬫᬗᬤᬸᬯᬂᬲᬶᬬᬧ᭄᭞ᬳᬮᬶᬄᬢᭀᬗᭀᬲᬾᬦᬾᬧᬲ᭄ᬢᬶ᭞ᬤᬫᬫᬸᬭᬸᬕ᭄᭞ᬫᬓ᭄ᬭᬡ᭠ᬩᬸᬯᬸᬂᬫᬩ᭄ᬮᬜ᭄ᬚ᭟ᬢᬮᬶᬯᬗ᭄ᬓᬾᬦᬾᬳᬶᬗᭂᬢᬂ᭞ᬤᬶᬉᬓᬸᬢᬸᬫ᭄ᬧᭂᬓ᭄ᬫᬲᬮᬶᬦ᭄᭞ᬤᬶᬮᬡ᭄ᬥᭂᬧᬾᬓᬮᬩᬸ
ᬤ᭄ᬥ᭞ᬯᬭᬶᬕᬦᭂᬫᬸᬯ᭄ᬭᬲ᭄ᬧᬢᬶ᭞ᬓᬸᬦᬶᬗᬦ᭄ᬰᬸᬓᬺᬦᬫ᭄ᬧᬶ᭞ᬯ᭄ᬭᬲ᭄ᬧᬢᬶᬢᬸᬫ᭄ᬧᭂᬓ᭄ᬓ᭄ᬭᬸᬮᬸᬢ᭄᭞ᬤᬶᬉᬬᬾᬦᬾᬦᬸᬚᬸᬘᭀᬫ᭞ᬯᬬᬂᬅᬗ᭄ᬕᬭᬫᬦᬫ᭄ᬧᬶ᭞ᬢᭀᬤᬫᬸᬭᬸᬕ᭄᭞ᬲᬮ᭄ᬯᬶᬭᬶᬗ᭄ᬕᬯᬾᬤᬶᬩᭂᬦᬂ᭟
[᭘ 8A]
ᬓᬮᬥᬗᬲ᭄ᬢ᭄ᬭᬳᬶᬗᭂᬢᬂ᭞ᬕᬯᬾᬳᬬᬸᬤᬗᬫ᭄ᬩᬳᬶᬦ᭄᭞ᬰᬸᬓᬺᬧᬶᬧᬶᬢᬸᬧᬗ᭄ᬮᭀᬂ᭞ᬢ᭠ᬗ᭄ᬕᬮ᭄ᬧᬶᬂᬓᬸᬢᬸᬲ᭄ᬯ᭄ᬭᬲ᭄ᬧᬢᬶ᭞ᬧᬶᬂᬭᭀᬭᬲ᭄ᬤᬶᬢᬾᬦᬫ᭄ᬧᬶ᭞ᬩᬸᬤ᭄ᬥᬧᬶᬂᬲᬶᬬᬓᬢᭂᬫᬸ᭞ᬘᭀᬫᬢ᭠
ᬗ᭄ᬕᬮ᭄ᬧᬶᬂᬲᭀᬮᬲ᭄᭞ᬅᬗ᭄ᬕᬭᬧᬶᬂᬤᬰᬦᬫ᭄ᬧᬶ᭞ᬰᬦᬶᬰ᭄ᬘᬭ᭞ᬧᬗ᭄ᬮᭀᬂᬧᬶᬂᬦᭂᬫᬾᬓᬚᬸᬯᬂ᭟ᬓᬮᬲᭀᬃᬧᬢᬶᬤᬫᬧᬲ᭄᭞ᬓᬢᬶᬕᬓᬧᬢ᭄ᬓᬭᭀᬓᬗᬶᬦ᭄᭞ᬤ᭄ᬬᬾᬱ᭄ᬝᬲᬤ᭄ᬥᬓᬱᬓ᭄ᬮᭀᬤ᭄᭞
ᬓᬧᬶᬢᬸᬓᭂᬦᭂᬫ᭄ᬓᭂᬮᬶᬤᬶᬦ᭄᭞ᬓᬮᬶᬫᬦᬾᬳᬶᬫ᭄ᬧᬲᬶᬦ᭄᭞ᬤᬮᬸᬯᬲ᭄ᬗᬚᬦᬂᬤᬶᬢᬸ᭞ᬬ᭠ᬦ᭄ᬜᬓᬲᬗ᭄ᬳᬓᬤᬰ᭞ᬓᬯᬸᬮᬸᬦᬾᬧᬥᬦᬫ᭄ᬧᬶ᭞ᬓᬮᬓᬯᬸᬄ᭞ᬢᭀᬳᬶᬗᭂᬢᬂᬦᬸᬚᬸᬮᬸᬯᬲ᭄᭟
᭐᭟᭚᭜᭚ᬧᬸᬦᬶᬓᬶᬕᬕᬸᬭᬶᬢᬦ᭄ᬯᬭᬶᬕ᭞ᬧᬸᬧᬸᬢ᭄ᬓᬲᬸᬭᬢ᭄ᬤᬸᬓ᭄ᬢᬗ᭄ᬕᬮ᭄᭞᭒᭐᭞᭑᭑᭞᭑᭙᭙᭓᭞ᬤᬾᬲᬗᬧᬦᭂᬮᬄᬅᬭᬶᬓᬘᬢᬹᬃᬲᬦᬓ᭄᭞ᬭᬶᬂᬦᬶᬰ᭄ᬘ(ᬬ)ᬮᭀᬃ᭞ᬲ᭄ᬫᬵᬭᬧᬸᬭ᭟᭐᭟
Kaca:Bali-lontar-gaguritan-wariga-03-300ppi.pdf/8
Kaca puniki sampun kauji-wacén
