[᭑᭗ 17B]
᭑᭗
ᬫᬳᬸᬮᬸᬫᬦᬶᬲ᭄᭞ᬧᬥᬗ᭄ᬮᬶᬗᬸᬲ᭄᭞ᬲᬮ᭄ᬬᬸᬦ᭄ᬫ᭄ᬭᬡᬦᬾᬕᬮᬓ᭄᭚ᬮᬫᬸᬜᬫᬫ᭄ᬩᬸᬮᬶᬄᬫᬫᬸᬜᬶᬸᬮ᭞ᬤᬶᬓᬚᭂᬗᬾᬚ᭄ᬯᬢ᭄ᬫᭀᬦᬶᬦ᭄᭞ᬓᬚᭂᬂᬫᬳᬸᬮᬸᬦᬾᬫ᭄ᬮᬄ᭞ᬚᬯᬢ᭄ᬯᬸᬭᬸᬓᬸᬂᬳᬫ᭄ᬩᬳᬶᬦ᭄᭞ᬮᬫᬸᬜᬓᬚᭂᬂᬫᬦᬶᬲ᭄᭞
ᬲᭀᬥᬅᬗ᭄ᬰᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬤᬶᬗᬮᬧᬶᬦᬾᬋᬓᭀ᭞ᬲᬢᬸᬲ᭄ᬳᬓᬸᬢᬸᬲ᭄ᬳᬮᬧᬶᬦ᭄᭞ᬫ᭄ᬯᬦᬶᬳ᭄ᬮᬸᬄ᭞ᬧᬥᬜᬫᬜᬾᬓᭂᬢ᭄ᬧᬢ᭄ᬧᬢ᭄᭚ᬗᬮᬧᬶᬦ᭄ᬧᬢᬶᬢᬶᬓᬂ᭞ᬫᬜᬶᬫᬗᬹᬗ᭄ᬕᬳᬂᬧᬤᬶ᭞ᬤᬶᬰ᭄ᬭᬷᬦᭀᬳᬦᬾᬢᬸᬚᬸᬯᬂ᭞ᬚᬯᬢ᭄ᬰ᭄ᬭᬷ᭠
ᬫᬲᬶᬄᬳᬫ᭄ᬩᬳᬶᬦ᭄᭞ᬳᬧᬦ᭄ᬳᬶᬤᬪᬝᬵᬭᬰ᭄ᬭᬷ᭞ᬧᬤᬶᬭᬩᬷᬦ᭄ᬲᬂᬯᬶᬱ᭄ᬡᬸ᭞ᬯᬶᬱ᭄ᬡᬸᬓᬳᬸᬘᬧᬂᬢᭀᬬ᭞ᬬᬦ᭄ᬓ᭄ᬯᬗᬦ᭄ᬬᬾᬄᬳᬶᬧᬤᬶ᭞ᬯᬬᬄᬳ᭄ᬢᬸᬄ᭞ᬢ᭄ᬯᬭᬫᬗ᭄ᬮᬳᬮᬧᬦ᭄᭚᭜᭚ᬬᬾᬦ᭄ᬓᬵᬮᬦᬶᬂᬳᬦᬓ᭄ᬫᬵᬦᬓ᭄᭞ᬓᬵᬮᬦᬵ
ᬖᬦᬾᬧ᭄ᬮᬶᬳᬶᬦ᭄᭞ᬧᬋᬧ᭄ᬳᬋᬧᬦᬾᬋᬓᭀ᭞ᬤᬶᬸᬓᬤᬶᬓ᭄ᬭᬫᬦᬶᬂᬗᭂᬦ᭄ᬤᬕᬶᬦ᭄᭞ᬫᬢ᭄ᬓᬧᬾᬤᬶᬘᬭᬶᬓ᭄᭞ᬳᬋᬧ᭄ᬳᬋᬧᬦᬾᬧᬢᬸᬄ᭞ᬰᬰᬶᬳᬾᬦᬾᬭᭀᬭᬲ᭄᭞ᬢᬢ᭄ᬮᬸᬢ᭄ᬮᬸᬫᬳᬶᬦ᭄ᬤᬶᬓ᭄᭞ᬲᬸᬩᬧᬸᬧᬸᬢ᭄᭞ᬫᬦᬤᬶᬧ᭄ᬢᭂᬂᬧ᭄ᬭᬓᬭ᭚
[᭑᭘ 18A]
᭑᭘
ᬮᬫᬸᬜᬰᬰᬶᬄᬚ᭄ᬬᬾᬱ᭄ᬝᬰᬤᬵ᭞ᬓᬰᬦᬵᬖᬫᬵᬋᬧ᭄ᬓᬗᬶᬦ᭄᭞ᬢᬸᬦ᭄ᬤᬸᬦ᭄ᬤᬦᬾᬫᬵᬋᬧ᭄ᬓ᭄ᬮᭀᬤ᭄᭞ᬧ᭄ᬢᭂᬗᬾᬓᬚᬓᬵᬋᬧᬶᬦ᭄᭞ᬳᬶᬓᬸᬳᬾᬓᬳᬸᬄᬳᬸᬕᬶ᭞ᬬᬾᬦ᭄ᬫᬵᬦᬓ᭄ᬫᬢ᭄ᬓᬧ᭄ᬤᬶᬢᬸ᭞ᬓ᭄ᬮᭀᬤ᭄ᬓᬗᬶᬦ᭄ᬳᬋᬧᬂ᭞ᬘᬭᬸᬦ᭄ᬜᬦᬾᬲᬃᬯ᭄ᬯᬧᬸ
ᬢᬶᬄ᭞ᬧᬶᬸᬢᬶᬸᬦᬲᬶᬧᬸᬢᬶᬄ᭞ᬧᬸᬢᬶᬄᬢᬮᬸᬄᬗ᭄ᬕᬾᬦ᭄ᬳᭂᬩᬾᬜ᭚ᬬᬾᬦ᭄ᬓᬭᭀᬓᬢᬶᬕᬓᬧᬢ᭄᭞ᬫᬲᬶᬄᬫᬵᬋᬧ᭄ᬓᭂᬮᭀᬤ᭄ᬓᬗᬶᬦ᭄᭞ᬳᬗ᭄ᬳᬶᬂᬘᬭᬸᬜᬲᬃᬯ᭄ᬯᬩᬂ᭞ᬰᬸᬤᬂᬬᬸᬬᬸᬗ᭄ᬕᬾᬦ᭄ᬗᭂᬩᬾᬦᬶᬦ᭄᭞ᬳᬋᬧᬦᬵᬖᬦᬾᬫᬮᬶᬄ᭞ᬓ᭄ᬮᭀᬤ᭄ᬲᬶᬭ
ᬳᬾᬓᬯᬸᬯᬸᬲ᭄᭞ᬳᬶᬓᬸᬳᬾᬫᬵᬋᬧ᭄ᬓᬚᬵ᭞ᬢᬸᬦ᭄ᬤᬸᬦᬾᬫᬳᬋᬧ᭄ᬓᬗᬶᬦ᭄᭞ᬫᬵᬋᬧ᭄ᬓᬯᬸᬄ᭞ᬯ᭄ᬢᭂᬂᬤᬦᬾᬦᬾᬓᬳᬸᬘᬧ᭄᭚ᬓᬧᬶᬢᬸᬓᭂᬦᭂᬫ᭄ᬓᬮᬶᬫ᭞ᬓᬯᬸᬄᬲᬶᬭᬳᬾᬫᬕᬶᬗ᭄ᬲᬶᬃ᭞ᬯ᭄ᬢᭂᬂᬤᬦᬾᬫᬵᬋᬧ᭄ᬓᭂᬮᭀᬤ᭄᭞ᬢᬸᬦ᭄ᬤᬸᬦᬾᬓᬚᬵᬓᬵᬋ᭠
ᬧᬶᬦ᭄᭞ᬳᬶᬓᬸᬳᬾᬫᬵᬋᬧ᭄ᬓᬗᬶᬦ᭄᭞ᬳᬋᬧᬂᬬᬓᬚᬓᬯᬸᬄ᭞ᬲᬃᬯ᭄ᬯᬓᬸᬦᬶᬂᬘᬭᬸᬜ᭞ᬩᬸᬗᬓᬸᬦᬶᬂᬦᬲᬶᬓᬸᬦᬶᬂ᭞ᬓᬸᬦᬶᬂᬢᬮᬸᬄ᭞ᬩᬾᬜᬫᬧ᭄ᬮᬯᬓᬬᬸᬫᬵᬲ᭄᭚ᬓᬳᬸᬮᬸᬓᬲᬗ᭄ᬳᬓᬤᬰ᭞ᬲᬶᬭᬳᬾᬓᬚᬫᬕᬶᬗ᭄ᬲᬶᬃ᭞ᬳᬶᬓᬸᬄ
